ഇന്ന് നമുക്ക് വെജിറ്റബിള്‍ ചേര്‍ത്ത ഉപ്പുമാവ് ഉണ്ടാക്കാം ..ഗോതമ്പും പച്ചക്കറികളും ചേര്‍ത്താണ് ഈ ഉപ്പുമാവ് ഉണ്ടാക്കുന്നത് അതുകൊണ്ട് ഇത് വളരെ ഹെല്‍ത്തിയാണ് ..നിങ്ങള്ക്ക് ഇഷ്ട്ടമുള്ള പച്ചക്കറികള്‍ ഇതില്‍ ചേര്‍ക്കാം,, ക്യാരറ്റ് ,ബീന്‍സ് , ഉരുളക്കിഴങ്ങ് ,കാബേജ് , ചീര , അങ്ങിനെ എന്തും .നമുക്ക് നോക്കാം ഇതെങ്ങിനെയാണ്‌ ഉണ്ടാക്കുന്നത് എന്ന്
നുറുക്ക് ഗോതമ്പ് – ഒരു കപ്പ്
പച്ചമുളക് – നാലെണ്ണം
ഇഞ്ചി – ഒരു ചെറിയ കഷണം
ക്യാരറ്റ് – ഒരെണ്ണം
ബീന്‍സ് – പത്തെണ്ണം
വറ്റല്‍ മുളക് – രണ്ടെണ്ണം
സവാള – ഒരെണ്ണം
കറിവേപ്പില – ഒരു തണ്ട്
ഉഴുന്ന് പരിപ്പ് – ഒരു ടിസ്പൂണ്‍
തേങ്ങ – ഒരു കപ്പ്
കടുക് ,ഉപ്പു,വെളിച്ചെണ്ണ – ആവശ്യത്തിനു
ആദ്യം തന്നെ ഗോതമ്പ് കുറച്ചു നേരം വെള്ളത്തിലിട്ടു കുതിര്‍ത്തു എടുക്കാം
ക്യാരറ്റ് കനം കുറച്ചു അരിഞ്ഞു എടുക്കണം ..ബീന്‍സും അതുപോലെ തന്നെ അരിയുക. സവാള , പച്ചമുളക് ,ഇഞ്ചി എല്ലാം പൊടിയായി അരിഞ്ഞു എടുക്കണം
അതിനുശേഷം ചീനച്ചട്ടി അടുപ്പത്ത് വച്ച് വെളിച്ചെണ്ണ ഒഴിച്ച് ചൂടാകുമ്പോള്‍ കടുക് പൊട്ടിക്കാം ഉഴുന്ന് ഇടാം ഇത് മൂത്ത് കഴിയുമ്പോള്‍ ഉണക്കമുളക് ഇടാം ശേഷം സവാള, പച്ചമുളക് , ഇഞ്ചി , കറിവേപ്പില എല്ലാം ചേര്‍ത്ത് ഇട്ടു ഇളക്കുക നന്നായി വഴന്ന ശേഷം ക്യാരറ്റ്, ബീന്‍സ് എല്ലാം ചേര്‍ത്ത് വഴറ്റുക ഇനി ഇതിലേയ്ക്ക് രണ്ടു കപ്പ് വെള്ളം ഒഴിക്കാം.പാകത്തിന് ഉപ്പും ചേര്‍ത്ത് ഇളക്കാം ഇത് നന്നായി തിളക്കുമ്പോള്‍ ഇതിലേയ്ക്ക് ഗോതമ്പ് ചേര്‍ത്ത് ഇളക്കാം. ഇനി ഇത് അടച്ചു വച്ച് വേവിക്കണം.ഗോതമ്പ് നന്നായി വെള്ളം വലിഞ്ഞു കഴിയുമ്പോള്‍ ഇതിലേയ്ക്ക് തേങ്ങ ചേര്‍ത്ത് ഇളക്കാം ..ഇതും അല്പം സമയം മൂടി വച്ച് വേവിക്കാം . നല്ലപോലെ വെള്ളം വറ്റി കഴിയുമ്പോള്‍ ഇറക്കി വയ്ക്കാം ..വേണമെങ്കില്‍ ഇതിലേയ്ക്ക് കപ്പലണ്ടി വറുത്തതും കൂടി ചേര്‍ക്കാം …ഉപ്പുമാവ് റെഡി
ഇത് ഉണ്ടാക്കാന്‍ വളരെ എളുപ്പമാണ് .കഴിക്കാനും വളരെ നല്ലതാണ് പ്രത്യേകിച്ച് ഷുഗര്‍ ഉള്ളവര്‍ക്കൊക്കെ വളരെ നല്ലതാണ് ഹെല്‍ത്തി ഉപ്പുമാവ് ആണ് ഇത് ..എല്ലാവരും ഉണ്ടാക്കി നോക്കുക. ഇഷ്ട്ടമായാല്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്യുക. നിങ്ങള്‍ ഈ പേജ് ലൈക്ക് ചെയ്തില്ലെങ്കില്‍ ഇതുപോലുള്ള റെസിപ്പികള്‍ ടൈം ലൈനില്‍ ലഭിക്കാന്‍ ഈ പേജ് ഉടന്‍ ലൈക്ക് ചെയ്യുക.
