ബജി കള് കഴിക്കാന് ഇഷ്ടമില്ലാത്തവര് ആയി ഉണ്ടാകില്ല .
ഇന്ന് നമുക്ക് സ്വാദിഷ്ടമായ അഞ്ചു വ്യത്യസ്ത തരം ബജികള് എങ്ങനെ വീട്ടില്തന്നെ ഉണ്ടാക്കാം എന്ന് നോക്കിയാലോ
മുളക് ബജി
ആവശ്യമുള്ള സാധനങ്ങള്
1. ബജി മുളക് – 5- 10
2. കടലമാവ് -ആവശ്യത്തിന്
3. മുളകുപൊടി -ഒരു ടീസ്പൂണ്
4. മഞ്ഞള്പൊടി – അര ടീസ്പൂണ്
5. കായപ്പൊടി -അര ടീസ്പൂണ്
6. ഉപ്പ് – ആവശ്യത്തിന്
7. വെള്ളം – ആവശ്യത്തിന്
8. വെളിച്ചെണ്ണ- ആവശ്യത്തിന്
തയാറാക്കുന്ന വിധം
ബജി മുളക് നീളത്തില് അരിയുക. കടലമാവില് മുളകുപൊടിയും മഞ്ഞള്പൊടിയും കായപൊടിയും ഉപ്പും ആവശ്യത്തിനു വെള്ളവും ചേര്ത്ത് ഇളക്കുക. കടലമാവ് കട്ടിയായി കിടക്കരുത്. ഇതിനാല് നന്നായി കുഴയ്ക്കുക. നീളത്തില് അരിഞ്ഞ മുളക് ഓരോ കഷ്ണമായി മാവില് മുക്കി എണ്ണയില് വറുക്കുക. ചൂടോടെ റ്റൊമാറ്റൊ സോസൊ ചില്ലി സോസോ കൂട്ടി കഴിക്കാം.
മുട്ട ബജി
ആവശ്യമുള്ള സാധനങ്ങള്
1. പുഴുങ്ങിയ മുട്ട (മുട്ട രണ്ടായി മുറിക്കുന്നത് നന്നായിരിക്കും)- 10 എണ്ണം
2. മൈദമാവ്-രണ്ട് കപ്പ്
3. കടലമാവ്, മുളകുപൊടി-രണ്ട് സ്പൂണ് വീതം
4. പെരുംജീരകം-ഒരു സ്പൂണ്
5. കായപ്പൊടി- അര സ്പൂണ്
6. ഉപ്പ്, വെള്ളം-ആവശ്യത്തിന്
7. എണ്ണ വറുക്കാന് പാകത്തിന്
തയാറാക്കുന്ന വിധം
മൈദമാവ്, കടലമാവ്, മുളകുപൊടി, പെരുംജീരകപ്പൊടി, കായപ്പൊടി എന്നിവ ഉപ്പും വെള്ളവും ചേര്ത്ത് കുഴയ്ക്കുക. കുറച്ച് അയഞ്ഞ രീതിയില് കുഴയ്ക്കുന്നതാണ് നല്ലത്. ഇതിനു ശേഷം മുട്ട ഈ മസാലക്കൂട്ടില് മുക്കി ചൂടായ എണ്ണയില് ഇടുക. ചുവന്ന നിറം വരുന്നതുവരെ ചൂടാക്കുക.
കാബേജ് ബജി
ആവശ്യമുള്ള സാധനങ്ങള്
1. കാബേജ് – 500 ഗ്രാം (ചെറുതായി അരിയണം)
2. ഉണക്കമുളക് – ഒന്ന്
3. കടുക്- ഒരു ടീസ്പൂണ്
4. വെള്ളം- ആവശ്യത്തിന്
5. കറിവേപ്പില- ഒരു തണ്ട്
6. തേങ്ങ ചുരണ്ടിയത്- ഒരു സ്പൂണ്
7. എണ്ണ- രണ്ടു സ്പൂണ്
8. ഉണക്ക മുളക്- ഒന്ന്
9. ഉഴുന്ന്- രണ്ടു ടീസ്പൂണ്
തയാറാക്കുന്ന വിധം
കാബേജ് അരിഞ്ഞത് വെള്ളത്തിലിട്ട് ചെറുതായി വേവിക്കുക. തിളച്ച ശേഷം വെള്ളം കളഞ്ഞു അടുപ്പത്തു വച്ചു ചൂടാക്കുക. നോണ്സ്റ്റിക്ക് പാനില് എണ്ണയൊഴിച്ച് ചൂടാക്കി കടുക്, ഉണക്കമുളക് എന്നിവയിട്ട് ഇളക്കുക. ഉഴുന്നിന് ഇളംബ്രൗണ് നിറം വന്നാല് കറിവേപ്പിലയിട്ട് രണ്ടുമിനിട്ട് ഇളക്കുക. ഇത് കാബേജിലേക്ക് ചേര്ക്കുക. തേങ്ങ, ഉപ്പ്, കുരുമുളക് പൊടി എന്നിവ കൂടി ചേര്ത്ത് ചൂടോടെ കഴിക്കാം.
കായ ബജി
ആവശ്യമുള്ള സാധനങ്ങള്
സാധാരണ നേന്ത്രക്കായയോ മറ്റു പഴങ്ങളോ ബജി ഉണ്ടാക്കാന് ഉപയോഗിക്കാറില്ല. വണ്ണന് കായ, പടത്തി എന്ന പേരില് അറിയപ്പെടുന്ന ഇനമാണ് ബജി നിര്മാക്കാന് ഉപയോഗിക്കുന്നത്. ആദ്യം കായ രണ്ടായി മുറിക്കുക. ഇതിനു ശേഷം രണ്ടോ മൂന്നോ തവണ നെടുകെ മുറിക്കണം. കായയുടെ കട്ടി കുറയ്ക്കാന് ഇതു സഹായിക്കും. കട്ടി കൂടിയാല് ബജിയുടെ രുചി കുറയും.
1. കായ – അഞ്ചെണ്ണം
2. കടലമാവ് – 250 ഗ്രാം
3. കായം – അരടീസ്പൂര്
4. മുളക് പൊടി – ഒന്നര ടീസ്പൂണ്
5. മഞ്ഞള്പ്പൊടി – ഒരു ടീസ്പൂണ്
6. വെളിച്ചെണ്ണ- 200 ഗ്രാം
7. ഉപ്പ്- പാകത്തിന്
തയാറാക്കുന്ന വിധം
കടലമാവ്, കായം, മുളക് പൊടി, മഞ്ഞള്പ്പൊടി, ഉപ്പ് എന്നിവ വെള്ളം ചേര്ത്ത് കുഴയ്ക്കുക. ഈ മിശ്രിതത്തിലേക്ക് മുറിച്ച കായ മുക്കുക. എണ്ണയിട്ട് ആവശ്യത്തിന് പൊരിക്കുക.
ഉരുളക്കിഴങ്ങ് ബജി
ആവശ്യമുള്ള സാധനങ്ങള്
1. ഉരുളക്കിഴങ്ങ് (അര ഇഞ്ച് കനത്തില് വട്ടത്തില് അരിയുക) -മൂന്ന് എണ്ണം
2. കടലമാവ് -150 ഗ്രാം
3. ഗരം മസാലപ്പൊടി- ഒരു ടീസ്പൂണ്
4. ഉപ്പ് -പാകത്തിന്
5. ചില്ലി സോസ്- ഒരു ടീസ്പൂണ്
6. എണ്ണ – 100 മില്ലി
തയാറാക്കുന്ന വിധം
ഉരുളക്കിഴങ്ങ് അരിഞ്ഞത് തണുത്ത വെള്ളത്തില് കഴുകുക. കടലമാവ്, ഗരംമസാല, ചില്ലി സോസ്, ഉപ്പ് ഇവയെല്ലാം കൂടി പാകത്തിന് വെള്ളം ചേര്ത്ത് കുഴയ്ക്കുക. ഈ കൂട്ടില് ഉരുളക്കിഴങ്ങ് കഷണങ്ങള് മുക്കി എണ്ണയില് വറുത്ത് കോരുക. ടൊമാറ്റോ സോസു ചേര്ത്ത് കഴിക്കാം.
