അറേബ്യന്‍ കുഴിമന്തി ഉണ്ടാക്കാം

ചേരുവകള്‍

ചിക്കന്‍ ഒരു കിലോ

ബസ്മതി അരി  രണ്ടു കപ്പ്

മന്തി സ്പൈസ് രണ്ടു ടിസ്പൂണ്‍

സവാള നാലെണ്ണം

തൈര്  നാല് ടിസ്പൂണ്‍

ഒലിവ് എണ്ണ  നാല് ടിസ്പൂണ്‍

ഒരു തക്കാളി മിക്സിയില്‍ അടിച്ചെടുത്ത പേസ്റ്റ്

വെളുത്തുള്ളി ഇഞ്ചി പേസ്റ്റ് ഒരു ടിസ്പൂണ്‍ വീതം

ബെയ്യ്‌ രണ്ടു ടിസ്പൂണ്‍

പച്ചമുളക് അഞ്ചെണ്ണം

ഏലയ്ക്ക അഞ്ചെണ്ണം

കുരുമുളക് പത്തെണ്ണം

തയ്യാറാക്കുന്ന വിധം:
മന്തി സ്‌പൈസ്, തൈര്, നെയ്യ്, ഒലിവ് എണ്ണ, ഗാർലിക് പേസ്റ്റ്, വെളുത്തുള്ളി പേസ്റ്റ് എന്നിവ നന്നായി മിക്‌സ് ചെയ്യുക. ഈ മിശ്രിതത്തിലേക്ക് കോഴിയിറച്ചി ഇറക്കിവയ്ക്കുക. ഇറച്ചിയിൽ മസാല നന്നായി തേച്ചുപിടിപ്പിക്കണം. ഇതു പിടിച്ചുവരുന്നതുവരെ മാറ്റിവയ്ക്കുക. ഈ സമയത്തു ബസ്മതി അരി വേവിക്കണം. ഒരു മണിക്കൂർ വെള്ളത്തിൽ കുതിർത്തെടുത്ത അരിയാണ് ഉപയോഗിക്കേണ്ടത്. ഒരു ചെമ്പിൽ നെയ്യിൽ സവാള വഴറ്റിയെടുക്കുക. ശേഷം ഒലിവ് എണ്ണ, ഗാർലിക് പേസ്റ്റ്, വെളുത്തുള്ളി പേസ്റ്റ്, പച്ചമുളക്, ക്യാപ്‌സിക്കം, തക്കാളിപേസ്റ്റ്    എന്നിവയും ചേര്‍ക്കുക    വെളളം ഒഴിച്ചതിനു ശേഷം മന്തി സ്‌പൈസ് ഇട്ട ബസുമതി അരി അടച്ചുവച്ചു വേവിക്കണം.അരി വെന്തശേഷം അടപ്പിനു മുകളിൽ പ്രത്യേകം തയാറാക്കിയ പാത്രത്തിൽ കോഴിയിറച്ചി വയ്ക്കുക. പിന്നീടു കനൽ നിറഞ്ഞ കുഴിയിലേക്ക് എടുത്തുവയ്ക്കുക. അരി പാകമാകുന്നതിനോടൊപ്പം കോഴിയിറച്ചിയും വേവുകയും ഇറച്ചിയുടെ നെയ്യും മസാലയും അരിയിൽ ചേരുമ്പോൾ കുഴിമന്തിയുടെ രുചി വർദ്ധിക്കും.