Blog

വളരെ ഹെൽത്തി ആയ ഒരു വെജിറ്റബിൾ ആണ് വഴുതനങ്ങ, അധികമാർക്കും ഇഷ്ടമല്ലാത്ത ഒരു പച്ചക്കറി കൂടിയാണിത്, സാമ്പാറിലും മറ്റും കറികളിൽ ചേർക്കാറുണ്ട് എങ്കിലും കഴിക്കുമ്പോൾ വഴുതനങ്ങ കഷണങ്ങൾ മാറ്റിവയ്ക്കാർ ആണ് പതിവ് ,എന്നാൽ ഈ രീതിയിൽ ഒന്ന് തയ്യാറാക്കി നോക്കൂ ഇഷ്ടമല്ലാത്തവർ പോലും ചോദിച്ചു വേടിച്ചു കഴിക്കും, തയ്യാറാക്കുന്നത് എങ്ങനെയാണെന്ന് നോക്കാം.

ഇതിനായി അഞ്ച് വഴുതനങ്ങാ ആണ് എടുക്കേണ്ടത് ഇത് നല്ലതുപോലെ കഴുകിയതിന് ശേഷം നീളത്തിൽ മുറിച്ചെടുക്കണം, കഷ്ണങ്ങൾ എല്ലാം പച്ചവെള്ളത്തിൽ ഇട്ടുവയ്ക്കുക. 10 – 12 ചെറിയഉള്ളി എടുത്ത് നീളത്തിൽ അരിഞ്ഞെടുക്കണം.ഇനി ഒരു പാൻ അടുപ്പിൽ വെച്ച് ചൂടാക്കുക, ഇതിലേക്ക് വെളിച്ചെണ്ണ ചേർത്ത് കൊടുക്കണം എണ്ണ നന്നായി ചൂടായി വരുമ്പോൾ അരടീസ്പൂൺ ചെറിയ ജീരകവും, അര ടീസ്പൂൺ വലിയ ജീരകവും അരടീസ്പൂൺ കടുകും ചേർത്ത് കൊടുക്കുക നന്നായി പൊട്ടി വരുമ്പോൾ അരിഞ്ഞു വച്ചിരിക്കുന്ന ചുവന്നുള്ളി ഇതിലേക്ക് ചേർത്ത് നന്നായി വഴറ്റി എടുക്കണം, ആവശ്യത്തിനുള്ള ഉപ്പ് കൂടി ചേർത്ത് വഴറ്റാം.അടുത്തതായി കറിവേപ്പിലയും വെളുത്തുള്ളി ചതച്ചതും കൂടി ചേർത്തു കൊടുക്കാം വീണ്ടും ഒന്നു വഴറ്റിയതിനു ശേഷം നീളത്തിൽ അരിഞ്ഞ് വെള്ളത്തിൽ മുക്കി വച്ചിരിക്കുന്ന വഴുതനങ്ങ ഇതിലേക്ക് ചേർത്ത് കൊടുക്കാം ശേഷം എല്ലാംകൂടി നല്ലതുപോലെ മിക്സ് ചെയ്യണം.അടുത്തതായി കാൽ ടീസ്പൂൺ മഞ്ഞൾപ്പൊടി ഇതിലേക്ക് ചേർത്തു കൊടുക്കാം,വഴുതനങ്ങ ഒന്ന് സോഫ്റ്റായി വരുന്നതുവരെ അടച്ചു വച്ചു വേവിക്കണം, നന്നായി വെന്തു കഴിഞ്ഞാൽ ഇതിലേക്ക് രണ്ട് ടീസ്പൂൺ മുളകുപൊടിയും ഒരു ടീസ്പൂൺ മല്ലിപ്പൊടിയും ചേർക്കാം, പൊടികൾ നല്ലതുപോലെ വഴുതനങ്ങ യിലേക്ക് യോജിപ്പിക്കണം, വീണ്ടും അടച്ചുവെച്ച് വേവിക്കുക നന്നായി വെന്തു വന്നതിനു ശേഷം അല്പം മല്ലിയില കൂടി ചേർത്ത് തീ ഓഫ് ചെയ്യാം.

വിശദമായ റെസിപ്പിക്കായി ഈ വീഡിയോ മുഴുവൻ കാണുക ,ഡെയിലി അപ്പ്‌ഡേറ്റ്സ് കിട്ടാൻ ഈ പേജ് ഫോളോ ചെയ്യുക, ഈ റെസിപ്പി ഇഷ്ടമായിട്ടുണ്ടെങ്കിൽ , ഫ്രണ്ട്സിനും,ഫാമിലിക്കും ഷെയർ ചെയ്തു കൊടുക്കുക ഒപ്പം ഇതുപോലുള്ള വിഡിയോകൾക്കായി ഈ ചാനൽ സബ്സ്ക്രൈബ് ചെയ്യുക Emayas Beauty Magic