Blog

സ്കൂൾ തുറന്നു കുട്ടികൾ സ്കൂളിൽ പോയിത്തുടങ്ങി അവർക്ക് സ്കൂളിൽ ലഞ്ച് ബോക്സ് കൊടുത്തു വിടുമ്പോൾ എന്താണ് തയ്യാറാക്കേണ്ടത് എന്ന കൺഫ്യൂഷൻ ആണ് എപ്പോഴും വീട്ടമ്മമാർക്ക്, ലഞ്ച് ബോക്സ് തുറക്കുമ്പോൾ അവർക്കിഷ്ടമുള്ളത് കണ്ടില്ലെങ്കിൽ അവർ കഴിക്കില്ല, ലഞ്ച് ബോക്സിൽ കൊടുത്തുവിടാൻ ആയി 5 വ്യത്യസ്ത തരം റെസിപ്പികൾ.

ആദ്യത്തെ റെസിപ്പി ഒരു വെജ് pulao ആണ്

ഇത് തയ്യാറാക്കാനായി ഒരു പാൻ അടുപ്പിൽ വച്ച് അല്പം എണ്ണ ഒഴിച്ച് ചൂടാക്കുക.അതിലേക്ക് കുറച്ച് സ്പൈസസ് ചേർത്ത് കൊടുക്കണം, രണ്ട് പച്ചമുളകും ചേർത്ത് ഒന്ന് വഴറ്റിയതിനുശേഷം അരിഞ്ഞു വച്ചിരിക്കുന്ന ക്യാരറ്റും, ബീൻസും ചേർത്തു കൊടുക്കാം, ഉപ്പും കൂടെ ചേർത്ത് വഴറ്റിയതിനു ശേഷം വേവിച്ചു വച്ചിരിക്കുന്ന ചോറ് ചേർക്കാം, അല്പം ഗരം മസാലയും, നെയ്യും കൂടി ചേർത്ത് നല്ലതുപോലെ ചൂടാക്കി മല്ലിയില കൂടി ചേർത്ത് തീ ഓഫ് ചെയ്യാം. ഈ പുലാവിന് ഒപ്പം ,കുക്കിസും, ഡേട്സും, ബദാമും ഒക്കെ വെച്ചു കൊടുക്കുകയാണെങ്കിൽ കുട്ടികൾ ഇഷ്ടത്തോടെ കഴിച്ചോളും .

അടുത്ത റെസിപ്പി വൈറ്റ് സോസ് പാസ്ത ആണ്, ഒരു പാൻ അടുപ്പിൽ വച്ച് അല്പം എണ്ണ ഒഴിച്ച് ചൂടാക്കണം എണ്ണ നന്നായി ചൂടാകുമ്പോൾ ചെറുതായി അരിഞ്ഞ വെളുത്തുള്ളി ചേർത്ത് വഴറ്റാം , ഒന്നര ടീസ്പൂൺ മൈദ ചേർത്ത് നല്ലപോലെ മിക്സ് ചെയ്യുക, ഇതിലേക്ക് ഒരു ഗ്ലാസ് പാൽ ഒഴിച്ചു കൊടുക്കാം, ആവശ്യത്തിന് ഉപ്പും അൽപ്പം കുരുമുളകു പൊടിയും, മുളക് ചതച്ചതും ചേർത്ത് കൊടുത്തത് സ്പൂൺ ഉപയോഗിച്ച് നന്നായി ഇളക്കിക്കൊണ്ടിരിക്കണം, നല്ല കട്ടിയായി വന്നാൽ വേവിച്ചുവച്ചിരിക്കുന്ന പാസ്ത ചേർത്ത് നല്ലപോലെ മിക്സ് ചെയ്യുക, ലഞ്ച് ബോക്സിൽ ഇതിനോടൊപ്പം ഫ്രൂട്ട്സും, ചിക്കൻ ഫ്രൈ എന്നിവയെല്ലാം വെച്ചു കൊടുക്കാം.

അടുത്ത റെസിപ്പി എഗ്ഗ് ക്യാബേജ് റൈസ്, ആദ്യം മൂന്നു മുട്ട സ്ക്രാബിൾ ചെയ്തെടുത്തു മാറ്റിവയ്ക്കണം, ശേഷം അതേ പാനിലേക്ക് ബട്ടർ ചേർത്ത് കൊടുത്തു ചൂടാക്കണം, ചൂടായി വരുമ്പോൾ വെളുത്തുള്ളി അരിഞ്ഞതും ചേർത്ത് നന്നായി റോസ്റ്റ് ചെയ്യണം, അടുത്തതായി കാബേജ് ഗ്രേറ്റ് ചെയ്തത് ചേർത്ത് നന്നായി വഴറ്റാം , അല്പം ഉപ്പും, കുരുമുളകുപൊടിയും കൂടി ചേർക്കണം ഇതിലേക്ക് scramble ചെയ്ത മുട്ടയും വേവിച്ചു വെച്ചിരിക്കുന്ന അരിയും ചേർത്ത് നന്നായി മിക്സ് ചെയ്താൽ റൈസ് റെഡി.

അടുത്തത് സോസേജ് ഉപയോഗിച്ച് തയ്യാറാക്കുന്നതാണ്, ഇതിനായി സോസേജ് ഫ്രൈ ചെയ്തെടുക്കണം, ശേഷം ക്യാരറ്റ് കൂടെ ചേർത്ത് ലഞ്ച് ബോക്സിലേക്ക് വെച്ചു കൊടുക്കാം, ഒപ്പം ബിസ്ക്കറ്റും ഇഷ്ടമുള്ള ഫ്രൂട്സും വയ്ക്കാം.

അടുത്ത റെസിപ്പി ഒരു ബ്രെഡ് ടോസ്റ്റ് ആണ്, ബട്ടർ തേച്ച് ബ്രെഡ് നന്നായി ടോസ്റ്റ് ചെയ്തതിനു ശേഷം ചെറിയ കഷണങ്ങളായി മുറിച്ച് ലഞ്ച് ബോക്സിൽ വയ്ക്കാം, കൂടെ പുഴുങ്ങിയ മുട്ടയും, ഫ്രൂട്ട്സും വച്ച് കൊടുക്കാം.

അടുത്ത റെസിപ്പി സോസേജ് മക്രോണി ആണ്, ഇത് തയ്യാറാക്കാനായി സവാള ,ക്യാപ്സിക്കം, തക്കാളി ,പച്ചമുളക് വെളുത്തുള്ളി എന്നിവ നല്ലതുപോലെ വഴറ്റുക കൂടെ മഞ്ഞൾപൊടി, മുളകുപൊടി, മല്ലിപ്പൊടി, ഗരം മസാല എന്നിവ കൂടി ചേർക്കണം,നന്നായി വഴന്നു വന്നുകഴിഞ്ഞാൽ സോസേജ് ചെറിയ കഷണങ്ങളായി മുറിച്ച് ചേർക്കാം ഇത് മസാലയുമായി മിക്സ് ആയി കഴിഞ്ഞാൽ വേവിച്ചു വച്ചിരിക്കുന്ന മക്രോണി ചേർക്കാം, മല്ലിയില കൂടി ചേർത്ത് മിക്സ് ചെയ്ത് തീ ഓഫ് ചെയ്യാം, ലഞ്ച് ബോക്സിൽ ഇതിനോടൊപ്പം ഫ്രൂട്ട്സും ബിസ്ക്കറ്റും വെച്ചു കൊടുക്കാം.

വിശദമായ റെസിപ്പിക്കായി ഈ വീഡിയോ മുഴുവൻ കാണുക ,ഡെയിലി അപ്പ്‌ഡേറ്റ്സ് കിട്ടാൻ ഈ പേജ് ഫോളോ ചെയ്യുക, ഈ റെസിപ്പി ഇഷ്ടമായിട്ടുണ്ടെങ്കിൽ , ഫ്രണ്ട്സിനും,ഫാമിലിക്കും ഷെയർ ചെയ്തു കൊടുക്കുക ഒപ്പം ഇതുപോലുള്ള വിഡിയോകൾക്കായി ഈ ചാനൽ സബ്സ്ക്രൈബ് ചെയ്യുക Mom’s-daybook by Mumthas Rayis

പഴം കഴിച്ചു കഴിഞ്ഞാൽ പഴത്തൊലി നമ്മൾ വലിച്ചെറിയാറാണ് പതിവ് ,പഴത്തെ പോലെതന്നെ ഏറെ ഗുണങ്ങൾ അടങ്ങിയതാണ് പഴത്തൊലിയും, അതുകൊണ്ട് ഇനി മുതൽ പഴം കഴിക്കുമ്പോൾ പഴത്തൊലി വലിച്ചെറിയേണ്ട ഇത് ഉപയോഗിച്ചു രുചികരമായ ഒരു വിഭവം തയ്യാറാക്കാം.

ഇത് തയ്യാറാക്കാനായി 3 പഴം ആണ് എടുക്കേണ്ടത്, പഴം നന്നായി കഴുകിയതിനുശേഷം തൊലി നന്നായി തുടച്ചെടുക്കുക ശേഷം ചെറിയ കഷണങ്ങളായി മുറിക്കണം തൊലിയും ചെറിയ കഷണങ്ങളായി മുറിച്ച് മാറ്റി വയ്ക്കുക.ഇനി ഒരു പാൻ അടുപ്പിൽ വച്ച് ഒരു ടേബിൾസ്പൂൺ സൺഫ്ലവർ ഓയിൽ ഒഴിച്ചു കൊടുക്കാം, ഇതിലേക്ക് ആദ്യം കശുവണ്ടി ചേർക്കുക, റോസ്റ്റ് ചെയ്തതിനുശേഷം മുന്തിരി ചേർക്കാം, രണ്ടും നന്നായി റോസ്റ്റ് ചെയ്തതിനുശേഷം മുറിച്ചുവെച്ച പഴം ഇതിലേക്ക് ചേർക്കാം, നന്നായി വഴറ്റിയതിനു ശേഷം ഒരു ടേബിൾ സ്പൂൺ പഞ്ചസാര കൂടി ചേർത്ത് മിക്സ് ചെയ്ത് തീ ഓഫ് ചെയ്യാം. ഇനി ഒരു മിക്സി ജാർ എടുത്ത് അതിലേക്ക് മുറിച്ചു വച്ചിരിക്കുന്ന പഴത്തൊലി ചേർത്തുകൊടുക്കാം ഇതിലേക്ക് മുക്കാൽ കപ്പ് പഞ്ചസാര കൂടെ ചേർത്ത് നന്നായി അടിച്ചെടുക്കാം അടുത്തതായി മൂന്ന് മുട്ട ചേർത്തുകൊടുക്കാം,വീണ്ടും നന്നായി അടിച്ചതിനു ശേഷം ഒരു സൈഡിലേക്ക് വയ്ക്കുക. ഒരു ബൗൾ എടുത്ത് അതിലേക്ക് ഒന്നര കപ്പ് മൈദ അരിച്ചു ചേർത്തു കൊടുക്കാം, ഇതിലേക്ക് ഒന്നര ടീ സ്പൂൺ ബേക്കിംഗ് പൗഡർ ചേർക്കണം, നാല് ടേബിൾ സ്പൂൺ കൊക്കോ പൗഡർ കൂടി ചേർത്ത് നന്നായി ഒന്നുകൂടി അരിക്കാം ,ഇതിലേക്ക് അടിച്ചു വച്ചിരിക്കുന്ന പഴത്തൊലി മിക്സ് ചേർത്ത് ഒരു വിസ്ക്ക് ഉപയോഗിച്ച് മിക്സ് ചെയ്യാം, നാല് ടേബിൾ സ്പൂൺ സൺ ഫ്ലവർ ഓയിൽ ചേർക്കണം, റൂം ടെമ്പറേച്ചർ ഉള്ള പാലും കൂടി ചേർത്ത് പെർഫെക്റ്റ് ആയ കേക്ക് ബാറ്റെർ റെഡിയാക്കാം.ഇതിൽ നിന്നും അൽപം എടുത്ത് മാറ്റി വെക്കാം, പഴം മിക്സിൽ നിന്നും അല്പം മാറ്റി വയ്ക്കണം, ശേഷം ബാക്കിയുള്ള പഴം വിക്സും കേക്ക് ബാറ്ററും കൂടി മിക്സ് ചെയ്യണം, ഇനി ഒരു കേക്ക് ടിൻ എടുത്ത് അടിയിൽ ബട്ടർ പേപ്പർ വച്ച് കൊടുത്തതിനുശേഷം ഈ ബാറ്റർ ഒഴിച്ചുകൊടുക്കുക, നന്നായി ടാപ്പ് ചെയ്തതിനുശേഷം ബേക്ക് ചെയ്ത് എടുക്കാം. ഒരു പാൻ ചൂടാക്കി നല്ലതുപോലെ എണ്ണ തേച്ചു കൊടുക്കുക മാറ്റിവെച്ച കേക്ക് ബാറ്റെർ എടുത്തു ചെറിയ പാൻ കേക്കുകൾ ആയി ഒഴിച്ച് കൊടുക്കുക, ഇതിനു മുകളിലേക്ക് പഴം മിക്സ് വെച്ചുകൊടുത്തു മൂടിവെച്ച് വേവിച്ചെടുക്കാം.

വിശദമായ റെസിപ്പിക്കായി ഈ വീഡിയോ മുഴുവൻ കാണുക ,ഡെയിലി അപ്പ്‌ഡേറ്റ്സ് കിട്ടാൻ ഈ പേജ് ഫോളോ ചെയ്യുക, ഈ റെസിപ്പി ഇഷ്ടമായിട്ടുണ്ടെങ്കിൽ , ഫ്രണ്ട്സിനും,ഫാമിലിക്കും ഷെയർ ചെയ്തു കൊടുക്കുക ഒപ്പം ഇതുപോലുള്ള വിഡിയോകൾക്കായി ഈ ചാനൽ സബ്സ്ക്രൈബ് ചെയ്യുക Shamys Curry World