നാടന്‍ ചിക്കന്‍ ഫ്രൈ ഉണ്ടാക്കാം

കൂട്ടരേ ഇന്ന് നമുക്ക് നാടന്‍ ചിക്കന്‍ ഫ്രൈ ഉണ്ടാക്കിയാലോ എല്ലാവര്‍ക്കും ഇഷ്ട്ടമല്ലേ ചിക്കന്‍ ഫ്രൈ ….ചേരുവകള്‍ കൃത്യമായി ചേര്‍ത്തും ശ്രദ്ധയോടെ തയ്യാറാക്കിയാല്‍ ചിക്കന്‍ ഫ്രൈയുടെ രുചി ഗംഭീരമാകും …ഇത് എളുപ്പത്തില്‍ തയ്യാറാക്കാവുന്ന ഒന്നാണ് …
സ്വാദിഷ്ഠമായ ചിക്കന്‍ ഫ്രൈ തയ്യാറാക്കുന്നത് എങ്ങനെയെന്നു നോക്കാം…ഇതിനാവശ്യമുള്ള സാധനങ്ങള്‍ എന്തൊക്കെയാണെന്ന് നോക്കാം

ചേരുവകള്‍

ചിക്കന്‍- ഒരു കിലോ

വെളുത്തുള്ളി- 5-6 എണ്ണം അല്ലികളാക്കിയത്

പച്ചമുളക് – ആറ് എണ്ണം

ഇഞ്ചി- ഒരു കഷ്ണം

മഞ്ഞള്‍പ്പൊടി- ഒരു ടീസ്‌പൂണ്‍

മുളകുപൊടി- മൂന്നു ടീസ്‌പൂണ്‍

പട്ട- നാലു ഗ്രാം

ഗ്രാമ്പൂ- നാലു ഗ്രാം

കുരുമുളക്- നാലു ഗ്രാം

വിനാഗിരി ഒരു ടീസ്‌പൂണ്‍

സോയാസ് സോസ്- ഒരു ടീസ്‌പൂണ്‍

നാരങ്ങാനീര്- ആവശ്യത്തിന്

സവാള – നാലെണ്ണം

വേപ്പില – രണ്ടു തണ്ട്

വെളിച്ചെണ്ണ- ആവശ്യത്തിന്

ഉപ്പ്- ആവശ്യത്തിന്

തയ്യാറാക്കുന്ന വിധം എങ്ങിനെയാണെന്ന് നോക്കാം

കോഴി കഷണങ്ങളാക്കി നല്ലവണ്ണം കഴുകി വെക്കുക. അതിനു ശേഷം പട്ട, ഗ്രാമ്പൂ, കുരുമുളക് എന്നിവ ഒരു ചട്ടിയില്‍ ചൂടാക്കി എടുക്കുക. അതിനുശേഷം മുളകുപൊടിയും മഞ്ഞള്‍പ്പൊടിയും ചേര്‍ത്ത് ഒന്ന് മിക്‌സിയില്‍ അടിച്ച് കുഴമ്പുരൂപത്തില്‍ അരച്ചെടുക്കുക. ശേഷം വെളുത്തുള്ളി, പച്ചമുളക്, ഇഞ്ചി എന്നിവ മിക്‌സിയില്‍ അടിച്ചു കുഴമ്പുരൂപത്തിലാക്കുക. ഈ മിക്‌സും സോയാസ് സോസ്, വിനാഗിരി, ഉപ്പ്, കറിവേപ്പില എന്നിവയെല്ലാംകൂടി ചിക്കനില്‍ പുരട്ടി വെക്കുക. ഇനി ഇതില്‍ നാരങ്ങാനീര് പിഴിഞ്ഞൊഴിച്ചശേഷം അരമണിക്കൂര്‍ ഫ്രീസറില്‍വെക്കുക. മസാല നന്നായി ചിക്കനില്‍ പിടിക്കാന്‍വേണ്ടിയാണ് ഇങ്ങനെ ചെയ്യുന്നത്.
സവാള .നല്ല ഗോള്‍ഡന്‍ കളര്‍ ആകുന്നതുവരെ വറുത്തു മാറ്റിവയ്ക്കുക

അതിനുശേഷം ചിക്കന്‍ ഒരു ചട്ടിയില്‍ അഞ്ചു മിനിട്ടു വേവിച്ചെടുക്കുക. ഇനി എണ്ണ ചൂടാക്കി, അതിലിട്ടു
വേവിച്ച ചിക്കന്‍ വറുത്തെടുക്കുക. നല്ല ഫ്രൈ ആക്കി എടുക്കണം … ഇതിന്റെ മുകളില്‍ സവാള, വെള്ളരിക്ക, കാരറ്റ്, തക്കാളി ( ഇപ്പോള്‍ ഇതില്‍ വെജിറ്റബിള്‍ ഇട്ടിട്ടില്ല അതൊക്കെ വേണ്ടവര്‍ക്ക്ചേര്‍ക്കാം ) എന്നിവ അരിഞ്ഞിടാം.ഒപ്പം പുതിനയിലയും ചേര്‍ക്കാം. കഴിക്കുന്നതിനുമുമ്പ് നാരങ്ങാനീര് പിഴിഞ്ഞൊഴിക്കുന്നത് നല്ലതാണ്. ഇപ്പോള്‍ സ്വാദിഷ്ഠമായ ചിക്കന്‍ഫ്രൈ തയ്യാറായിരിക്കുന്നു.

എല്ലാവരും ഇനി വീട്ടില്‍ ചിക്കന്‍ മേടിക്കുമ്പോള്‍ ഇതുണ്ടാക്കി നോക്കുമല്ലോ അല്ലെ വളരെ രുചികരമാണ് ഇത് …എല്ലാവര്‍ക്കും ഇഷ്ട്ടപ്പെടും …അഭിപ്രായങ്ങള്‍ അറിയിക്കണേ

ഈ പോസ്റ്റ്‌ ഇഷ്ടമായെങ്കില്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്യൂ. നിങ്ങള്‍ ഈ പേജ് ഇതുവരെ ലൈക്ക് ചെയ്തില്ലായെങ്കില്‍ ഉടന്‍തന്നെ ലൈക് ചെയ്യൂ. ദിവസവും പുതിയ പോസ്റ്റുകള്‍ നിങ്ങളുടെ ടൈംലൈനില്‍ ലഭിക്കും.