മുർത്തബക്ക് , ബ്രെഡ് പോക്കറ്റ്

ഈസി ആയി ഉണ്ടാക്കാവുന്ന 2 ടേസ്റ്റി ഇഫ്താർ വിഭവങ്ങൾ

മുർത്തബക്ക് എന്ന അറബിക് വിഭവവും ബ്രെഡ് പോക്കറ്റുമാണ് തയ്യാറാക്കുന്നത്

ഇത് തയ്യാറാക്കുന്നതിനായി കോമൺ ആയ ഒരു ചിക്കൻ ഫില്ലിംഗ് റെഡിയാക്കണം അതിനായി വേണ്ട ചേരുവകൾ

ചിക്കൻ

എണ്ണ

സവാള -രണ്ടെണ്ണം

ക്യാപ്സിക്കം -ഒരു ടേബിൾ സ്പൂൺ

വെളുത്തുള്ളി -അര ടേബിൾ സ്പൂൺ

മല്ലിയില

ഉപ്പ്

കാശ്മീരി ചില്ലി പൗഡർ -കാൽ ടീസ്പൂൺ

മുളകുപൊടി -കാൽ ടീസ്പൂൺ

ഗരം മസാല -കാൽ ടീസ്പൂൺ

തയ്യാറാക്കുന്നവിധം

ആദ്യം ചിക്കൻ കഷണങ്ങൾ മിക്സി ജാറിൽ ഇട്ട് ഒന്ന് ക്രഷ് ചെയ്ത് മാറ്റിവയ്ക്കണം. ഇനി ഒരു പാൻ അടുപ്പിൽ വച്ച് ചൂടാക്കി അതിലേക്ക് എണ്ണ ചേർത്തു കൊടുക്കാം, നന്നായി ചൂടായി വരുമ്പോൾ സവാള ചേർത്ത് നന്നായി വഴറ്റി എടുക്കാം ,ഇതിലേക്ക് ക്യാപ്സിക്കം, വെളുത്തുള്ളി, കറിവേപ്പില എന്നിവ ചേർത്ത് ഒന്നുകൂടി നന്നായി വഴറ്റണം ,ശേഷം ചിക്കൻ കഷണങ്ങൾ ചേർത്തു കൊടുക്കാം ,ഇത് നന്നായി മിക്സ് ചെയ്തു കൊടുക്കണം, ഇനി മുളകുപൊടി, മഞ്ഞൾപ്പൊടി, ഗരംമസാലപ്പൊടി എന്നിവ ചേർത്ത് നന്നായി മിക്സ് ചെയ്ത് ഒന്നുകൂടെ വേവിക്കാം
ശേഷം ഫ്ലെയിം ഓഫ് ചെയ്യാം.

മുർത്തബാക്ക് നുള്ള ചേരുവകൾ

മൈദ -രണ്ട് കപ്പ്

ഉപ്പ്

ചെറു ചൂട് വെള്ളം

എണ്ണ

ഫില്ലിംഗ് തയ്യാറാക്കാൻ

കോമൺ ചിക്കൻ ഫില്ലിംഗ്

മുട്ട -രണ്ട്

ചില്ലി ഫ്ലേക്ക്സ്

ഉപ്പ്

സവാള ,തക്കാളി ,ക്യാപ്സിക്കം കറിവേപ്പിലഎന്നിവ നന്നായി ചോപ് ചെയ്തത്

തയ്യാറാക്കുന്ന വിധം

ഒരു ബൗളിലേക്ക് മൈദ ചേർത്ത് കൊടുത്തു ആവശ്യത്തിന് ഉപ്പും, എണ്ണയും, വെള്ളവും ചേർത്ത് നന്നായി കുഴച്ച് എടുത്തതിനുശേഷം മാറ്റിവയ്ക്കാം.മറ്റൊരു ബൗളിലേക്ക് രണ്ടു മുട്ട ചേർത്ത് കൊടുക്കാം, ഇതിലേക്ക് ഉപ്പും, ചില്ലി flakes ഉം ചേർത്ത് നന്നായി മിക്സ് ചെയ്യണം, ശേഷം ചെറുതായി അരിഞ്ഞ സവാളയും, തക്കാളിയും ക്യാപ്സിക്കവും , കറിവേപ്പിലയും ചേർത്ത് ഒന്നുകൂടി മിക്സ് ചെയ്യാം ഇതിലേക്ക് നേരത്തെ തയ്യാറാക്കി വച്ചിരിക്കുന്ന ചിക്കൻ മിക്സ് പകുതി ചേർത്ത് കൊടുക്കണം വീണ്ടും നല്ലതുപോലെ മിക്സ് ചെയ്യാം. മാറ്റി വച്ചിരിക്കുന്ന മൈദയിൽ നിന്നും കുറച്ച് എടുത്തു നല്ലതുപോലെ പരത്തി എടുക്കാം ഇതിനു നടുവിലായി മുട്ട മിക്സ് വെച്ചു കൊടുക്കണം ,ശേഷം നാലു വശത്തുനിന്നും സ്ക്വയർ ഷേപ്പിൽ മടക്കി എടുക്കാം എല്ലാം ഇതുപോലെ തയ്യാറാക്കിയതിനുശേഷം പാനിൽ അൽപം എണ്ണ പുരട്ടി ഇതെല്ലാം ചുട്ടെടുക്കാം.

അടുത്തതായി ബ്രഡ് പോക്കറ്റ് തയ്യാറാക്കാം ഇതിനു വേണ്ട ചേരുവകൾ

ബ്രഡ് സ്ലൈസ് -ആറെണ്ണം

ബ്രഡ് ക്രംബ്സ്

മുട്ട -രണ്ടെണ്ണം

ഉപ്പ്

വെള്ളം

ചില്ലി flakes

ക്യാരറ്റ്

ക്യാപ്സിക്കം

സവാള

ക്യാബേജ്

മയോണൈസ്

കോമൺ ചിക്കൻ ഫില്ലിംഗ്

തയ്യാറാക്കുന്ന വിധം

ബ്രഡ് എടുത്ത് സൈഡ് കട്ട് ചെയ്ത് മാറ്റണം, കട്ട് ചെയ്ത് മാറ്റിയ ബ്രൗൺ ഭാഗം മിക്സിയിലടിച്ച് ബ്രഡ് crumbs ആക്കി മാറ്റി വെക്കാം. ഒരു ബൗളിൽ മുട്ട ചേർത്ത് കൊടുത്തു അതിലേക്ക് ഉപ്പും. ചില്ലി flakes ഉം ചേർത്ത് നന്നായി മിക്സ് ചെയ്യണം, ഇതിലേക്ക് കുറച്ചു വെള്ളം കൂടി ചേർത്ത് മിക്സ് ചെയ്യാം, സൈഡ് കട്ട് ചെയ്ത ചെയ്ത ബ്രെഡ് രണ്ടെണ്ണം എടുത്ത് ഒരുപോലെ വെച്ചതിനുശേഷം മുട്ട മിക്സിയിൽ നന്നായി ഒന്ന് മുക്കി എടുക്കണം ശേഷം ബ്ലഡ് crumbs കോട്ട് ചെയ്ത് എടുക്കാം, എല്ലാ ബ്രെഡും ഇതുപോലെ തയ്യാറാക്കി ഫ്രീസറിൽ സൂക്ഷിക്കാം കുറച്ചുസമയം കഴിഞ്ഞ് എടുത്ത് എണ്ണയിൽ ഇട്ട് നന്നായി ഫ്രൈ ചെയ്തെടുക്കണം ശേഷം നടുഭാഗം കട്ട് ചെയ്യാം,
നേരത്തെ തയ്യാറാക്കി വച്ചിരിക്കുന്ന ചിക്കൻ മിക്സി ലേക്ക് ചെറുതായരിഞ്ഞ ക്യാരറ്റ്, ക്യാബേജ്, ക്യാപ്സികം കറിവേപ്പില ഇവയെല്ലാം ചേർത്തു കൊടുത്തു, ഒപ്പം മയോണൈസ് കൂടെ ചേർത്ത് നന്നായി മിക്സ് ചെയ്യണം കട്ട് ചെയ്തു വച്ചിരിക്കുന്ന ബ്രഡ് പോക്കറ്റിനകത്തേക്ക് ഈ മിക്സ് നിറച്ചു കൊടുക്കാം.

വിശദമായ റെസിപ്പിക്കായി ഈ വീഡിയോ മുഴുവൻ കാണുക ,ഡെയിലി അപ്പ്‌ഡേറ്റ്സ് കിട്ടാൻ ഈ പേജ് ഫോളോ ചെയ്യുക, ഈ റെസിപ്പി ഇഷ്ടമായിട്ടുണ്ടെങ്കിൽ , ഫ്രണ്ട്സിനും,ഫാമിലിക്കും ഷെയർ ചെയ്തു കൊടുക്കുക ഒപ്പം ഇതുപോലുള്ള വിഡിയോകൾക്കായി ഈ ചാനൽ സബ്സ്ക്രൈബ് ചെയ്യുക Ayesha’s Kitchen