ഇന്ന് നമുക്ക് ഇടിയപ്പവും മുട്ടക്കറിയും ഉണ്ടാക്കാം …ആദ്യം ഇടിയപ്പം ഉണ്ടാക്കാം ..ഇതിനാവശ്യമുള്ള സാധനങ്ങള് എന്തൊക്കെയാണെന്ന് നോക്കാം
പച്ചരി – അരക്കിലോ
തേങ്ങാ – ഒരെണ്ണം
ഉപ്പ് – ആവശ്യത്തിനു
തയ്യാറാക്കുന്ന വിധം:
അരി വെള്ളത്തില് നന്നായി കുതിര്ത്തെടുത്ത് വേറെ പാത്രത്തില് വെച്ച് വെള്ളം വാര്ന്നുപോകാന് അനുവദിക്കുക. അതിനുശേഷം ഇടിച്ച് മാവാക്കി അരിപ്പ ഉപയോഗിച്ച് അരിച്ചു എടുക്കണം . ഈ മാവ് ഉരുളിയിലിട്ട് ചുവക്കുന്നതുവരെ ചൂടാക്കി വറുത്തെടുക്കുക. ചൂടാറിയ ശേഷം രണ്ടു കപ്പ് തേങ്ങാപാലും തിളച്ചവെള്ളവും പാകത്തിന് ഉപ്പും ചേര്ത്ത് നന്നായി അരിമാവ് കുഴക്കുക. അപ്പച്ചെമ്പില് വെള്ളം എടുത്ത് തിളപ്പിക്കുക. കുഴച്ചുവെച്ച മാവ് സേവനാഴിയില് നിറച്ച് ഞെക്കി തട്ടില് ഒഴിക്കുക. അത് അപ്പച്ചെമ്പില് വച്ച് അടച്ച് ആവിയില് വേവിക്കുക. വെന്തു കഴിഞ്ഞ് ഇടിയപ്പം എടുത്ത് ഓരോ അപ്പത്തിന്റെ മുകളില് സ്വല്പം തേങ്ങാ പീര വിതറി ഉപയോഗിക്കുക.
മുട്ട കറി
ചേരുവകള്:
മുട്ട പുഴുങ്ങിയത് – 2 എണ്ണം
സവാള – 2 എണ്ണം
ഉരുളകിഴങ്ങ് പുഴുങ്ങിയത് – 2 എണ്ണം
വെള്ളുള്ളി – 4 അല്ലി
ഇഞ്ചി – ഒരു ചെറിയ കഷ്ണം
പച്ചമുളക് – 2 എണ്ണം
കറി വേപ്പില – 2 തണ്ട്
മുളകുപൊടി – 1 ടീസ്പൂണ്
മല്ലിപൊടി – 1 ടീസ്പൂണ്
മഞ്ഞള്പൊടി – 1/2 ടീസ്പൂണ്
ഉപ്പു – പാകത്തിന്
ചുവന്നുള്ളി – 6 എണ്ണം
വെളിച്ചെണ്ണ – 4 സ്പൂണ്
തേങ്ങപാല് – ഒരു കപ്പ് (ഒന്നാം പാല് വേണം. )
തയാറാക്കുന്ന വിധം:
ചീനച്ചട്ടി അടുപ്പത്ത് വെച്ച് ചൂടാകുമ്പോള് രണ്ടു സ്പൂണ് വെളിച്ചെണ്ണ ഒഴിച്ച് സവാള അരിഞ്ഞത് ചേര്ത്ത് വഴറ്റുക.
സവാള ചെറുതായി വെന്തു വരുമ്പോള് ഇഞ്ചിയും വെളുത്തുള്ളിയും ചതച്ചതും, പച്ചമുളകും ചേര്ക്കുക.
നന്നായി വഴറ്റി പച്ചമണം മാറുമ്പോള് മല്ലിപൊടി, മുളകുപൊടി, മഞ്ഞള്പൊടി ഗരം മസാലപൊടി ഒരു ടിസ്പൂണ് എന്നിവ ചേര്ക്കുക.
പൊടികള് എല്ലാം ചേര്ത്ത് ഒന്ന് ചൂടായതിനു ശേഷം പുഴുങ്ങിയ ഉരുളക്കിഴങ്ങ് ഒന്ന് ഉടച്ചു ചേര്ത്ത് നന്നായി ഇളക്കുക.
ഇതിലേക്ക് തേങ്ങപാല് ചേര്ത്ത് തിള വരുമ്പോള് മുട്ട പുഴുങ്ങിയത് രണ്ടായി മുറിച്ചോ മുഴുവനോടയോ ചേര്ത്ത് അടുപ്പില് നിന്നും ഇറക്കി വെക്കുക.
വേറെ ഒരു ചെറിയ പാനില് രണ്ടു സ്പൂണ് വെളിച്ചെണ്ണ ഒഴിച്ച് ചുവന്നുള്ളി ചെറുതായി അരിഞ്ഞതും കറിവേപ്പിലയും മൂപ്പിച്ചു കറിയുടെ മുകളില് ഒഴിക്കുക. മുട്ട കറി റെഡി.
ഈ റെസിപ്പി നിങ്ങള്ക്ക് ഇഷ്ട്ടമായെങ്കില് ഉണ്ടാക്കി നോക്കണം ..നിങ്ങളുടെ കൂട്ടുകാര്ക്കും ഷെയര് ചെയ്യണം . കൂടുതല് റെസിപ്പികള് നിങ്ങളുടെ ടൈം ലൈനില് ലഭിക്കാന് ഈ പേജ് ലൈക്ക് ചെയ്യുക.
