ആവശ്യമായവ
ബ്രോക്കോളി – ഇടത്തരം ഒന്ന്
തേങ്ങാ തിരുമ്മിയത്‌ – 2 കപ്പ്‌
കുഞ്ഞുള്ളി – 10 – 15
വെളുത്തുള്ളി – 3 അല്ലി
മല്ലി – രണ്ടു ടേബിള്‍ സ്പൂണ്‍
വറ്റല്‍ മുളക് – 15എണ്ണം
ഉലുവ – അര ടീസ്പൂണ്‍
വാളന്‍ പുളി – ഒരു നെല്ലിയ വലുപ്പത്തില്‍ എടുക്കുക
മഞ്ഞള്പ്പൊടി
പച്ചമുളക് – 2
കറി വേപ്പില – 2 കതിര്‍
കടുക് – 1 ടീസ്പൂണ്‍
കായം – വളരെ ചെറിയ ഒരു കഷണം
ഉപ്പ് – പാകത്തിന്
എണ്ണ – ആവശ്യത്തിന്
പെരുംജീരകം – ഒരു നുള്ള് ; കൂടി പോകരുത്
തയ്യാറാക്കുന്ന വിധം :
ബ്രോക്കോളി ചെറിയ ചൂട് വെള്ളത്തില്‍ ഇട്ടു കഴുകി എടുക്കുക.ചെറിയ ഇതള്കളാക്കി വയ്ക്കുക.
ഒരു പാനില്‍ ഒരു ടീസ്പൂണ്‍ എണ്ണ ഒഴിച്ച് ചൂടാകുമ്പോള്‍ തിരുമ്മിയ തേങ്ങാ ഇട്ടു നല്ലത് പോലെ വറുത്തെടുക്കുക. തേങ്ങാ വറക്കുമ്പോള്‍ കരിഞ്ഞു പോകുകയോ അടിക്കു പിടിക്കുകയോ ചെയ്യരുത് ഇടയ്ക്കിളക്കി കൊടുക്കണം.. വറ്റല്‍ മുളക്, മല്ലി എന്നിവ കൂടി ഇതിലേക്ക് ചേര്ത്തു് ചൂടാക്കി എടുക്കണം.എന്നിട്ട് ഈ തേങ്ങ തണുക്കാന്‍ മാറ്റി വെയ്ക്കുക..തണുത്തതിനു ശേഷം മിക്സറില്‍ വെള്ളം തൊടാതെ നല്ല നേര്മ്മയായി അരച്ചെടുക്കുക.. ഒരു നെല്ലിയക്ക വലുപ്പത്തില്‍ വാളന്‍ പുളി അല്പം വെള്ളത്തില്‍ പിഴിഞ്ഞെടുക്കുക.
ഇനി ഒരു മണചട്ടിയില്‍ എണ്ണ ഒഴിച്ച് ചൂടാകുമ്പോള്‍ കറിവേപ്പില താളിയ്ക്കുക..ഉലുവയും ചേര്‍ക്കുക , അരിഞ്ഞു വെച്ചിരിക്കുന്ന വെളുത്തുള്ളിയും കുഞ്ഞുള്ളിയും പച്ചമുളകും ചേര്ത്ത് വഴറ്റുക. ഇതിലേക്ക് കായം,പെരുംജീരകം മഞ്ഞള്പൊടി എന്നിവ ചേര്ത്തു ഇളക്കുക.നന്നായി വഴന്നു കഴിഞ്ഞു ചെറിയ ഇതളുകളായി മുറിച്ചു വെച്ചിരിക്കുന്ന ബ്രോക്കോളി ചേര്ത്തു വഴറ്റുക.രണ്ടു മിനിറ്റ് കഴിഞ്ഞു അരച്ച് വെച്ചിരിയ്ക്കുന്ന തേങ്ങയും വെള്ളവും ആവശ്യത്തിന് ഉപ്പും ചേര്ത്തു അടച്ചു വെച്ച് വേവിയ്ക്കുക.കുറച്ചു വെന്തു കഴിയുമ്പോള്‍ പുളി പിഴിഞ്ഞ വെള്ളം ഒഴിച്ച് വീണ്ടും 5 – 10 മിനിറ്റ് തിളയ്പ്പിക്കുക,ചാറു അല്പം കുറുകി വരുമ്പോള്‍ തീയ് അണയ്ക്കുക.
ബ്രോക്കോളി തീയല്‍ തയ്യാര്‍.
