പനീര്‍ പാലക്ക് ഉണ്ടാക്കാം

ഹായ് കൂട്ടരേ പനീര്‍ എല്ലാവരും ഉണ്ടാക്കി നോക്കിയോ ? ഉണ്ടാക്കി നോക്കിയെന്നു കരുതുന്നു … ഇനി ഉണ്ടാക്കി നോക്കിയിട്ടില്ലാത്തവര്‍ വേഗം പനീര്‍ നമുക്ക് വീട്ടില്‍ ഉണ്ടാക്കാം ഈ ലിങ്കില്‍ പോയി പനീര്‍ ഉണ്ടാക്കുന്നത് ഒന്ന് പഠിച്ചിട്ടു ഓടിവാ ….. ഇനി നമുക്ക് ആ പനീര്‍ കൊണ്ട് ഒരു ഉത്തരേന്ത്യന്‍ ഡിഷ്‌ ഉണ്ടാക്കാം …പനീറും പാലക്കും ഉപയോഗിച്ചാണ് ഇതുണ്ടാക്കുന്നത് അതിന്റെ പേരാണ് പനീര്‍ പാലക്ക് ..പാലക്ക് എന്താണെന്ന് അറിയാലോ അല്ലെ പാലക്ക് നല്ല പോഷകം ഉള്ള ഇലക്കറിയാണ് …അപ്പോള്‍ ഇതെങ്ങിനെ ഉണ്ടാക്കാമെന്നു നമുക്ക് നോക്കാം

ചേരുവകള്‍

പനീര്‍ – അരക്കപ്പ്

പാലക്ക് – രണ്ടു കെട്ടു

സവാള രണ്ട്

ഇഞ്ചി വലുതൊന്ന് പേസ്റ്റാക്കിയത്

വെളുത്തുള്ളി വലുത് പകുതി പേസ്റ്റാക്കിയത്

പച്ചമുളക് 10 എണ്ണം

തക്കാളി വലുത് ഒന്ന്

മുളക് പൊട് ഒരു ടേബിള്‍ സ്പൂണ്‍

മഞ്ഞള്‍ ½ ടീ സ്പൂണ്‍

ഗരം മസാല പൊടി ഒരു നുള്ള്

ഉപ്പ് പാകത്തിന്

ഉലുവ ½ ടീ സ്പൂണ്‍

എണ്ണ ആവശ്യത്തിന്

ഇനി ഇതുണ്ടാക്കേണ്ട വിധം

ആദ്യം പനീര്‍ ഉണ്ടാക്കി ചെറിയ ചതുര കഷണങ്ങള്‍ ആക്കി എടുത്തു വയ്ക്കുക ..ഇനി ഈ പനീര്‍ ഒരു ചീനച്ചട്ടിയില്‍ എണ്ണ ഒഴിച്ച് നല്ല ഡീപ്പ് ഫ്രൈ ആയിട്ട് ഗോള്‍ഡന്‍ ബ്രൌണ്‍ നിറത്തില്‍ പൊരിച്ചെടുത് മാറ്റിവയ്ക്കുക ..ചീസ് അഥവാ പനീര്‍ തയ്യാറായി
ഇനി നമുക്ക് പാലക്ക് രണ്ട് കെട്ട് തണ്ട് കളഞ്ഞത് നന്നായി കഴുകണം ( ഒരു വലിയ പാത്രത്തില്‍ വെള്ളമെടുത്ത് പാലക്ക് അതിലിട്ട് നന്നായി ഇളക്കിയാല്‍ അതില്‍ പറ്റിപിടിച്ചിരിക്കുന്ന അഴുക്കും മണ്ണും പോകും)
നന്നായി കഴുകിയില്ലങ്കില്‍ മണ്ണ് കടിക്കും കേട്ടോ …
ഇനി ഈ പാലക്ക് അല്പം വെള്ളം ഒഴിച്ച് ഒന്ന് വേവിച്ചെടുക്കുക അതിനുശേഷം അത് മിക്സിയില്‍ ഇട്ടു നന്നായി അരച്ചെടുക്കുക ( ഇത് ഫ്രിഡ്ജില്‍ സൂക്ഷിച്ച് ആവശ്യാനുസരണം എടുത്ത് ഉപയോഗിക്കുകയും ചെയ്യാം പ്രത്യേകം ഈ കുഴമ്പ് രൂപത്തിലുള്ള പാലക്ക് ഫ്രീസറിലാണ് വെയ്കേണ്ടത് തണുത്ത കട്ടിയായി അതവിടെ ഇരിന്നോളും)
ഇനി നമുക്ക് ഇതെങ്ങിനെ പാചകം ചെയ്യാമെന്ന് നോക്കാം

ഫ്രൈ പാന്‍ ചൂടാക്കി അതിലേക്ക് ആവശ്യത്തിന് എണ്ണ ഒഴിച്ച് (തീ എപ്പോഴും ചെറിയ രീതിയിലായിരിക്കണം) എണ്ണ ചൂടായാല്‍ ഉലുവ ഇടുക ഒന്നിളക്കി അതിലേക്കാദ്യം ഇഞ്ചി പേസ്റ്റ് ഇട്ട് ഒന്നിളക്കിയതിന് ശേഷം വെളുത്തുള്ളി പേസ്റ്റുമിട്ട് ഇവ ഒന്നിളക്കിയതിന് ശേഷം പച്ചമുളകും സവാളയും ഇടുക .. നല്ല ബ്രൌണ്‍ നിറമായാല്‍ ആദ്യം മഞ്ഞള്‍ പൊടി (ഒന്നിളക്കിയതിന് ശേഷം) മുളക് പൊടി(ഒന്നിളക്കിയതിന് ശേഷം) തക്കാളി ചെറുതാക്കി അരിഞ്ഞത് പാനിന്‍റെ ഒരു ഭാഗത്തിട്ട് ചൂടായതിന് ശേഷം സവാള മസാലയുമായി മിക്സ് ചെയ്ത് കുഴമ്പ് രൂപത്തിലായാല്‍ മാറ്റി വെച്ച പനീര്‍ ഇടുക പനീറും മസാലയും ഒന്ന് യോജിക്കും വിധം നന്നായി ഇളക്കുക അതിലേക്ക് അരഗ്ലാസ്സ് വെള്ളമൊഴിക്കുക ഉപ്പും പാകത്തിന് ഇടുക അതിനോടൊപ്പം തന്നെ പാലക്ക് പേസ്റ്റും ഇടുക (പാലക്കില്‍ വെള്ളം കൂടുതല്‍ ഉണ്ടെങ്കില്‍ അര ഗ്ലാസ്സ് വെള്ളം ഒഴിക്കരുത്) ഇവ നന്നായി കുറുകുന്നവരെ ചെറിയ തീയ്യില്‍ വേവിച്ച് ഇറക്കാന്‍ നേരം ഒരു നുള്ള് ഗരം മസാല മുകളില്‍ വിതറുക ( ഇതൊരു കുറുകിയ രൂപത്തിലുള്ള ഡിഷാണ് ആവശ്യക്കാര്‍ക്ക് വേണമെങ്കില്‍ ഒരല്‍‍പ്പം വെള്ളം ചേര്‍ത്ത് കുറുകലിന്‍റെ കട്ടി കുറക്കാം)
കഴിഞ്ഞു പനീര്‍ പാലക്ക് റെഡി

എളുപ്പമല്ലേ ഇതുണ്ടാക്കാന്‍ നല്ല കളര്‍ഫുള്‍ കറി അല്ലെ ..നല്ല പോഷകം ഉള്ളതാണ് എല്ലാവരും ഉണ്ടാക്കി കഴിക്കണം കേട്ടോ ചപ്പാത്തിയുടെ കൂടെ ഒക്കെ കഴിക്കാന്‍ ബെസ്റ്റ് ആണിത് ..ഉണ്ടാക്കി നോക്കി അഭിപ്രായം പറയണേ .അപ്പോള്‍ മറ്റൊരു വിഭവവുമായി വീണ്ടും കാണാം

ഈ പോസ്റ്റ്‌ ഇഷ്ടമായെങ്കില്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്യൂ. നിങ്ങള്‍ ഈ പേജ് ഇതുവരെ ലൈക്ക് ചെയ്തില്ലായെങ്കില്‍ ഉടന്‍തന്നെ ലൈക് ചെയ്യൂ. ദിവസവും പുതിയ പോസ്റ്റുകള്‍ നിങ്ങളുടെ ടൈംലൈനില്‍ ലഭിക്കും.