ചിലയിടങ്ങളില്‍ കടുക്ക എന്നും കല്ലുമ്മക്കായ എന്നും അറിയപ്പെടുന്ന കല്ലുമ്മക്കായ വളരെ ടേസ്റ്റിയാണ്…കക്കയുടെ വര്‍ഗ്ഗത്തില്‍പെട്ട ഒന്നാണിത് ,,,മലബാര്‍ പ്രദേശത്ത് ഇത് ധാരാളം ലഭ്യമാണ്…. ഒട്ടുമിക്ക പ്രദേശങ്ങളില്‍ ഇത് കൃഷി ചെയ്തും എടുക്കുന്നുണ്ട്… കക്കയെപ്പോലെ തന്നെ ധാരാളം കാത്സ്യം അടങ്ങിയിട്ടുള്ള ഒന്ന് കൂടിയാണ് ഇത്… കല്ലുമ്മക്കായ ഏതു തരത്തില്‍ വച്ചാലും സ്വാദിഷ്ട്ടമായ ഒന്നാണ്.
ചോറിനൊപ്പവും പത്തിരിക്കൊപ്പവുമൊക്കെ കഴിക്കാന്‍ പറ്റിയ ഒരു കല്ലുമ്മക്കായ വിഭവമാണിത് ഇത്തവണ. കല്ലുമ്മക്കായ ഫ്രൈ ഇതെങ്ങിനെ തയ്യറാക്കാമെന്നു നോക്കാം
ഇതിനാവശ്യമുള്ള ചേരുവകള്‍
വൃത്തിയാക്കിയ കല്ലുമ്മക്കായ-500 ഗ്രാം
മുളക് പൊടി-3 ടീ സ്പൂണ്‍
മഞ്ഞള്‍പ്പൊടി-കാല്‍ ടീ സ്പൂണ്‍
കുരുമുളക് പൊടി-1 ടീ സ്പൂണ്‍
ഉപ്പ് -ആവശ്യത്തിന്
വെളിച്ചെണ്ണ-ആവശ്യത്തിന്
ഇഞ്ചി-1 കഷണം
പെരുംജീരകം -കാല്‍ ടീ സ്പൂണ്‍
വെളുത്തുള്ളി35 -അല്ലി
ചുവന്നുള്ളി – പത്തെണ്ണം
കറിവേപ്പില-1ചെറിയ തണ്ട്
ഒരു സ്പൂണ്‍ ചെറുനാരങ്ങ നീര്
തയ്യാറാക്കുന്ന വിധം:
കല്ലുമ്മക്കായ വാങ്ങിയ ശേഷം നന്നായി കഴുകി അതിന്റെ പുറത്തുള്ള അഴുക്ക് എല്ലാം കളയണം …ശേഷം മുളക് പൊടി , മഞ്ഞള്‍പ്പൊടി, കുരുമുളക് പൊടി, ഉപ്പ്, ഇഞ്ചി വെളുത്തുള്ളി അരച്ചത്‌ കുറച്ചു .. നാരങ്ങാനീര് , ഇവ ചേര്‍ത്ത് അര മണിക്കൂര്‍ നന്നായി കുഴച്ച് വയ്ക്കുക … (മസാല നന്നായിട്ട് പിടിക്കാന്‍ വേണ്ടിയാണ് ഇങ്ങിനെ ചെയ്യുന്നത് ) ശേഷം അല്പം വെള്ളം ഒഴിച്ച് വേവിക്കുക ഇനി ഒരു ചട്ടിയില്‍ വെളിച്ചെണ്ണ ഒഴിച്ച് നന്നായി ചൂടാകുമ്പോള്‍ മുറിച്ചിട്ട കറിവേപ്പില ,, കുറച്ചു വെളുത്തുള്ളി ചതച്ചത് …ചുവന്നുള്ളി ചതച്ചത് എന്നിവയിട്ട് വഴറ്റുക ശേഷം വേവിച്ചു വച്ചിരിക്കുന്ന കല്ലുമ്മക്കായ ഇതിലേയ്ക്ക് ചേര്‍ക്കുക നന്നായി വെള്ളം വറ്റിച്ചു ഫ്രൈ ചെയ്തു എടുക്കുക കല്ലുമ്മക്കായ ഫ്രൈ റെഡി
ഇതെലാവരും വീട്ടില്‍ ഉണ്ടാക്കി നോക്കണം വളരെ എളുപ്പത്തില്‍ തയ്യാറാക്കാവുന്ന ഒന്നാണിത്…. നിറയെ കാത്സ്യം അടങ്ങിയതുമാണ് …. എള്ള് തേയ്മാനം ഒക്കെ ഉള്ളവര്‍ക്ക് അസ്ഥിയുടെ ആരോഗ്യത്തിനും ഒക്കെ ഇത് വളരെ നല്ലതുമാണ്… മറ്റൊരു പാചകക്കുറിപ്പുമായി വീണ്ടും വരാം
ഈ പോസ്റ്റ്‌ ഇഷ്ടമായെങ്കില്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്യൂ. നിങ്ങള്‍ ഈ പേജ് ഇതുവരെ ലൈക്ക് ചെയ്തില്ലായെങ്കില്‍ ഉടന്‍തന്നെ ലൈക് ചെയ്യൂ. ദിവസവും പുതിയ പോസ്റ്റുകള്‍ നിങ്ങളുടെ ടൈംലൈനില്‍ ലഭിക്കും.
