എഗ്ഗ് ഫ്രൈഡ് റൈസ് വളരെ കുറച്ച് ചേരുവകൾ ചേർത്ത് ടേസ്റ്റി ആയിട്ട് ഉണ്ടാക്കാം

എഗ്ഗ് ഫ്രൈഡ് റൈസ് വളരെ കുറച്ച് ചേരുവകൾ ചേർത്ത് ടേസ്റ്റി ആയിട്ട് ഉണ്ടാക്കാം. കുട്ടികൾക്ക് സ്കൂളിൽ കൊടുത്ത് വിടാൻ വളരെ നല്ലതാണ്. പച്ചക്കറികൾ കഴിക്കാൻ മടിയുള്ള കുട്ടികൾ ആണെങ്കിൽ അവർക് ഇത് പോലെ തയ്യാറാക്കി കൊടുത്താൽ വളരെ ഇഷ്ടപ്പെടും. എങ്ങനെ ആണ് തയ്യാറാക്കുന്നത് എന്ന് നോക്കാം.
ബസ്മതി റൈസ് ആണ് വേണ്ടത്. നീളത്തിൽ ഉള്ള അരി ആണ് ബസ്മതി റൈസ്. 1 കപ്പ് ആണ് എടുത്തത്. നന്നായി കഴുകി എടുത്ത് വെള്ളത്തിൽ ഒരു 30 മിൻ എങ്കിലും കുതിർത്ത് വെക്കണം. അതിനു ശേഷം ഒരു പാൻ സ്റ്റൗ വെച്ച് അതിലേക്ക് 4 കപ്പ് വെള്ളം ഒഴിച്ച് കൊടുക്കണം. അതിലേക്ക് ഉപ്പും ,1 tbsp എണ്ണ ഒഴിച്ച് നന്നായി തിളച്ചു വരണം. അരിയിലെ വെള്ളം കളഞ്ഞ് തിളച്ച വെള്ളത്തിലേക്ക് ഇട്ടു കൊടുക്കാം. 80% മാത്രമേ ചോറ് വെന്തു വരാൻ പാടുള്ളൂ. വെന്തതിനു ശേഷം ഇത് ഒരു അരിപ്പ യിലേക്ക് മാറ്റാം.

വെള്ളം പോയ ഉടനെ തന്നെ 1 പ്ലേറ്റിൽ ഇട്ടു പരത്തി വെക്കാം. കൂടുതൽ ചോറ് വെന്തു പോകാതിരിക്കാൻ വേണ്ടി ആണ് ഇങ്ങനെ ചെയ്യുന്നത്. അതിനു ശേഷം ഒരു കാടായി എടുത്ത് അതിലേക്ക് എണ്ണ ഒഴിച്ച് ചൂടാക്കുക അതിലേക്ക് 2 മുട്ട ഉടച്ചു ഒഴിക്കുക. അതൊന്നു ചിക്കി എടുക്കാം. എണ്ണ ഒഴിച്ച് ചൂടാക്കുക അതിലേക്ക് 2 വെളുത്തുള്ളി ചെറുതായി അരിഞ്ഞത് മൂപ്പിക്കണം. അതിലേക്ക് മുക്കാല് സവോള അരിഞ്ഞത് ,1 പച്ചമുളക് ഇവ ചേർത്തു വഴററുക. കാരററ് നീളത്തിൽ അരിഞ്ഞത്, ക്യാബേജ് , ബീൻസ് എന്നിവ ചേർത്ത് വഴറ്റുക. കുറച്ച് ഉപ്പും ,1 /2 tsp കുരുമുളക് പൊടിച്ചത് ചേക്കുക. 1 tbsp സോയ സോസ് കൂടി ചേർത്ത് ഇളക്കി യോജിപ്പിക്കുക. വറുത്ത് വച്ച മുട്ട ചെക്കുക. ഇതൊക്കെ ചെയ്യുമ്പോൾ തീ കുറച്ച് വെച്ച് മാത്രമേ ചെയ്യാൻ പാടുള്ളൂ. പച്ചക്കറികൾ ഒരുപാട് വെന്തു പോകാൻ പാടില്ല. ഇനി ചോറ് ചേർക്കാം. ചേർത്ത് ഉടനെ 1 സെക്കൻഡ് തീ കൂട്ടി വെച്ച് ഇളക്കി യോജിപ്പിക്കുക. ഫ്രൈഡ് റൈസ് റെഡി ആയിട്ടുണ്ട്. എല്ലാവരും ഇതുപോലെ ചെയ്തു നോക്കൂ. തീർച്ചയായും നിങ്ങൾക്ക് ഇഷ്ടപ്പെടും.

ഇത് കുട്ടികൾ മുതൽ മുതിർന്നവർ വരെയുള്ള എല്ലാവർക്കും വളരെയധികം ഇഷ്ടമാകും. തയ്യാറാക്കുന്നത് എങ്ങനെയെന്നു താഴെ കൊടുത്തിരിക്കുന്ന വീഡിയോയില്‍ വിശദമായി കാണിച്ചു തരുന്നുണ്ട്. വീഡിയോ നോക്കി അതുപോലെ നിങ്ങളും എഗ്ഗ് ഫ്രൈഡ് റൈസ് ഉണ്ടാക്കി നോക്കൂ. മറ്റുള്ളവര്‍ക്കു കൂടി ഈ പോസ്റ്റ്‌ എത്തിച്ചു കൊടുക്കാൻ മറക്കരുത്. ഇതുപോലുള്ള വ്യത്യസ്തമായ രുചിക്കൂട്ടുകളും കിച്ചൺ ടിപ്സുകളും ദിവസവും നിങ്ങളുടെ ഫേസ്ബുക്കിൽ ലഭിക്കുന്നതിന്, തട്ടുകട ഫെയിസ്ബുക്ക് പേജ് ഫോള്ളോ ചെയ്ത ശേഷം Following എന്ന ബട്ടണിൽ ക്ലിക്ക് ചെയ്ത് See First എന്നതും സെലക്ട് ചെയ്യുക. കൂടുതല്‍ വീഡിയോകള്‍ക്കായി The Malabari Foodgasm ചാനല്‍ Subscribe ചെയ്യാനും ബെൽ ഐക്കൺ ക്ലിക്ക് ചെയ്തു നോട്ടിഫിക്കേഷൻ ഇനേബിൾ ചെയ്യാനും മറക്കരുത്.