ഞാന് പിന്നേം വന്നൂട്ടോ എനിക്ക് വരാതിരിക്കാന് കഴിയില്ലല്ലോ തട്ടുകട കൂട്ടുകാര് കാത്തിരിക്കുന്നുണ്ടാകില്ലേ പുതിയ റസിപ്പീ അറിയാന് അല്ലെ ?
ഇന്ന് നമുക്ക് കേക്ക് ഉണ്ടാക്കിയാലോ കേട്ടപ്പോതന്നെ കൊതിയാകുന്നൂല്ലേ …കേക്ക് ഇഷ്ട്ടമാണെങ്കിലും സാധാരണയായി വീട്ടില് ഉണ്ടാക്കാതെ കൊതിമൂത്താല് ബേക്കറിയിലേക്ക് ഓടുകയാണ് മിക്കവരും ചെയ്യുക ..എന്നാല് വീട്ടില് ഒരു ഓവന് ഉണ്ടെങ്കില് ഈ കേക്ക് എന്ന് പറയുന്ന പലഹാരം നമുക്ക് ഉണ്ടാക്കാം ഈസിയായി … ഇന്ന് നമുക്ക് ചോക്ലേറ്റ് ഫഡ്ജ് കേക്ക്
ഉണ്ടാക്കാം …. അപ്പോള് നമുക്ക് നോക്കാം കേക്ക് എങ്ങിനെയാണ് ഉണ്ടാക്കുക എന്ന് ഇതിനാവശ്യമുള്ള
ചേരുവകള്:
ബട്ടർ ഉരുക്കിയത് കേക്ക് ടിന്നിൽ പുരട്ടാൻ
പ്ളെയിൻ ചോക്ളേറ്റ് 55 ഗ്രാം ചെറുതായി മുറിച്ചത്
പഞ്ചസാര, 175 ഗ്രാം
ബട്ടർ, 175 ഗ്രാം
മൈദ 175 ഗ്രാം
പാൽ 2 ടേബിള് ടിസ്പൂണ്
ബേക്കിംഗ് പൗഡർ 1 ടേബിള് ടിസ്പൂണ്
മുട്ട 3 എണ്ണം അടിച്ചത്
വാനില എസ്സൻസ് 1 ടീസ്പൂൺ
ചോക്ളേറ്റ് ഗ്രേറ്റ് ചെയ്തത് (കുറച്ച് അലങ്കരിക്കാൻ)
ഫില്ലിംഗിനും ഫ്രോസ്റ്റിംഗും
ചോക്ളേറ്റ് ചെറുകഷ്ണങ്ങൾ ആക്കിയത് 100 ഗ്രാം
ബട്ടർ 55 ഗ്രാം
ഐസിംഗ് ഷുഗർ 175 ഗ്രാം
പാൽ 1 ടേ.സ്പൂൺ
വാനിലാ എസ്സൻസ് 1 ടീസ്പൂൺ
ഇത്രയും സാധനങ്ങള് അടുപ്പിച്ചു വയ്ക്കുക ഇനി എങ്ങിനെ തയ്യാറാക്കാം എന്നു നോക്കാം
ആദ്യമായി ഓവന്റെ താപനില 180 ഡിഗ്രി സെൽഷ്യസിൽ ക്രമീകരിക്കുക.
9 ഇഞ്ച് വൃത്താകൃതിയിലുള്ള ഒരു കേക്ക് ടിന്നിൽ നെയ്യ് പുരട്ടി ബേക്കിംഗ് പേപ്പറിട്ട് തയ്യാറാക്കുക.
ഇനി ഒരു ചെറിയ പാനിൽ ചോക്ളേറ്റും പാലും എടുത്ത് ഉരുക്കി വാങ്ങിവയ്ക്കുക
മൈദയും ബേക്കിംഗ് പൗഡറും തമ്മിൽ യോജിപ്പിച്ച് അരിച്ചു ഒരു വലിയ ബൗളിലേക്കിടുക.
ഇതിൽ ബട്ടർ മയപ്പെടുത്തിയത്, പഞ്ചസാര, മുട്ട, വാനില എസൻസ് എന്നിവ ചേർത്ത് നല്ല മയമാകും വരെ അടിക്കുക ( ഇതിനായി egg ബീറ്റര് ഉപയോഗിക്കാം നല്ല മയം വരണം എന്നാലെ കേക്ക് സോഫ്റ്റ് ആകൂ ) ഇനി ഇത് തയ്യാറാക്കിയ ബേക്കിംഗ് ട്രേയിലേക്ക് പകരുക.
മുകൾവശം നിരപ്പാക്കുക. പ്രീഹീറ്റ് ചെയ്ത ഓവനിലേക്ക് ഇത് വച്ച് 50 അല്ലങ്കില് 60 മിനിട്ട് ബേക്ക് ചെയ്ത് വാങ്ങുക.
10 മിനിറ്റിനുശേഷം ഈ കേക്കിനെ രണ്ടു വൃത്തങ്ങളായി മുറിക്കുക. രണ്ടു ലെയറാക്കാനായാണിത്.
ഇനി അടുത്ത പണി
ഫില്ലിംഗും ഫ്രോസ്റ്റിംഗും തയ്യാറാക്കൽ
ഇതിനായി ഒരു ചെറിയ പാനിൽ ചോക്ളേറ്റും ബട്ടറുമെടുത്ത് ചൂടാക്കുക. ചെറുതീയിൽ വച്ചാൽ മതിയാകും.
വാങ്ങിവച്ച് ഐസിംഗ് ഷുഗറും പാലും വാനിലാ എസൻസും ചേർത്ത് നന്നായി ഇളക്കുക.
ഇനി അടുത്തതായി ചെയ്യേണ്ടത്
ചോക്ളേറ്റ് മിശ്രിതത്തിൽ പകുതിയെടുത്ത് ഒരു വൃത്തത്തിൽ ( നമ്മള് ലെയര് ആക്കി വച്ച കേക്കില്ലേ അതില് ) തേച്ച് മറ്റേ പകുതി കേക്ക് കൊണ്ട് ഇത് മൂടുക. സാന്റ് വിച്ച് ചെയ്യുക എന്നർത്ഥം.
മിച്ചമുള്ള ചോക്ളേറ്റ് കൂട്ട് കേക്കിന് മീതെയായി തേക്കുക ( നല്ല ഭംഗിയില് തേച്ചു പിടിപ്പിക്കാം )
ഒരു പ്ലാസ്റ്റിക് കത്തി ഉപയോഗിച്ച് മുകൾഭാഗം മിനുസപ്പെടുത്തുക.
ചോക്ളേറ്റ് ചുരുളുകളാക്കിയോ ഗ്രേറ്റ് ചെയ്തോ എടുത്തത് കൊണ്ട് കേക്ക് അലങ്കരിക്കാം ( ഒരുപാട് അലങ്കരിച്ചു കുളമാക്കണ്ട )
കഴിഞ്ഞു നമ്മുടെ കേക്ക് റെഡിയായി ….അപ്പോള് ഓവന് ഉള്ള എല്ലാവരും കേക്ക് ഉണ്ടാക്കി നോക്കണം
വീട്ടില് കുട്ടികളുടെ ഒക്കെ പിറന്നാളിന് ഇതുണ്ടാക്കി കൊടുത്തു നോക്കിക്കേ അവര്ക്കത് ഏറെ സന്തോഷമാകും …ഓവന് ഇല്ലാത്തവര് ചേട്ടനെ സോപ്പിട്ടു ഒരെണ്ണം വാങ്ങാന് നോക്കിക്കോ ഓവന് വിഭവങ്ങള് പുറകെ വരുന്നുണ്ട് .. ഇനി ഓവന് കിട്ടിയെല്ലെങ്കില് നമ്മള് ഓവന് ഇല്ലാതെ കേക്കുണ്ടാക്കും അല്ലപിന്നെ …അഭിപ്രായങ്ങള് അറിയിക്കണം കേട്ടോ ..വീണ്ടും വരാം
ഈ പോസ്റ്റ് ഇഷ്ടമായെങ്കില് നിങ്ങളുടെ കൂട്ടുകാര്ക്കും ഷെയര് ചെയ്യൂ. നിങ്ങള് ഈ പേജ് ഇതുവരെ ലൈക്ക് ചെയ്തില്ലായെങ്കില് ഉടന്തന്നെ ലൈക് ചെയ്യൂ. ദിവസവും പുതിയ പോസ്റ്റുകള് നിങ്ങളുടെ ടൈംലൈനില് ലഭിക്കും.
