മാങ്ങാ പാല്‍ കറി ഉണ്ടാക്കാം

ആവശ്യമായ സാധനങ്ങള്‍

മാങ്ങാ : ½Kg

തേങ്ങാ പാല്‍ : :ഒന്നാം പാല്‍ 1 കപ്പ്‌
രണ്ടാംപാല്‍ 3 കപ്പ്‌

സവോള : 2 എണ്ണം

ഇഞ്ചി : 1 ” കഷണം

വെളുത്തുള്ളി : 3 – 4 എണ്ണം

ചെറിയ ഉള്ളി : 3 – 4 എണ്ണം

പച്ചമുളക് : 3 – 4 എണ്ണം

കറിവേപ്പില : 2 തണ്ട്

മുളക് പൊടി : 2 – 3 സ്പൂണ്‍

മല്ലി പൊടി : 3 – 4 സ്പൂണ്‍

മഞ്ഞള്‍ പൊടി : 1 ടീസ്പൂണ്‍

കടുക് : 1 ടീസ്പൂണ്‍

ഉലുവ : 1 ടീസ്പൂണ്‍

വെളിച്ചെണ്ണ : 100 മില്ലി

ഉപ്പ്‌ : ആവശ്യത്തിനു

ഉണ്ടാക്കേണ്ടവിധം
ആദ്യം മാങ്ങാ തൊലി കളഞ്ഞു ചെറിയ കഷണങ്ങള്‍ ആക്കുക (പുളി അധികം ആണെങ്ങില്‍ തിളച്ച വെള്ളത്തില്‍ കഷണങ്ങള്‍ കഴുകി എടുക്കുക) അതിലേക്കു മുളക്, മല്ലി, മഞ്ഞള്‍,
, ഉപ്പ്‌, ഒരു സ്പൂണ്‍ വെളിച്ചെണ്ണ എന്നിവ ചേര്‍ത്ത് വെക്കുക.

ചീനച്ചട്ടി അടുപ്പില്‍ വെച്ച് അതിലക്ക് എണ്ണ ഒഴിച്ച് ചൂടാകുമ്പോള്‍ കടുകും ഉലുവയും കൂടി ഇട്ടു പൊട്ടുമ്പോള്‍ ചെറിയ ഉള്ളി അരിഞ്ഞതും , കറിവേപ്പിലയും കൂടി ചേര്‍ക്കുക. വഴന്നു വരുമ്പോള്‍ ‍ അതിലേക്കു സവോള, ഇഞ്ചി, വെളുത്തുള്ളി എന്നിവയും ചേര്‍ത്ത് നന്നായി വഴറ്റുക . അതിലക്ക് മാങ്ങാ തിരുമി വെച്ചത് ചേര്‍ക്കുക.

അത് ചെറുതീയില്‍ നന്നായി വഴറ്റുക. അതിലക്ക് ഇളം പാല്‍ ചേര്‍ക്കുക. ചെറുതീയില്‍ ഇളക്കി മാങ്ങാ വെന്തുവരുമ്പോള്‍ അതിലക്ക് തനി പാല്‍ ചേര്‍ത്ത് ഇളക്കി ആവി വരുമ്പോള്‍ വാങ്ങാം