ഈസി കുക്കര്‍ ബിരിയാണി

ബിരിയാണി കഴിക്കാന്‍ എല്ലാവര്‍ക്കും ഇഷ്ട്ടമാണ് പക്ഷെ അതുണ്ടാക്കാന്‍ ഉള്ള പാടാണ് ആര്‍ക്കും ഇഷ്ട്ടമല്ലാത്തത് ..ഈ പാട് കാരണം ബിരിയാണി തിന്നണമെന്ന് തോന്നുമ്പോള്‍ ഹോട്ടല്‍ തന്നെ ശരണം …എന്നാല്‍ വിഷമിക്കണ്ട ഒരു പാടുമില്ലാതെ വളരെ ഈസിയായി ബിരിയാണി ഉണ്ടാക്കാന്‍ പഠിപ്പിക്കാം …പ്രഷര്‍ കുക്കര്‍ ആണ് ഇതിനു നമ്മളെ സഹായിക്കുന്നത് കുക്കറില്‍ നമുക്ക് ഈസിയായി ബിരിയാണി ഉണ്ടാക്കാം …നിക്കാം നമുക്ക് ഇതെങ്ങിനെ ഉണ്ടാക്കാമെന്നു ഇതിനാവശ്യമുള്ള സാധനങ്ങള്‍

ബിരിയാണി അരി : 2 ഗ്ലാസ്‌ (ജീരകശാലയാണ് ബെസ്റ്റ്‌)

ചിക്കന്‍ : അര കിലോ

ഗരം മസാല : ഒരു ടീസ്പൂണ്‍

മഞ്ഞള്‍ പൊടി : ഒരു ടീസ്പൂണ്‍.

മുളക്പൊടി : ഒരു ടേബിള്‍സ്പൂണ്‍

കുരുമുളക് പൊടി : അര ടീസ്പൂണ്‍

സവാള : 2 എണ്ണം (വലുത്)

തക്കാളി : വലുത് ഒരെണ്ണം

പച്ചമുളക് : 2 എണ്ണം നെടുകെ പിളര്‍ന്ന്

ഇഞ്ചി : ചെറിയ കഷ്ണം.

വെളുത്തുള്ളി : 4 അല്ലി.

മല്ലിയില : ചെറുതായി അരിഞ്ഞത് അര കപ്പ്.

ഏലയ്ക്ക:നാല്

ഗ്രാമ്പൂ ;നാല്

കറുവാപട്ട.: ചെറിയ കഷ്ണം

നെയ്യ്‌ : 2 ടേബിള്‍സ്പൂണ്‍

എണ്ണ : 2 ടേബിള്‍സ്പൂണ്‍

അണ്ടിപ്പരിപ്പ് : 5-6 എണ്ണം

ഉപ്പ് :പാകത്തിന്

വെള്ളം :3 ഗ്ലാസ്‌ തിളപ്പിച്ചത്

ഇത് തയ്യാറാക്കുന്ന വിധം എങ്ങിനെയാണെന്ന് പറയാം

ആദ്യം തന്നെ അരി കഴുകി വാലാന്‍ വയ്ക്കുക.അതിനു ശേഷം ചിക്കന്‍ വൃത്തിയാക്കി മഞ്ഞള്‍ പൊടി, മുളക്പൊടി, കുരുമുളക് പൊടി എന്നിവ അര ടീസ്പൂണ്‍ വീതവും, മുളക് പൊടി ഒരു ടേബിള്‍സ്പൂണും ഉപ്പും ചേര്‍ത്ത് നന്നായി യോജിപ്പിച്ചു വെയ്ക്കുക. ഇത് ഏകദേശം ഒരു മണിക്കൂര്‍ ഇരിക്കട്ടെ.

ഇനി അടുത്തതായി നമുക്ക് സവാള, തക്കാളി എന്നിവ നേര്‍മ്മയായി അരിഞ്ഞു എടുക്കാം . ഇഞ്ചി വെളുത്തുള്ളി ചതച്ചു എടുക്കാം .

അതിനു ശേഷം കുറഞ്ഞത് 3.5 ലിറ്റര്‍ ഉള്ള പ്രഷര്‍ കുക്കര്‍ ഗ്യാസില്‍ വച്ച് ചൂടാക്കുക. ഇതിലേക്ക് എണ്ണയും നെയ്യും ഒഴിക്കുക. ഏലയ്ക്ക, ഗ്രാമ്പു, കറുവാപ്പട്ട, എന്നിവ പൊട്ടിക്കുക. ഇതിലേക്ക് സവാളയും പച്ചമുളകും ചേര്‍ത്ത് വഴറ്റുക. അല്‍പ്പം ബ്രൌണ്‍ നിറം ആകുമ്പോള്‍ ഇഞ്ചിയും വെളുത്തുള്ളിയും ചേര്‍ത്ത് വഴറ്റുക. നല്ല ബ്രൌണ്‍ നിറം ആകുമ്പോള്‍ തക്കാളി ചേര്‍ത്ത് ഉടയ്ക്കുക. ഇതിലേക്ക് ബാക്കിയുള്ള മുളക് പൊടി, മഞ്ഞള്‍പ്പൊടി,ഗരംമസാലപ്പൊടി എന്നിവ ചേര്‍ത്ത് നന്നായി വഴറ്റുക. മസാല പുരട്ടി വച്ചിരിക്കുന്ന ചിക്കന്‍ ഇതിലേക്ക് ചേര്‍ത്ത് നന്നായി യോജിപ്പിക്കുക. 5-6 മിനുറ്റ് നന്നായി ഇളക്കി കൊണ്ടിരിക്കുക. ചിക്കന്‍ ഉടയരുത്. ചെറുതായി ഒന്ന് ഫ്രൈ ആയി കിട്ടിയാല്‍ മതി. അടിയില്‍ പിടിക്കാതെ സൂക്ഷിക്കുക. വെള്ളം ഒഴിക്കാന്‍ പാടില്ല ഇപ്പോള്‍

അതിനു ശേഷം കഴുകി വാരി വച്ചിരിക്കുന്ന അരി ഇതിലേക്ക് ചേര്‍ത്ത് ഇളക്കുക. ആവശ്യത്തിന് ഉപ്പും മല്ലിയിലയും ചേര്‍ത്ത് യോജിപ്പിക്കുക. 3 ഗ്ലാസ്‌ വെള്ളം തിളപ്പിച്ച്‌ നല്ല ചൂടോടു കൂടി ഇതിലേക്ക് ചേര്‍ക്കുക.
ശേഷം കുക്കര്‍ അടയ്ക്കുക.ഇത് ആവി വരുമ്പോള്‍ വിസില്‍ ഇടുക. വെയിറ്റ് ഇട്ടതിനു ശേഷം കൃത്യം 5 മിനുറ്റ് ഇടത്തരം തീയില്‍ പാകം ചെയ്യുക. വിസില്‍ അടിക്കുന്നത് ഒന്നും നോക്കി നില്‍ക്കണ്ട . 5 മിനുറ്റ് കഴിയുമ്പോള്‍ തീ ഓഫാക്കുക. ആവി പോകുന്നത് വരെ വെയിറ്റ് ചെയ്യുക. അതിനു ശേഷം മാത്രം കുക്കര്‍ തുറക്കുക. അപ്പോള്‍ തന്നെ ഒരു പരന്ന പാത്രത്തിലേക്ക് ഇത് പകര്‍ത്തുക . ഒരു ഫോര്‍ക്ക് കൊണ്ട് ഇളക്കുക.
ഇനി ഇതിലേയ്ക്ക് സവാള , അണ്ടിപ്പരിപ്പ്,കിസ്മിസ് എല്ലാം നെയ്യില്‍ വറുത്തു ഇടുക …ഇതൊക്കെ നിങ്ങളുടെ ഇഷ്ട്ടം അനുസരിച്ച് ചേര്‍ക്കാം …

പ്രഷര്‍ കുക്കര്‍ ബിരിയാണി റെഡി

വളരെ എളുപ്പമാണ് ഇതുണ്ടാക്കാന്‍ ഇതിലും എളുപ്പത്തില്‍ ബിരിയാണി ഉണ്ടാക്കുന്നത് സ്വപനത്തില്‍ മാത്രം 🙂 എല്ലാവരും ഉണ്ടാക്കി നോക്കണം ..ഇഷ്ട്ടപ്പെടും

ഈ പോസ്റ്റ്‌ നിങ്ങള്‍ക്ക് ഇഷ്ട്ടമായെങ്കില്‍ ഷെയര്‍ ചെയ്യുക