ചിക്കന്‍ ഫ്രൈഡ് റൈസ് ഉണ്ടാക്കി നോക്കാം.
ആവശ്യമുള്ള സാധനങ്ങള്‍:
1. റൈസ് – രണ്ടു കപ്പ്‌ (ഗീ റൈസ് ആണ് നല്ലത്)
2. ചിക്കന്‍ – പത്തു കഷണം (ഒരു സ്പൂണ്‍ ഇഞ്ചി, വെളുത്തുള്ളി പേസ്റ്റ്, കാല്‍ ടീസ്പൂണ്‍ മഞ്ഞള്‍ പൊടിയും, ഒരു ടീസ്പൂണ്‍ മുളക് പൊടിയും പുരട്ടി അര മണിക്കൂര്‍ വെച്ചതിനു ശേഷം ബ്രൌണ്‍ കളര്‍ ആകുന്നത്‌ വരെ എണ്ണയില്‍ വറുത്തെടുക്കുക.
വെളുത്തുള്ളി – രണ്ടെണ്ണം (ചെറുതായി അരിഞ്ഞത് )
3. എണ്ണ – രണ്ടു ടേബിള്‍ സ്പൂണ്‍
4. സവാള – ഒരെണ്ണം (ചെറുത്)
5. കാരറ്റ്‌ – ഒരെണ്ണം
6. ബീന്സ് – ഒരു കപ്പ്‌
7. കാബേജ് – കാല്‍ കപ്പ്‌
8. ക്യാപ്സിക്കം – ഒരു കപ്പ്‌
9. കുരുമുളക് പൊടി – അര ടീസ്പൂണ്‍
10. ചില്ലി സോസ് – ഒരു ടീസ്പൂണ്‍
11. സോയ സോസ് – രണ്ടു ടീസ്പൂണ്‍
12. ടോമടോ സോസ് – രണ്ടു ടീസ്പൂണ്‍
13. മുട്ട – രണ്ടെണ്ണം ( അര ടീസ്പൂണ്‍ എണ്ണയില്‍ ഒരു നുള്ള് ഉപ്പും, ഒരു നുള്ള് കുരുമുളക് പൊടിയും ഇട്ടു നന്നായി വറുത്തെടുക്കുക).
14. ഉപ്പ് – ആവശ്യത്തിന്
15. മല്ലിയില – ആവശ്യത്തിന്
തയ്യാറാക്കുന്ന വിധം :
ഒരു പാത്രം അടുപ്പില്‍ വെച്ച് , ചൂടായത്തിനു ശേഷം അതില്‍ രണ്ടു ടേബിള്‍ സ്പൂണ്‍ എണ്ണ ഒഴിചതിനു ശേഷം അരിഞ്ഞു വെച്ചിരിക്കുന്ന വെളുത്തുള്ളി അതിലിട്ടു നന്നായി വയറ്റി എടുക്കുക. അതിനു ശേഷം കാരറ്റ്‌ , ബീൻസ്, കാബേജ്, സവാള, ആവശ്യത്തിന് ഉപ്പ്, കുരുമുളക് പൊടി എന്നിവ ചേർത്ത് ചെറുതീയില്‍ വേവിച്ചെടുക്കുക. അതിനു ശേഷം കാപ്സികം, ചില്ലി സോസ്, ടോമടോ സോസ്, സോയ സോസ് ഇവ കൂടി ചേർത്ത് നന്നായി ഇളക്കി അഞ്ചു മിനിറ്റ് കൂടി വേവിക്കുക. അതിലേക്കു വറുത്തു വെച്ചിരിക്കുന്ന ചിക്കന്‍ പീസ്‌ ചെറിയ കഷണങ്ങള്‍ ആക്കി അതിലേക്കിട്ട് നന്നായി ഇളക്കി ഇറക്കി വെക്കുക.
ഒരു പാത്രം അടുപ്പില്‍ വെച്ചു, ചൂടായതിനുശേഷം അര ടീസ്പൂണ്‍ നെയ്യ്‌ (ആവശ്യമുണ്ടെങ്കില്‍) രണ്ടു ടീസ്പൂണ്‍ എണ്ണയും ഒയിച്ചു കഴുകി വൃത്തിയാക്കിയ അരി നന്നായി വറുക്കുക. അതിലേക്കു മൂന്ന് കപ്പ്‌ വെള്ളവും ഒഴിച്ച് ആവശ്യത്തിന് ഉപ്പും ചേര്ത്ത് (വേണമെങ്കില്‍ ഒരു ഏലക്കായ,ഒരു കരാമ്പു, ഒരു കഷണം കറുവപ്പട്ട ഇവ കൂടി ഇട്ടു കൊടുക്കാം) ഗി റൈസ് ഉണ്ടാക്കുന്നത് പോലെ വേവിച്ചെടുക്കുക. അതിനു ശേഷം ആദ്യം ഉണ്ടാക്കിയ വെജിറ്റബിൾ ചിക്കന്‍ മിക്സിലേക്ക് റൈസ് കുറച്ച് കുറച്ചു ഇട്ടു ഇളക്കി മിക്സ്‌ ചെയ്യാവുന്നതാണ്. അതിലേക്കു മുട്ട വറുത്തതും മല്ലിയിലയും കൂടി ചേർത്തു വിളമ്പാം.!
ഈ റെസിപ്പി ഇഷ്ടമായെങ്കില്‍ ഷെയര്‍ ചെയ്യൂ. ഈ പേജ് നിങ്ങള്‍ ഇതുവരെ ലൈക്ക് ചെയ്തിട്ടില്ലെങ്കില്‍ ഇപ്പോള്‍ തന്നെ ലൈക്ക് ചെയ്യൂ.
