കുട്ടികള്‍ക്കും മുതിര്‍ന്നവര്‍ക്കും എല്ലാം ഒരു പോലെ ഇഷ്ട്ടപ്പെടുന്ന ഒന്നാണ് കെച്ചപ്പ് …മധുരവും,പുളിയും,എരിവും,എല്ലാം ഒത്തിണങ്ങിയ ഇത് ആര്‍ക്കാണ് ഇഷ്ട്ടമാവാത്തത് അല്ലെ …ഹോട്ടലുകളില്‍ ഒക്കെ ഭക്ഷണം കഴിക്കാന്‍ കയറിയാന്‍ ആദ്യം മേശപ്പുറത്തു എത്തുന്നത്‌ കെച്ചപ്പ് ആയിരിക്കും …കെച്ചപ്പ് പലതരത്തില്‍ ഉണ്ടാക്കാം …തക്കാളി കൊണ്ട്,,ക്യാരറ്റ് കൊണ്ട്,, ചില്ലി കൊണ്ട്,അങ്ങിനെ നീളുന്നതാണ് …ഇത് നമുക്കിഷ്ട്ടപ്പെട്ട കട് ലെറ്റിന്റെ കൂടെയോ ബ്രെഡിന്റെ കൂടെയോ എന്തിന്‍റെ കൂടെയും കഴിക്കാം ..ഇപ്പൊ നമുക്ക് ബീട്രൂറ്റ് കെച്ചപ്പ് ഉണ്ടാക്കുന്നത് എങ്ങിനെയാണെന്ന് നോക്കാം അതിനാവശ്യമുള്ള സാധനങ്ങള്‍
ബീട്രൂറ്റ് 1 കിലോ
പഞ്ചസാര അര കിലോ
ഉപ്പു പാകത്തിന്
വിനാഗിരി 4 ടേബിള്‍സ്പൂണ്‍
പെരുംജീരകം പൊടിച്ചത് 3 ടീസ്പൂണ്‍
ഗരം മസാല ഒന്നര ടീസ്പൂണ്‍
ഇഞ്ചി 1 കഷണം പൊടിയായി അരിഞ്ഞത്
കുരുമുളക് 20 എണ്ണം പൊടിച്ചത്
ഗ്രാമ്പൂ 6-7 പൊടിച്ചത്
കറുവാപട്ട 2 പൊടിച്ചത്
സവാള 3 – 4 പൊടിയായി അരിഞ്ഞത്
വെളുത്തുള്ളി അല്ലി 10-12 പൊടിയായി അരിഞ്ഞത്
ഒലിവ്ഓയില്‍ – ആവശ്യത്തിനു
ആദ്യം തന്നെ ബീട്രൂറ്റ് ചെറിയ കഷണങ്ങളാക്കി നുറുക്കി നന്നായി വേവിച്ചു എടുക്കുക
ഇനി ഒരു പാനില്‍ കുറച്ചു ഒലിവ് ഓയില്‍ ഒഴിച്ച് സവാള , വെളുത്തുള്ളി,ഇഞ്ചി ,എന്നിവ ഒന്ന് വഴറ്റുക ശേഷം കറുവാപട്ട,ഗ്രാമ്പൂ,കുരുമുളക്,ഗരം മസാല,പേരും ജീരകം ,ഉപ്പു പാകത്തിന് എന്നിവ ക്രമമായി ചേര്‍ക്കാം ( പൊടികള്‍ എല്ലാം ഇപ്പോള്‍ ചേര്‍ക്കുക ) ഇതെല്ലാം നന്നായി വഴന്നു കഴിയുമ്പോള്‍ വേവിച്ചു വച്ചിരിക്കുന്ന ബീട്രൂറ്റ് ചേര്‍ത്ത് നന്നായി ഇളക്കുക ശേഷം പഞ്ചസാരയും ചേര്‍ത്ത് നന്നായി ഇളക്കി യോജിപ്പിച്ച് ഇത് ഇറക്കി വയ്ക്കാം .അടുത്തതായി ഈ കൂട്ടു ഒന്ന് മിക്സിയില്‍ നന്നായി അരച്ച് എടുക്കാം . അതിനു ശേഷം ഒന്ന് കൂടി ഒരു പാന്‍ അടുപ്പത് വച്ച് ചൂടാകുമ്പോള്‍ ഈ കൂട്ടു അതിലേയ്ക്ക് ഒഴിക്കാം ഒന്ന് നന്നായി ഇളക്കാം (അടിയില്‍ പിടിക്കാതെ ) ഇത് നന്നായി കുറുകി കഴിയുമ്പോള്‍ വിനാഗിരി ചേര്‍ക്കാം ഒന്ന് ഇളക്കാം അപ്പോതന്നെ ഇറക്കാം
ഇനി ഇത് ചൂട് ആറുമ്പോള്‍ കുപ്പിയില്‍ ആക്കി വച്ച് ആവശ്യത്തിനു ഉപയോഗിക്കാം
വളരെ രുചികരമായ ബീട്രൂറ്റ് കെച്ചപ്പ് റെഡിയായി
ഇതെല്ലാവരും ഉണ്ടാക്കി നോക്കണം …കുട്ടികള്‍ക്കൊക്കെ ഇത് വളരെ നല്ലതാണ് ബീട്രൂറ്റ് ..ഇത് കഴിക്കാന്‍ മടിയുള്ള കുട്ടികള്‍ക്കും ഇതുപോലെ കെച്ചപ്പ് ഉണ്ടാക്കി കൊടുക്കാം ഒരു സൈഡ് ഡിഷ്‌ ആയിട്ട് നമുക്ക് ഇത് എന്തിന്‍റെ കൂടെ വേണമെങ്കിലും ഉപയോഗിക്കാം …തക്കാളി ഉപയോഗിച്ചും നമുക്ക് ഇതുപോലെ ഉണ്ടാക്കാം …
ഈ പോസ്റ്റ്‌ ഇങ്ങള്‍ക്ക് ഇഷ്ട്ടമായെങ്കില്‍ ഷെയര്‍ ചെയ്യുക .പുതിയ പോസ്റ്റുകള്‍ നിങ്ങളുടെ ടൈം ലൈനില്‍ ലഭിക്കാന്‍ ഈ പേജ് ലൈക് ചെയ്യുക.
