ഓണസദ്യക്ക് വിളമ്പാനുള്ള ശർക്കരവരട്ടി വീട്ടിൽ തന്നെ തയ്യാറാക്കി എടുക്കാം.
നാലു വലിയ ഏത്തക്കായ ആണ് ഇതിനായി എടുത്തിരിക്കുന്നത് ആദ്യം ഇതിന്റെ തൊലി കളയണം, ശേഷം ഉപ്പ് ,മഞ്ഞൾ എന്നിവ ചേർത്ത വെള്ളത്തിൽ അര മണിക്കൂർ മുക്കി വെക്കുക, ശേഷം എടുത്തു വെള്ളം തുടച്ചു മാറ്റി, നടുവേ കട്ട് ചെയ്തതിനുശേഷം അര സെന്റീമീറ്റർ കനത്തിൽ മുറിച്ചെടുക്കുക, ഇതിനെ ചൂടായ എണ്ണയിലേക്ക് ചേർത്തു കൊടുത്തു നല്ല ക്രിസ്പി ആകുന്നതുവരെ വറുത്തെടുക്കണം. മറ്റൊരു പാനിൽ മുക്കാൽകപ്പ് ശർക്കരയും അര കപ്പ് വെള്ളവും ചേർത്ത് ഉരുക്കി എടുക്കുക, ഇതിനെ വേറൊരു പാനിലേക്ക് അരിച്ചു ചേർത്തു കൊടുക്കണം, വീണ്ടും തിളപ്പിക്കുക രണ്ട് ടീസ്പൂൺ പഞ്ചസാര കൂടി ചേർത്ത് കൊടുക്കണം, ഇതിലേക്ക് ഏലക്കായ പൊടിച്ചതും, ഒരു ടീസ്പൂൺ ചുക്ക് പൊടിച്ചത്, അര ടീസ്പൂൺ നല്ല ജീരകം പൊടിച്ചത് എന്നിവ കൂടി ചേർത്ത് നല്ലപോലെ മിക്സ് ചെയ്യാം, നന്നായി കുറുകി ഒരു നൂൽ പരുവം ആകുമ്പോൾ വറുത്തുവച്ചിരിക്കുന്ന ഏത്തക്കായ ചേർത്ത് നല്ലപോലെ മിക്സ് ചെയ്ത് കോട്ട് ചെയ്ത് എടുക്കാം. തമ്മിൽ ഒട്ടി പിടിക്കാതിരിക്കാനായി അൽപം അരിപ്പൊടി ചേർത്ത് മിക്സ് ചെയ്യണം,അല്പം ചുക്കുപൊടി കൂടി ചേർത്ത് മിക്സ് ചെയ്താൽ ശർക്കര വരട്ടി റെഡി.
ഈ വീഡിയോ നിങ്ങൾക്ക് ഇഷ്ടമായെങ്കിൽ ഫ്രെണ്ട്സിനും ഫാമിലിക്കും ഷെയർ ചെയ്തു കൊടുക്കുമല്ലോ ഒപ്പം ഇതുപോലെയുള്ള റെസിപ്പി കൾക്കായി ഞങ്ങളുടെ ഫേസ്ബുക്ക് പേജ് ഫോളോ ചെയ്യുക കൂടെ ഈ ചാനൽ സബ്സ്ക്രൈബ് ചെയ്യുക
Jesni’s Foodie Days
