പോര്ക്ക് മിക്കവരുടെയും ഇഷ്ട്ട വിഭവം ആണ് ..ഇത് കൂട്ടാത്തവര്‍ ഒന്ന് കൂട്ടി നോക്കൂ പിന്നെ നിങ്ങള്‍ പോര്‍ക്കിനെ വിടില്ല ….ബീഫിനെ അപേക്ഷിച്ച് ഇതില്‍ കൊഴുപ്പ് കുറവാണെന്നാണ് പറയുന്നേ അതിന്റെ കാരണം ഇതിന്റെ നെയ്യ് കട്ട പിടിക്കാത്തതാണ് ….പോര്ക്ക് ഇഷ്ട്ടപ്പെടുന്നവര്‍ക്കായി ഇന്നൊരു പോര്ക്ക് പിരളന്‍ ഉണ്ടാക്കിയാലോ …ഇതുണ്ടാക്കാന്‍ വല്യ പാടൊന്നും ഇല്ല കേട്ടോ …നമുക്ക് നോക്കാം ഇത് എങ്ങിനെയാണ് ഉണ്ടാക്കുന്നത് എന്ന്..ഇതിനാവശ്യമുള്ള ചേരുവകള്‍
പോര്ക്ക് – 1/2 കിലോ
സവാള – 2 എണ്ണം
ഇഞ്ചി – ചെറിയ കഷണം
വെളുത്തുള്ളി – 12 അല്ലി
പച്ചമുളക് -3 എണ്ണം
ഉള്ളി – പത്തെണ്ണം
വെളിച്ചെണ്ണ – 2 ടേബിള്‍ സ്പൂണ്‍
മഞ്ഞള്‍പ്പൊടി – 1/4 ടീസ്പൂണ്‍
മുളകുപൊടി – 1 ടേബിള്‍ സ്പൂണ്‍
ഗരം മസാല – 1/4 ടീസ്പൂണ്‍
മല്ലിപ്പൊടി – 1/2 ടീസ്പൂണ്‍
കറിവേപ്പില – 2 തണ്ട്
മല്ലിയില – ആവശ്യത്തിന്
ഉപ്പ് – പാകത്തിന്
ഇതുണ്ടാക്കേണ്ട വിധം
ആദ്യം തന്നെ പോര്ക്ക് വെള്ളത്തിലിട്ടു നന്നായി തിളപ്പിച്ച്‌ എടുക്കുക. ഇങ്ങിനെ ചെയ്‌താല്‍ ഇതിലെ കൊഴുപ്പ് എല്ലാം ഉരുകി പോയിക്കൊള്ളും ( പോര്ക്ക് വാങ്ങുമ്പോള്‍ അതിന്റെ ഉള്ളിറച്ചി വേണമെന്ന് പറഞ്ഞു മേടിക്കുക ) പുറം ഇറച്ചി നിറയെ നെയ്യ് ആയിരിക്കും …ചിലര്‍ക്ക് ഈ പുറം ഇറച്ചി ആണ് കൂടുതല്‍ ഇഷ്ട്ടപ്പെടുക …പക്ഷെ ഇത് ഉരുകിതീര്‍ന്നാല്‍ പിന്നെ ഒന്നും ഉണ്ടാകില്ല ഉള്ളിറച്ചി കൂടുതല്‍ വാങ്ങുന്നതാണ് ഇപ്പോഴും നല്ലത് …ചില കടക്കാര്‍ അങ്ങിനെ തരുകയും ഇല്ല കേട്ടോ
അതിനുശേഷം ഇത് ചെറുതാക്കി നുറുക്കി എടുക്കാം ഇതില്‍ നമുക്ക മഞ്ഞള്‍പൊടിയും ,കറിവേപ്പിലയും
ഇഞ്ചിയും ,പച്ചമുളകും ഉപ്പും , കുരുമുളക് പൊടിയും ചേര്‍ത്ത് നന്നായി കുക്കറില്‍ വേവിക്കണം പത്തു പതിനഞ്ചു വിസില്‍ വരുന്നവരെ വേവിക്കാം കാരണം പോര്ക്ക് നല്ല വേവ് ഉള്ളതാണ്
അടുത്തതായി ഒരു ചീനച്ചട്ടിയില്‍ വെളിച്ചെണ്ണ ഒഴിച്ച് സവാളയും …വെളുത്തുള്ളിയും ചതച്ചതും ,, ഉള്ളി ചതച്ചതും ചേര്‍ത്ത് നന്നായി വഴറ്റുക ഇനി ഇതിലേയ്ക്ക് മസാലപൊടിയും ..മല്ലി പൊടിയും ..മുളക് പൊടിയും ചേര്‍ത്ത് വഴറ്റി പച്ചമണം മാറുമ്പോള്‍ ഇതിലേയ്ക്ക് വേവിച്ച പോര്ക്ക് ഇട്ടു ഇളക്കുക ഇനി ഇതില്‍ മല്ലിയില ചേര്‍ത്ത് നന്നായി വഴറ്റി മൂടിവച്ച് കുറച്ചു നേരം കൂടി വേവിക്കാം മസാല എല്ലാം പോര്‍ക്കില്‍ നന്നായി പിടിക്കട്ടെ ..അതിനു ശേഷം ഇറക്കി വയ്ക്കാം
ഈ പോസ്റ്റ്‌ നിങ്ങള്‍ക്ക് ഇഷ്ട്ടമായെങ്കില്‍ ഇത് ഷെയര്‍ ചെയ്യുക. പുതിയ പോസ്റ്റുക ടൈം ലൈനില്‍ ലഭിക്കാന്‍ ഈ പേജ് ലൈക് ചെയ്യുക
