Category: അച്ചാറുകള്‍

അച്ചാര്‍ മലയാളികള്‍ക്ക് വളരെ പ്രിയപ്പെട്ട ഒന്നാണ്. അതില്‍ നാരങ്ങാ അച്ചാറിനാണ് കൂടുതല്‍ പ്രിയം. പലരും നാരങ്ങാ അച്ചാര്‍ ഇടുമ്പോള്‍ നാരങ്ങ തൊലിയുടെ കയ്പ്പ് ഉണ്ടാവാറുണ്ട്. അത് മാറ്റുന്നതിനുള്ള മാര്‍ഗ്ഗം ആണ് താഴെ കൊടുത്തിരിക്കുന്ന വീഡിയോയില്‍ പറയുന്നത്. വീഡിയോ കണ്ട ശേഷം നിങ്ങളും അതുപോലെ ട്രൈ ചെയ്തു നോക്കൂ. ഒട്ടും കയ്പ്പില്ലാത്ത നാരങ്ങാ അച്ചാര്‍ നിങ്ങള്‍ക്കും ഉണ്ടാക്കാം. ഈ വീഡിയോ ഇഷ്ടമായാല്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്യൂ. അവര്‍ക്കും ഉപകാരപ്പെടും. Courtesy: Help me Lord

ചേരുവകൾ:
വെളുത്തുള്ളി – 1/2 കിലോ

പച്ചമുളക് – 5 എണ്ണം

ഇഞ്ചി – I കഷ്ണം

വേപ്പില

കടുക് – കുറച്ച്

വിനാഗിരി (നേർപ്പിച്ചത് ) – I l 2 കപ്പ്

അച്ചാറു പൊടി – 50 g

മഞ്ഞൾപ്പൊടി – 1/4 ടീസ്പൂൺ

എണ്ണ – ആവശ്യത്തിന്

ഉപ്പ് – ആവശ്യത്തിന്

പഞ്ചസാര – കുറച്ച്

ഉണ്ടാക്കുന്ന വിധം:

വെളുത്തുള്ളി തൊലി കളഞ്ഞ് 5 മിനിറ്റ് ആവിയിൽ പുഴുങ്ങുക. ഒരു ചീനച്ചട്ടിയിൽ എണ്ണ ഒഴിച്ച് കടുകു പൊട്ടിക്കുക.അതിലേക്ക് വേപ്പില, വട്ടത്തിൽ അരിഞ്ഞ പച്ചമുളക്, ഇഞ്ചി എന്നിവ ചേർത്ത് വഴറ്റുക.ഇതിലേക്ക് മഞ്ഞൾപ്പൊടിയും അച്ചാറു പൊടിയും ചേർത്ത് ഇളക്കുക.ഇതിലേക്ക് വിനാഗിരി യും ,ഉപ്പും ചേർക്കുക. ആവശ്യമെങ്കിൽ കുറച്ച് പഞ്ചസാരയും ചേർക്കാം. ഇതിലേക്ക് ആവിയിൽ പുഴുങ്ങിയ വെളുത്തുള്ളി ചേർക്കാം. രുചികരമായ വെളുത്തുള്ളി അച്ചാർ തയ്യാർ. വീഡിയോ താഴെ.

ചെറിയ ഉള്ളി അച്ചാര്‍ ഉണ്ടാക്കുന്ന വിധം

വേണ്ടുന്ന സാധനങ്ങള്‍

ചെറിയ ഉള്ളി തൊലി കളഞ്ഞു വൃത്തിയാക്കിയത്-കാല്‍ കിലോ

ഉണക്ക മുളക് മൂപ്പിച്ചു പൊടിച്ചത് -ഒന്നര സ്പൂണ്‍

ഇഞ്ചി പൊടിയായി അരിഞ്ഞത് -കാല്‍ ടീസ്പൂണ്‍

വെളുത്തുള്ളി പൊടിയായി അരിഞ്ഞത്-ഒരു സ്പൂണ്‍

ഉലുവപൊടിച്ചത് -കാല്‍ ടീസ്പൂണ്‍

ജീരകം പൊടിച്ചത് -ഒരു നുള്ള്
വിനാഗിരി -അരകപ്പ്
നല്ലെണ്ണ -രണ്ട് വലിയ സ്പൂണ്‍
കടുക് -കാല്‍ ടീസ്പൂണ്‍

ഉപ്പ്-പാകത്തിന്

ഉണ്ടാക്കുന്ന വിധം
ചെറിയ ഉള്ളി ചെറുതായിട്ട് അപ്പചെമ്പില്‍ വെച്ച് ആവി കയറ്റിയതിനു ശേഷം വെള്ള മയം ഒരു തുണി കൊണ്ട് തുടച്ചു കളയുക.ചീന ചട്ടിയില്‍ നല്ലെണ്ണ ഒഴിച്ച് ചെറിയ ഉള്ളി അതിലിട്ട് പൊടിയാതെ വഴറ്റി ചട്ടിയില്‍ നിന്ന് മാറ്റി വെക്കുക. മുളക്പൊടി അല്പം വിനാഗിരി ചേര്‍ത്ത് അരക്കുക.

ചീന ചട്ടിയില്‍ ബാക്കി നല്ലെണ്ണ ഒഴിച്ച് കടുകിട്ട് പൊട്ടുമ്പോള്‍ ഇഞ്ചിയും വെളുത്തുള്ളി അരിഞ്ഞതുംഇട്ടു ഒന്ന് മൂത്ത് വരുമ്പോള്‍ ഉലുവാ പൊടിയും ജീരക പൊടിയും അരച്ച് മാറ്റിവെച്ച മുളകും ചേര്‍ത്ത് തീ കുറച്ച് കുറച്ചു നേരം ഇളക്കുക. ഈ കൂട്ടിലേക്ക് ചെറിയ ഉള്ളിയും ഉപ്പും ചേര്‍ത്ത് ഒന്ന് കൂടി ഇളക്കിയതിനു ശേഷം തീ ഓഫ്‌ ചെയ്ത് ബാക്കി വിനാഗിരിയും ചേര്‍ത്ത് ചൂട് പോയതിനു ശേഷം കുപ്പിയിലാക്കാം.. പുളി കൂടുതലുണ്ടെങ്കില്‍ അല്പം പഞ്ചസാര ചേര്‍ത്ത് രുചി ക്രമീകരിക്കാം  താഴെ  കൊടുത്ത    വീഡിയോ കാണുക

മീന്‍ അച്ചാര്‍ ഏവര്‍ക്കും ഇഷ്ടമുള്ള ഒന്നാണ്. കുറേ കാലം കേടുകൂടാതെ ഇരിക്കും എന്നുള്ളതുകൊണ്ട്‌ അച്ചാര്‍ ഇട്ടു വെച്ചാല്‍ കുറേ നാള്‍ മീന്‍ അച്ചാര്‍ കൂട്ടി ചോറ് കഴിക്കാം. നല്ല മാംസം ഉള്ള മീന്‍ ആണ് അച്ചാര്‍ ഇടാന്‍ നല്ലത്. ഇഞ്ചി, വെളുത്തുള്ളി, കായം, ഉണക്ക മുളക്, വേപ്പില, കടുക്, ഉലുവ, മുളകുപൊടി, മഞ്ഞള്‍ പൊടി, വിനിഗര്‍, നല്ലെണ്ണ എന്നിവയാണ് ആവശ്യമുള്ളത്. എങ്ങനെയാണ് ഉണ്ടാക്കുന്നതെന്ന് താഴെ നല്‍കിയിരിക്കുന്ന വീഡിയോ കണ്ടു ചെയ്തു നോക്കൂ. ഇഷ്ടമായാല്‍ ഷെയര്‍ ചെയ്യൂ. Courtesy: Mia kitchen