തകര്‍പ്പന്‍ അച്ചപ്പം ഉണ്ടാക്കാം

നാടന്‍ പലഹാരങ്ങള്‍ ഇപ്പോഴും നമുക്ക് ഏറെ പ്രിയപ്പെട്ടതാണ് …വീട്ടില്‍ എന്തെങ്കിലും ആഘോഷങ്ങള്‍ വന്നാല്‍ അതിഥികളെ സല്‍ക്കരിക്കാനായി നമ്മള്‍ ഇത് ഉണ്ടാക്കാറുണ്ട് ..കല്യാണത്തിനും,അടുക്കള കാണലിനും ,വയറു കാണലിനും ഒക്കെ ഈ പലഹാരത്തിന് ഒരു പ്രത്യേക പ്രാധാന്യം ഉണ്ട് …ഒരു അല്പം ക്ഷമയും സമയവും ഇതിനാവശ്യമാണ് …സ്വടിഷ്ട്ടമായ നല്ല ക്രിസ്പിയായ അച്ചപ്പം നമുക്ക് വീട്ടില്‍ ഉണ്ടാക്കാം ..ഇതുനു പ്രധാനമായും ആവശ്യം നല്ല ഒരു അച്ചപ്പത്തിന്റെ അച്ചാണ് ..പുതിയ അചിനെക്കാള്‍ നല്ലത് ഉപയോഗിച്ച് എണ്ണ പിടിച്ച അച്ചാണ് …പുതിയ അച്ചു മേടിക്കുന്നവര്‍ അച്ചിനെ എണ്ണ യില്‍ മുക്കി വച്ച് മയക്കി എടുക്കുക ..വളരെ പഴകിയ അച്ചുള്ളവര്‍ അതില്‍ ക്ലാവ് ഉണ്ടെങ്കില്‍ പുളിവെള്ളത്തില്‍ തിളപ്പിച്ച്‌ അച്ച് മുക്കി വയ്ക്കുക അരമണിക്കൂര്‍ നേരം ക്ലാവ് പോയി കിട്ടും …ഇങ്ങിനെ ആദ്യം അച്ച് റെഡി ആക്കി വയ്ക്കുക …ഇനി ഇതിനാവശ്യമുള്ള ചേരുവകള്‍ പറയാം

പച്ചരി പൊടി = 4 ഗ്ലാസ് ( വറുക്കേണ്ട ആവശ്യമില്ല )

മുട്ട = രണ്ടു എണ്ണം

പഞ്ചസാര = 75 ഗ്രാം

തേങ്ങാപ്പാല്‍ = ഒരു തേങ്ങയുടേത്

എള്ള് = ഒരു ടീസ്പൂണ്‍

ജീരകം – അര ടിസ്പൂണ്‍

ഉപ്പ് = പാകത്തിന്

വെളിച്ചെണ്ണ = ഒന്നര കിലോ

പച്ച അരിപ്പൊടി, കട്ടയില്ലാതെ നന്നായി അരിച്ചെടുക്കുക ഇതിലേയ്ക്ക് മുട്ടയും , പഞ്ചസാരയും അല്പം ഉപ്പും കൂട്ടി നന്നായി തിരുമ്മി യോജിപ്പിക്കുക ( മധുരം കൂടുതല്‍ വേണ്ടവര്‍ക്ക് പഞ്ചസാര കൂട്ടി ഇടാം ) അതിനു ശേഷം തേങ്ങാപ്പാല്‍ ചേര്‍ത്ത് കട്ട കെട്ടാതെ നല്ലപോലെ കുഴയ്ക്കുക കൈകൊണ്ടു നല്ലപോലെ തിരുമ്മി കലക്കിയാല്‍ മതി മാവിന്റെ പരുവം ഒരുപാട് കട്ടി ആകരുത് എന്നാല്‍ ഒരുപാട് വെള്ളം കൂടുകയും അരുത് അച്ച് മുക്കിയാല്‍ കട്ട കെട്ടാതെ അച്ചില്‍ പിടിക്കണം ഈ ഒരു പാകത്തില്‍ വേണം കലക്കാന്‍ …തേങ്ങാപ്പാല്‍ തികയില്ലെങ്കില്‍ അല്പം വെള്ളം ചേര്‍ക്കാവുന്നതാണ്…എള്ള് ജീരക ഇവ കൂടി ചേര്‍ത്ത് ഈ മാവ് മാറ്റി വയ്ക്കാം

ഇനി ഒരു ഉരുളിയില്‍ ചെറിയ ഉരുളി മതി ഉരുളി ഇല്ലെങ്കില്‍ ചീനച്ചട്ടി ആയാലും മതി അടുപ്പത് വച്ച് വെളിച്ചെണ്ണ ഒഴിച്ച് ചൂടാക്കുക നന്നായി ചൂടായി കഴിഞ്ഞാല്‍ അച്ചപ്പത്തിന്റെ അച്ച് ഒന്ന് ഈ വെളിച്ചെണ്ണയില്‍ മുക്കി പിടിക്കാം നന്നായി ചൂടായി കഴിയുമ്പോള്‍ ( നന്നായി ചൂടാകണം എങ്കിലേ മാവ് അച്ചില്‍ പിടിക്കൂ ) അച്ചിന്റെ മുക്കാല്‍ ഭാഗം മാവില്‍ മുക്കി തിളച്ച എണ്ണയില്‍ മുക്കി പിടിക്കണം.ഇപ്പോള്‍ ഈ അച്ചിന്റെ ആകൃതിയില്‍ അച്ചപ്പം എണ്ണയില്‍ വീഴും ( വീണില്ലെങ്കില്‍ അച്ച് പതുക്കെ ഒന്ന് തട്ടി കൊടുക്കാം ..സൂക്ഷിക്കണം എണ്ണ കയ്യില്‍ ഒന്നും തെറിക്കരുത് ) ഇനി ഈ അച്ചപ്പം മറിച്ചും തിരിച്ചും ഒക്കെ ഇട്ടു മൂക്കുമ്പോള്‍ കോരി എടുക്കാം ഇപ്പോള്‍ അച്ചപ്പം റെഡി ആയിക്കഴിഞ്ഞു ( തീര്‍ന്നില്ല ഇനി ഉള്ളതും ഇതുപോലെ അവിടെ നിന്ന് ഉണ്ടാക്കിയിട്ട് വന്നാല്‍ മതി കഴിക്കണമെങ്കില്‍.. ഉണ്ടാക്കിയത് ഞാനെടുത്തു )

അച്ചപ്പം ഉണ്ടാക്കാന്‍ പഠിച്ചില്ലേ എല്ലാവരും ഇത് ഉണ്ടാക്കി നോക്കണം …വളരെ സ്വാദുള്ള പലഹാരമാണിത്

ഈ പോസ്റ്റ്‌ നിങ്ങക്ക് ഇഷ്ട്ടപ്പെട്ടെങ്കില്‍ ഇത് ഷെയര്‍ ചെയ്യുക പുതിയ പോസ്റ്റ്‌ നിങ്ങളുടെ ടൈം ലൈനില്‍ ലഭിക്കാന്‍ ഈ പേജ് ലൈക് ചെയ്യുക