പേര് പോലെ വ്യത്യസ്തമായ അറബിക് ഓംലറ്റ് ഇനി എളുപ്പത്തിൽ നമുക്കും ഉണ്ടാക്കാം

ഷക്ക്ഷുക (അറബിക് സ്പെഷ്യൽ ഓംലറ്റ് )

പേര് പോലെ വ്യത്യസ്തമായ അറബിക് ഓംലറ്റ് ഇനി എളുപ്പത്തിൽ നമുക്കും ഉണ്ടാക്കാം… നല്ല സൂപ്പർ ടേസ്റ്റിയും ഹെൽത്തിയും ആയ ഐറ്റം ആണുട്ടോ 😋👌

കുബൂസ്, ബ്രെഡ്, ബൺ, ചപ്പാത്തി എന്തിനും കോമ്പിനേഷൻ ആണുട്ടോ.. ഇത്‌ ഉണ്ടെങ്കിൽ വേറെ കറികൾ ഒന്നും വേണ്ട.

എങ്ങനെ എളുപ്പത്തിൽ ഉണ്ടാക്കാം എന്ന് നോക്കാം..

ഇതിലേക്ക് 2 സവാള ചെറുതായി അരിഞ്ഞത്, മൂന്ന് ചെറിയ വെളുത്തുള്ളി ചെറുതായി അരിഞ്ഞത്.. രണ്ടു സ്പൂൺ ഓയിൽ ഒഴിച്ചിട്ട് വാട്ടിയെടുക്കുക. ശേഷം ഇതിലേക്ക്, ഒരു ക്യാപ്സിക്കം അരിഞ്ഞത് ചേർത്ത് കൊടുക്കാം. ഒരു അല്പം ഉപ്പു ചേർത്ത് നന്നായി വാടി വരുമ്പോൾ.. മൂന്നോ അല്ലെങ്കിൽ നാലോ തക്കാളി നന്നായി അടിച്ചു പേസ്റ്റ് ആക്കിയത് ചേർത്തുകൊടുക്കാം. തക്കാളി അരച്ചത് റെഡിമെയ്ഡ് ഉണ്ടെങ്കിൽ അത് രണ്ട് ടേബിൾസ്പൂൺ ഉപയോഗിക്കാം. ഇനി നമുക്ക് മൂടിവെച്ച് കുറച്ചുനേരം വേവിച്ചെടുക്കണം. കുറച്ചു മല്ലിയില ചേർത്ത് കൊടുക്കാം. ശേഷം ഇതിലേക്ക് വേണ്ട മസാലപ്പൊടികൾ ഇട്ടു കൊടുക്കണം.

ജീരക പൊടി കാൽ ടീസ്പൂൺ, കുരുമുളകുപൊടി കാൽ ടീസ്പൂൺ, കാശ്മീരി മുളകുപൊടി ഒരു ടീസ്പൂൺ, ഇടിച്ച് മുളകുപൊടി അര ടീസ്പൂൺ, പിന്നെ ഒരു ടീസ്പൂൺ പഞ്ചസാരയും ചേർത്ത് നന്നായി മിക്സ് ചെയ്യുക. മൂടി അടച്ചുവെച്ച് അഞ്ചു മിനിറ്റ് വേവിക്കുക.. ഇനി നമുക്ക് ഇതിലേക്ക് ആവശ്യമായ മുട്ട ചേർത്തു കൊടുക്കാം. മുട്ട ഇതിലേക്ക് ചേർക്കുന്നതിന് ഒരു പ്രത്യേകതയുണ്ട്, ഈ മസാല കൂട്ടിന് ഇടയിൽ നാല് കുഴികൾ ഉണ്ടാക്കുക. ഇനി നമുക്ക് ഇതിലേക്ക് ഓരോ മുട്ട പൊട്ടിച്ചു ഒഴിച്ച് കൊടുക്കാം. ഇനി ഈ മുട്ടയുടെ മുകളിൽ നമുക്ക് കുറച്ചു കുരുമുളകുപൊടി ഒരു നുള്ള് ഉപ്പ്, ഒറിഗാനോ പൗഡർ ഉണ്ടെങ്കിൽ അത്, രണ്ടു നുള്ള് (നിർബന്ധമില്ല ഉണ്ടെങ്കിൽ) ചേർത്തുകൊടുക്കാം നല്ലൊരു മണം ആയിരിക്കും.. ഇത്രയും ചേർത്ത് കൊടുത്ത മൂടി അടച്ചു വച്ച് 5 മിനിറ്റ് വേവിച്ചെടുക്കണം.. കുറഞ്ഞ തീയിൽ വേവിക്കാൻ ശ്രദ്ധിക്കണം.. നമ്മുടെ അറബിക് ഓംലെറ്റ് ആയ ഷക്ക്ഷുക ഇവിടെ റെഡിയായിട്ടുണ്ട്..

ഇത് കുട്ടികൾ മുതൽ മുതിർന്നവർ വരെയുള്ള എല്ലാവർക്കും വളരെയധികം ഇഷ്ടമാകും. തയ്യാറാക്കുന്നത് എങ്ങനെയെന്നു താഴെ കൊടുത്തിരിക്കുന്ന വീഡിയോയില്‍ വിശദമായി കാണിച്ചു തരുന്നുണ്ട്. വീഡിയോ നോക്കി അതുപോലെ നിങ്ങളും അറബിക് ഓംലറ്റ് ഉണ്ടാക്കി നോക്കൂ. മറ്റുള്ളവര്‍ക്കു കൂടി ഈ പോസ്റ്റ്‌ എത്തിച്ചു കൊടുക്കാൻ മറക്കരുത്. ഇതുപോലുള്ള വ്യത്യസ്തമായ രുചിക്കൂട്ടുകളും കിച്ചൺ ടിപ്സുകളും ദിവസവും നിങ്ങളുടെ ഫേസ്ബുക്കിൽ ലഭിക്കുന്നതിന്, തട്ടുകട ഫെയിസ്ബുക്ക് പേജ് ഫോള്ളോ ചെയ്ത ശേഷം Following എന്ന ബട്ടണിൽ ക്ലിക്ക് ചെയ്ത് See First എന്നതും സെലക്ട് ചെയ്യുക. കൂടുതല്‍ വീഡിയോകള്‍ക്കായി Jiya’s Hot Pan ചാനല്‍ Subscribe ചെയ്യാനും ബെൽ ഐക്കൺ ക്ലിക്ക് ചെയ്തു നോട്ടിഫിക്കേഷൻ ഇനേബിൾ ചെയ്യാനും മറക്കരുത്.