പഞ്ചനക്ഷത്ര ഹോട്ടലിൽ ഭക്ഷണം കഴിക്കുന്നവർ ( Benz , BMW , Audi കാറുകളിൽ വന്ന് ) പതിനഞ്ച് പേർക്ക് പോലും ഇരിക്കാൻ കഴിയാത്ത ഒരു കുടുസുമുറിയിൽ ഇരിപ്പിടം കിട്ടാൻ Q നിന്ന് ഭക്ഷണം കഴിക്കണമെങ്കിൽ അതിന്റ രുചി ഒന്നു വേറെ ആയിരിക്കണമല്ലോ … അതൊന്നാസ്വദിക്കാനാണ് കേരളീയ ഭക്ഷണം ഏറെ ഇഷ്ടപ്പെടുന്ന ലണ്ടൻ സ്വദേശികളായ എന്റെ പ്രിയ സുഹൃത്ത് Emma യേയും Asha യേയും കൂട്ടി എറണാകുളം – ചേർത്തല റൂട്ടിൽ
X Ray ജംഗ്ഷനിലുള്ള സിഗ്നൽ ( after IOC pump ) കഴിഞ്ഞതും വലതു വശത്തായി ഉള്ള ഒരു മുറിയിൽ പ്രവർത്തിക്കുന്ന “മധു റെസ്റ്റോറന്റ്”ലേക്ക് ചെന്നത് , കടയും കടയുടെ അന്തരീക്ഷവും കണ്ടപ്പോൾ ഇരുവരും ഇവിടെ ആണോ നമ്മൾ ഭക്ഷണം കഴിക്കുക എന്ന് ആശങ്കയോടെ ചോദിച്ചു തീരുംമുമ്പേ ഭക്ഷണം കഴിച്ചിറങ്ങിയവർ ബെൻസ് കാറിൽ കയറി പോകുന്നത് കണ്ടപ്പോൾ ഇരുവർക്കും അതിശയം …. ‘അകത്തേക്ക് ചെന്നപ്പോൾ മധു ചേട്ടന്റെ
ആതിഥ്യ മര്യാദ എന്താണെന്ന് അനുഭവിച്ചപ്പോൾ ആശങ്കകൾ സന്തോഷത്തിലെത്തി, പിന്നെ മീൻ വിഭവങ്ങളുടെ രുചി നാവിലേറിയപ്പോൾ ഇവിടെ കൊണ്ടുവന്നതിന് നന്ദിയും അറിയിച്ചു ഇരുവരും …’ .എത്ര തിരക്കാണെങ്കിലും എല്ലാവർക്കുമായി സദാ ഒരു പുഞ്ചിരി ആ മുഖത്ത് കരുതി വെച്ചിട്ടുണ്ടാകും
കടയുടമയും , പാചകക്കാരനും ,വിളമ്പുകാരനുമായ മധു ചേട്ടൻ എതാണ്ട് 10ൽ പരം മത്സ്യ വിഭവങ്ങൾ ഇവിടെ നിന്നും എല്ലാ ദിവസവും ലഭിക്കും. പക്ഷെ ഞായറാഴ്ച മാത്രം കടയടപ്പാണ് .
ഭക്ഷണ പ്രിയരായ പല പ്രശസ്തരുടേയും പ്രിയപ്പെട്ട ഒരിടം കൂടിയാണിവിടം. നമ്മുടെ ലാലേട്ടൻ വന്ന് പാർസൽ വാങ്ങി പോകുമത്രേ ! ആരാധകർ കൂടുന്നത് കൊണ്ട് മാത്രം അവിടെഇറങ്ങിയിരുന്ന്
കഴിക്കാറില്ലായെന്നും പറയുന്നു. കഴിച്ചിറങ്ങുമ്പോൾ മനസ്സു പറഞ്ഞു …. കേട്ടറിഞ്ഞതിനേക്കാൾ വളരെ വലുതാണ് മധു ചേട്ടന്റെ കൈപ്പുണ്യം ..വളരെ തിരക്കിനിടയിലും ഒരുമിച്ചൊരു ഫോട്ടോ എടുക്കണമെന്ന ഇരുവരുടേയും ആഗ്രഹവും നിറവേറ്റിക്കൊടുത്ത മധു ചേട്ടന് ഹൃദയം നിറഞ്ഞ നന്ദി ,
ദൂരെ നിന്നും വരുന്നവർ നേരത്തെ വിളിച്ച് ഉറപ്പ് വരുത്തിയിട്ട് വേണം വരാൻ എന്ന് പ്രത്യേകം ഓർമ്മിപ്പിക്കുന്നു മധുവേട്ടൻ. 09746378573 എന്നതാണ് ഇദ്ദേഹത്തിന്റെ മൊബൈൽ നമ്പർ – മധുവേട്ടന്റെ ആഹാര മഹിമ മാലോകർ അറിയട്ടെ .ഷെയർ ചെയ്യൂ Photo © Ramesh Kidangoor
