മധുര പലഹാരങ്ങളില്‍ പേര് കേട്ട ഒന്നാണ് രസഗുള …പേരുപോലെ നല്ല രസമുള്ള ഒന്നാണ് ഇത് …ഷുഗര്‍ ഉള്ളവര്‍ ഒന്നും ഇതിന്റെ എഴയിലത്ത് വന്നേക്കരുത് …വന്നാല്‍ തന്നെ കണ്ടു കൊതി കൊണ്ട് പോയിക്കോ ഇല്ലെങ്കില്‍ പണി കിട്ടും …വളരെ സ്വീറ്റ് ആയിട്ടുള്ള ഒന്നാണ് ഈ രസഗുള ..മധുരം തന്നെയാണ് ഇതിന്റെ ഹൈലെറ്റ്‌ ….ഇത് മലയാളി അല്ല ഒരു ബംഗാളി പലഹാരമാണ് കേട്ടോ … എന്നുവച്ച് ഇതുണ്ടാക്കാനും ബംഗാളി വിളിക്കണ്ട കേട്ടോ.. എന്തായാലും നമ്മള്‍ ഉണ്ടാക്കുന്നത് എല്ലാം നമ്മുടെയാ അല്ല പിന്നെ..അപ്പോള്‍ നമുക്ക് നോക്കാം രസഗുള എങ്ങിനെ ഉണ്ടാക്കാമെന്നു …ഇതിനാവശ്യമായ സാധനങ്ങള്‍ എന്തൊക്കെയാണെന്ന് നമുക്ക് നോക്കാം
ചേരുവകൾ
പാൽ – ഒരു ലിറ്റര്‍
പഞ്ചസാര – അരക്കിലോ
ഏലക്ക പൊടി – ഒരു ടിസ്പൂണ്‍
വെള്ളം – ഒരു ലിറ്റര്‍
ചെറുനാരങ്ങ നീര് – മൂന്നു ടിസ്പൂണ്‍
ഇനി ഇതുണ്ടാക്കാന്‍ ആദ്യമായി ചെയ്യേണ്ടത്
പാല് അടുപ്പതുവച്ചു കാച്ചുക ..എന്നിട്ട് ഇതിലേയ്ക്ക് നാരങ്ങാനീര് ചെത്ത്‌ ഇളക്കാം അപ്പോള്‍ ഈ പാല് പിരിഞ്ഞു പോകും …പിരിയട്ടെ അതാണ്‌ നമുക്ക് വേണ്ടതും …പറിഞ്ഞു കഴിഞ്ഞ പാലിനെ നമുക്ക് ഒരു തുണിയിലെയ്ക്ക് ഒഴിക്കാം ഇപ്പോള്‍ നമുക്ക് കിട്ടുന്നതിനെ പനീര്‍ എന്ന് പറയും ഇനി ഈ തുനിയോടു കൂടി നന്നായി പിഴിയുക. രണ്ടു പ്രാവശ്യം ഈ തുനിയോടു കൂടി നല്ല വെള്ളത്തില്‍ മുക്കി നന്നായി പിഴിഞ്ഞ് എടുക്കാം. വെള്ളം ഇല്ലാതെ നന്നായി പിഴിഞ്ഞ് എടുക്കണം അതിനു ശേഷം ഈ പനീര്‍ ഒരു മിക്സിയില്‍ ഇട്ടു നന്നായൊന്നു അരച്ച് എടുക്കാം ഇനി ഇതിലേയ്ക്ക് ഏലയ്ക്കാ പൊടിയും ചേര്‍ത്ത് ഇളക്കാം.കൈകൊണ്ടു നന്നായി തിരുമ്മി യോജിപ്പിച്ച ശേഷം ഇത് ചെറിയ ഉരുളകള്‍ ആക്കി ഉരുട്ടാം ( ഒരു ചെറിയ നെല്ലിക്കയുടെ വലുപ്പം മതി ) ഇങ്ങിനെ എല്ലാം ഉരുട്ടി എടുക്കാം
അടുത്തതായി വെള്ളം പഞ്ചസാരയിലെയ്ക്ക്ഒഴിച്ചിട്ടു അടുപ്പത് വച്ച് പഞ്ചസാരപ്പാനി ഉണ്ടാക്കി എടുക്കാം ..ഈ പഞ്ചസാര പാനിയിലെയ്ക്ക് ഉരുട്ടിയെടുത്ത പനീര്‍ ഇടാം ഇനി ഇത് അല്‍പ സമയം ഒന്ന് വേവിച്ചു എടുക്കാം …അതിനു ശേഷം ഇറക്കി വെച്ച് രസഗുള എല്ലാം കോരി മാറ്റാം എന്നിട്ട് പഞ്ചസാര പാനി ചൂടാറി കഴിയുമ്പോള്‍ രസഗുലയുടെ മുകളിലേയ്ക്ക് ഒഴിച്ച് കൊടുക്കാം
നല്ല രസമുള്ള രസഗുള തയ്യാര്‍
ഇത് വളരെ എളുപ്പമാണ് ഉണ്ടാക്കാന്‍ എല്ലാവരും ഉണ്ടാക്കി നോക്കുക എല്ലാവര്‍ക്കും ഇഷ്ട്ടപ്പെടും.
ഈ റസിപ്പി നിങ്ങള്‍ക്ക് ഇഷ്ട്ടമായെങ്കില്‍ ഷെയര്‍ ചെയ്യുക
