Advertisement
ചേരുവകള്‍
മൈദ- രണ്ട് കപ്പ്
മുട്ട- രണ്ടെണ്ണം
ഉപ്പ്- ഒരു നുള്ള്
ജിലേബി കളര്‍- ഒരു നുള്ള്
പഞ്ചസാര- അര കപ്പ്
ഏലക്ക പൊടിച്ചത്- മൂന്നെണ്ണം
എണ്ണ- വറുക്കാന്‍ ആവശ്യത്തിന്
പാകം ചെയ്യുന്ന വിധം:
മുട്ട പതപ്പിച്ച് മൈദയും ഉപ്പും അല്‍പം ജിലേബി കളറും കുറച്ചു വെള്ളവും ചേര്‍ത്ത് ചപ്പാത്തിക്ക് കുഴക്കുന്നതു പോലെ മയത്തില്‍ കുഴക്കുക. ചപ്പാത്തിയുടെ കണക്കില്‍ ഉരുളകളാക്കിയതിനു ശേഷം പരത്തുക. അത് മടക്കിയതിനു ശേഷം രണ്ടായി മുറിക്കുക. പിന്നീട് അതിന്‍െറ മുകള്‍ഭാഗത്തായി കത്തി കൊണ്ട് വരഞ്ഞതിനു ശേഷം എണ്ണയില്‍ പൊരിച്ചെടുക്കുക. പഞ്ചസാര കുറച്ചു വെള്ളമൊഴിച്ച് പാനിയാക്കി നൂല്‍പരുവത്തില്‍ ഏലക്കാപൊടിയും ചേര്‍ത്ത് മടക്കിനു മുകളിലായി ഒഴിക്കാം. അല്ലെങ്കില്‍ പഞ്ചസാരയും ഏലക്കയും മിക്സിയില്‍ പൊടിച്ചെടുത്ത് എണ്ണയില്‍ നിന്നും മടക്കി കോരി വെക്കുമ്പോള്‍ അതിനു മുകളിലായി വിതറാം.
