ചേമ്പ് കൊണ്ട് തേങ്ങയും മോരും തൈരും ഒന്നും ചേർക്കാതെ നല്ലൊരു കിടിലൻ പുളിങ്കറി ഉണ്ടാക്കാം

ചേമ്പ് കൊണ്ട് തേങ്ങയും മോരും തൈരും ഒന്നും ചേർക്കാതെ നല്ലൊരു കിടിലൻ പുളിങ്കറി ഉണ്ടാക്കാം.വിശദമായ റെസിപിക്കായി വീഡിയോ കാണൂ.. 400ഗ്രാം ചേമ്പ് തൊലി കളഞ്ഞു കഷ്ണങ്ങൾ ആക്കിയതിലേക്ക് ഒരു കപ്പ് വെള്ളവും കാൽ ടീസ്പൂൺ മഞ്ഞൾ പൊടിയും ആവിശ്യത്തിന് ഉപ്പും ചേർത്ത് പകുതി വേവ് ആവുന്നത് വരെ മൂടി വെച്ച് വേവിക്കണം .. അതിന് ശേഷം മൂടി തുറന്നു വെച്ച് വെള്ളം ഒന്ന് വറ്റിക്കാം. ഒരു മുക്കാൽ വേവ് ആയാൽ തീ ഓഫാക്കാം..

അടുത്തത് ആയി പന്ത്രണ്ടു ചുവന്നുള്ളി, 6 വെളുത്തുള്ളി, 5 പച്ചമുളക്, ഒരു കഷ്ണം ഇഞ്ചി ഇത്രയും ചതച്ചെടുക്കാം.. ഇനി ഒരു ചട്ടി ചൂടാക്കിയതിലേക്ക് വെളിച്ചെണ്ണ ഒഴിച്ച് ചൂട് ആയാൽ ചതച്ചു വെച്ചിരിക്കുന്നതും കുറച്ചു കറി വേപ്പിലയും ചേർത്ത് നന്നായി ഒന്ന് വഴറ്റി എടുക്കാം.. ചുവന്നുള്ളിയുടെയും വെളുത്തുള്ളിയുടെ പച്ചമണം മാറി നല്ല പോലെ വഴന്ന് വന്നാൽ ഇതിലേക്ക് ഒരു ടേബിൾ സ്പൂൺ മുളക് പൊടിയും കാൽ ടേബിൾ സ്പൂൺ കൂടെ മഞ്ഞൾ പൊടിയും ഉലുവ വറുത്തു പൊടിച്ചത് കാൽ ടീസ്പൂണും ചേർത്ത് കൊടുക്കാം..

പൊടികൾ നന്നായി മൂത്തു വന്നാൽ ഒരു മീഡിയം സൈസിലുള്ള തക്കാളി അരിഞ്ഞത് ചേർത്ത് കൊടുക്കാം..
തക്കാളിയും നന്നായി ഉടഞ്ഞു വന്നാൽ ഇതിലേക്ക് ഒരു നെല്ലിക്ക വലുപ്പത്തിൽ ഉള്ള പഴംപുളി രണ്ടു കപ്പ് വെള്ളതിൽ പിഴിഞ്ഞതിന് ശേഷം ചേർത്തു കൊടുക്കാം..

ഗ്രേവി നന്നായി തിളച്ചു വരുമ്പോൾ ഇതിലേക്ക് വേവിച്ചു വെച്ചിരിക്കുന്ന ചേമ്പ് ചേർത്ത് കൊടുക്കാം. ഉപ്പ് നോക്കീട്ട് കുറവ് ഉണ്ടെങ്കിൽ കുറച്ചു കൂടെ ചേർത്തു കൊടുക്കാം.. ചേമ്പ് കൈൽ കൊണ്ട് ഇടയ്ക്ക് ചെറുതായി ഒന്ന് ഉടച്ചു കൊടുക്കാം..

ഉപ്പും പുളിയും ബാലൻസ് ആവാൻ ഒരു ചെറിയ കഷ്ണം ശർക്കര ചേർത്ത് കൊടുക്കാം .. കറി ആവിശ്യത്തിന് വറ്റി ഒന്ന് കുറുകി വന്നാൽ ഇതിലേക്ക് കാൽ ടീസ്പൂൺ കായപ്പൊടിയും കുറച്ചു കൂടെ കറിവേപ്പിലയും ചേർത്ത് നന്നായി ഇളക്കി യോജിപ്പിച്ചതിന് ശേഷം തീ ഓഫാക്കാം.. ചേമ്പ് പുളിങ്കറി റെഡി..

ഇത് കുട്ടികൾ മുതൽ മുതിർന്നവർ വരെയുള്ള എല്ലാവർക്കും വളരെയധികം ഇഷ്ടമാകും. തയ്യാറാക്കുന്നത് എങ്ങനെയെന്നു താഴെ കൊടുത്തിരിക്കുന്ന വീഡിയോയില്‍ വിശദമായി കാണിച്ചു തരുന്നുണ്ട്. വീഡിയോ നോക്കി അതുപോലെ നിങ്ങളും പുളിങ്കറി ഉണ്ടാക്കി നോക്കൂ. മറ്റുള്ളവര്‍ക്കു കൂടി ഈ പോസ്റ്റ്‌ എത്തിച്ചു കൊടുക്കാൻ മറക്കരുത്. ഇതുപോലുള്ള വ്യത്യസ്തമായ രുചിക്കൂട്ടുകളും കിച്ചൺ ടിപ്സുകളും ദിവസവും നിങ്ങളുടെ ഫേസ്ബുക്കിൽ ലഭിക്കുന്നതിന്, തട്ടുകട ഫെയിസ്ബുക്ക് പേജ് ഫോള്ളോ ചെയ്ത ശേഷം Following എന്ന ബട്ടണിൽ ക്ലിക്ക് ചെയ്ത് See First എന്നതും സെലക്ട് ചെയ്യുക. കൂടുതല്‍ വീഡിയോകള്‍ക്കായി Jashi’s CookBook ചാനല്‍ Subscribe ചെയ്യാനും ബെൽ ഐക്കൺ ക്ലിക്ക് ചെയ്തു നോട്ടിഫിക്കേഷൻ ഇനേബിൾ ചെയ്യാനും മറക്കരുത്.