രസം എല്ലാവര്ക്കും നല്ല ഇഷ്ട്ടമാണ് പക്ഷെ ഇതുണ്ടാക്കേണ്ടത് എങ്ങിനെയാണെന്ന് പലര്‍ക്കും അറിയില്ല …നമുക്ക് നോക്കാം എങ്ങിനെയാണ് രസം നല്ല രസത്തില്‍ ഉണ്ടാക്കേണ്ടത് എന്ന്
ഇതിനാവശ്യമുള്ള സാധനങ്ങള്‍
തക്കാളി – നാലെണ്ണം ( ഓരോന്നും നാലായി കട്ട് ചെയ്തു എടുത്തത്‌ )
വാളന്‍ പുളി – ഒരു നാരങ്ങ വലുപ്പത്തില്‍
വേപ്പില – രണ്ടു തണ്ട്
വെളുത്തുള്ളി – ആറു അല്ലി ചതച്ചത്
കുരുമുളക് – ഒന്നര ടിസ്പൂണ്‍
മല്ലിയില – ഒരു പിടി
കായം – ഒരു നുള്ള്
മഞ്ഞപ്പൊടി – അല്പം
മുളക് പൊടി – ഒരു ടിസ്പൂണ്‍
മുഴുവന്‍ മല്ലി – ഒരു പിടി
ജീരകം – അര ടിസ്പൂണ്‍
ഉലുവ പൊടി -ഒരു നുള്ള്
പച്ചമുളക് – രണ്ടെണ്ണം
ഉണക്കമുളക് – മൂന്നെണ്ണം
കടുക് – ഒരു ടിസ്പൂണ്‍

ഇതുണ്ടാക്കേണ്ട വിധം

ആദ്യം തന്നെ കുരുമുളക് , മല്ലി ,മുളക് പൊടി ,ജീരകം ,ഇതെല്ലാം കൂടി നന്നായി പൊടിച്ചു എടുക്കണം
എന്നിട്ട് ഒരു ചുവടു കട്ടിയുള്ള പാത്രം അടുപ്പത് വച്ച് മൂന്നാല് കപ്പു വെള്ളം ഒഴിച്ചിട്ടു തക്കാളിയും പുളിയും പൊടിച്ചു എടുത്ത പൊടികളും ഇട്ടു നന്നായി വേവിച്ചു എടുക്കണം.അതിനുശേഷം ഈ തക്കാളി നന്നായി ഉടച്ചു ചേര്‍ക്കണം എന്നിട്ട് ഈ വെള്ളം അരിച്ചു എടുക്കണം ..ഈ വെള്ളം ആണ് രസം ഉണ്ടാക്കാന്‍ ആയിട്ട് നമ്മള്‍ ഉപയോഗിക്കുന്നത്. ( വെള്ളം കൂടുതല്‍ എടുക്കാം എന്നിട്ട് ഇത് ചെറിയ നന്നായി തിളച്ചു കഴിയുമ്പോള്‍ ചെറിയ തീയില്‍ ഇട്ടു തിളപ്പിച്ച്‌ ആവശ്യത്തിനു വെള്ളം ആകുന്നവരെ തിളപ്പിക്കണം )

അടുതതായിട്ടു ഒരു ചീനച്ചട്ടി അടുപ്പത് വച്ച് വെളിച്ചെണ്ണ രണ്ടോ മൂന്നോ ടിസ്പൂണ്‍ ഒഴിക്കണം നന്നായി ചൂടാകുമ്പോള്‍ കടുക് പൊട്ടിക്കണം ..അതിനുശേഷം ഉണക്കമുളക് മുറിച്ചു ഇടണം ..ഇത് മൂത്ത ശേഷം ഇതിലേയ്ക്ക് വെളുത്തുള്ളി ചതച്ചതും കറിവേപ്പിലയും ഇടുക..ഇതൊന്നു മൂപ്പിക്കണം .അതിനുശേഷം ,പച്ചമുളക് അരിഞ്ഞതും കൂടി ചേര്‍ക്കണം ..ഇതൊന്നു വഴറ്റിയ ശേഷം മഞ്ഞപ്പൊടി ചേര്‍ക്കാം ..ഇനി ഉലുവ പൊടി ചേര്‍ക്കാം ..ഇതൊന്നു മൂത്ത് കഴിയുമ്പോള്‍ ഇതിലേയ്ക്ക് നമ്മള്‍ അരിച്ചു എടുത്തു വച്ചിരിക്കുന്ന വെള്ളം ചേര്‍ക്കണം എന്നിട്ട് ഇതൊന്നു നന്നായി തിളപ്പിക്കണം ..അതിനുശേഷം ഇതിലേയ്ക്ക് മല്ലിയിലയും ചേര്‍ക്കണം …ആവശ്യത്തിനു ഉപ്പും ചേര്‍ത്ത് ഇളക്കണം ..ഇനി ഇതിലേയ്ക്ക് ഒരു നുള്ള് കായം കൂടി ചേര്‍ത്ത് നന്നായി തിളപ്പിച്ച്‌ എടുക്കണം …തക്കാളി രസം റെഡി

ഇത് എല്ലാവരും ഉണ്ടാക്കി നോക്കണം വളരെ ഈസിയാണ് ഇതുണ്ടാക്കാന്‍ …ഇഷ്ട്ടമായാല്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്തു നല്‍കൂ. നിങ്ങള്‍ ഈ പേജ് ഇതുവരെ ലൈക്ക് ചെയ്തില്ലായെങ്കില്‍ ഉടന്‍തന്നെ ലൈക് ചെയ്യൂ. ദിവസവും ഇതുപോലുള്ള മികച്ച റെസിപ്പികള്‍ നിങ്ങളുടെ ടൈംലൈനില്‍ ലഭിക്കും

നാടന്‍ മട്ടന്‍ കറി ഉണ്ടാക്കാം