ചെമ്മീൻ കിഴി ബിരിയാണി വാട്ടിയ വാഴയിലയിൽ സ്നേഹം ചേർത്ത് പൊതിഞ്ഞ ഭക്ഷണത്തെ വെല്ലാൻ മറ്റെന്തുണ്ട് ? അത് ചെമ്മീൻ ബിരിയാണി കൂടി ആകുമ്പോൾ ഒന്നും പറയാനില്ല,ആവി പറക്കുന്ന നല്ല സ്വാദിഷ്ഠമായ ചെമ്മീൻ കിഴി ബിരിയാണി തയ്യാറാക്കാം.
ചേരുവകൾ
ചെമ്മീൻ മാരിനേറ്റ് ചെയ്യാൻ
ചെമ്മീൻ – 600 ഗ്രാം
ഇഞ്ചി വെളുത്തുള്ളി പേസ്റ്റ് – 1/2 ടീസ്പൂൺ
മുളകുപൊടി – 3/4 ടീസ്പൂൺ
മഞ്ഞൾപ്പൊടി – 1/2 ടീസ്പൂൺ
മല്ലിപ്പൊടി – 1/4 ടീസ്പൂൺ
കുരുമുളകുപൊടി – 1/2 ടീസ്പൂൺ
ഗരംമസാല പൊടി-1/2 ടീസ്പൂൺ
നാരങ്ങാനീര് – 1 ടീസ്പൂൺ
ഉപ്പ് ആവശ്യത്തിന്
(എല്ലാ ചേരുവകളും ചെമ്മീനിൽ തേച്ചുപിടിപ്പിച്ച് 10 മിനിറ്റ് മാരിനേറ്റ് ചെയ്തു വെക്കുക)
മസാല തയ്യാറാക്കാൻ
ഇഞ്ചി വെളുത്തുള്ളി പേസ്റ്റ് – 1 ടീസ്പൂൺ
പച്ചമുളക് ചതച്ചത് – 6 എണ്ണം
സവാള നീളത്തിലരിഞ്ഞത് – 2 എണ്ണം
തക്കാളി – 1 എണ്ണം
മല്ലിയില അരിഞ്ഞത് – 2 ടേബിൾസ്പൂൺ
പുതിനയില അരിഞ്ഞത് – 2 ടേബിൾസ്പൂൺ
മുളകുപൊടി – 1/2 ടേബിൾസ്പൂൺ ടീസ്പൂൺ
മഞ്ഞൾപൊടി-1/4 ടേബിൾസ്പൂൺ
മല്ലിപ്പൊടി – 1/2 ടേബിൾസ്പൂൺ
ഗരംമസാലപ്പൊടി – 1/4 ടേബിൾസ്പൂൺ
കുരുമുളകുപൊടി – 1/2 ടേബിൾസ്പൂൺ
നാരങ്ങാനീര് – 2 ടേബിൾസ്പൂൺ
വെളിച്ചെണ്ണ – 3½ ടേബിൾസ്പൂൺ
നെയ്യ് – 1½ ടേബിൾസ്പൂൺ
ഉപ്പ് ആവശ്യത്തിന്
ബിരിയാണി ചോറിന്
ജീരകശാല അരി – 500 ഗ്രാം
നെയ്യ് – 1½ ടേബിൾസ്പൂൺ
ഏലയ്ക്ക – 6 എണ്ണം
ഗ്രാമ്പു – 6 എണ്ണം
കറുവപ്പട്ട ഒരു ഇഞ്ച് നീളത്തിൽ – 1 കഷണം
പെരുംജീരകം – 1/2 ടീസ്പൂൺ
ബേ ലീവ് – 2 എണ്ണം
കുരുമുളക് – 1/2 ടീസ്പൂൺ
ഉപ്പ് ആവശ്യത്തിന്
വെള്ളം ആവശ്യത്തിന്
കിഴി കെട്ടാൻ
വാഴയില – 1 എണ്ണം
വറുത്ത സവാള – 2 ടേബിൾസ്പൂൺ
അണ്ടിപ്പരിപ്പ് – 6 എണ്ണം
കിസ്മിസ് – 6 എണ്ണം
പുതിനയില അരിഞ്ഞത് – 1 ടേബിൾസ്പൂൺ
മല്ലിയില അരിഞ്ഞത് – 1 ടേബിൾസ്പൂൺ
അല്പം നെയ്യ്
തയ്യാറാക്കുന്ന വിധം
ചൂടായ എണ്ണയിലേക്ക് മാരിനേറ്റ് ചെയ്ത ചെമ്മീൻ ഇട്ട് ചെറുതായി വറുത്തുകോരി മാറ്റിയ, ശേഷം ഇഞ്ചി വെളുത്തുള്ളി പേസ്റ്റ് , ചതച്ച പച്ചമുളക്, സവാള എന്നിവ വഴറ്റി,മസാലപ്പൊടികൾ ചേർത്ത് മൂപ്പിച്ച് തക്കാളിയും പുതിനയിലയും മല്ലിയിലയും കൂടി ചേർത്ത് വഴറ്റി അതിലേക്ക് വറുത്തുമാറ്റിയ ചെമ്മീനും നാരങ്ങനീരും ചേർത്ത് നല്ലതുപോലെ ഇളക്കി മസാല തയ്യാറാക്കുക.
ഒരു പാനിൽ നെയ്യ് ചേർത്ത് സ്പൈസസ് മൂപ്പിച്ച അരി ചേർത്ത് വറുത്തെടുത്ത ശേഷം ആവശ്യത്തിന് വെള്ളവും ചേർത്ത് അരി വേവിച്ച് എടുക്കുക.
വാട്ടിയ വാഴയിലയിലേക്ക് ബിരിയാണി ചോറും ചെമ്മീൻ മസാലയും ലയർ ചെയ്ത മുകളിൽ പുതിനയില അരിഞ്ഞത്, മല്ലിയില അരിഞ്ഞത്, വറുത്ത സവാള, കിസ്മിസ്, കശുവണ്ടി അല്പം നെയ്യ് എന്നിവ ചേർത്ത് കിഴി കെട്ടിയശേഷം 10 മുതൽ 12 മിനിറ്റ് വരെ ആവിയിൽ വെക്കുക.സ്വാദിഷ്ടമായ ചെമ്മീൻ കിഴി ബിരിയാണി റെഡി.
വിശദമായി മനസ്സിലാക്കുന്നതിനു താഴെ കൊടുത്തിരിക്കുന്ന വീഡിയോ കാണൂ. വീഡിയോ ഇഷ്ടമായാല് നിങ്ങളുടെ കൂട്ടുകാര്ക്കു കൂടി ഈ പോസ്റ്റ് എത്തിച്ചു കൊടുക്കാൻ മറക്കരുത്, അവര്ക്ക് ഇഷ്ടപ്പെട്ടേക്കാം. വ്യത്യസ്തങ്ങളും ഉപകാരപ്രദവും ആയ നല്ല നല്ല പോസ്റ്റുകള് ദിവസവും നിങ്ങളുടെ ടൈംലൈനില് ലഭിക്കുന്നതിനു ഞങ്ങളുടെ ഫെയിസ്ബുക്ക് പേജ് ഫോള്ളോ ചെയ്ത ശേഷം Following എന്ന ബട്ടണിൽ ക്ലിക്ക് ചെയ്ത് See First എന്നതും സെലക്ട് ചെയ്യുക. കൂടുതല് നല്ല വീഡിയോകള്ക്കായി Cooks And Crafts By Indhu ചാനല് Subscribe ചെയ്യൂ.
