ഹായ് കൂട്ടുകാരെ ഇന്ന് കുട്ടികള്‍ക്ക് ഏറെ ഇഷ്ട്ടപ്പെടുന്ന ഒന്നായിട്ടാണ് ഞാന്‍ വന്നിരിക്കുന്നത് …കുട്ടികള്‍ക്ക് ഏറെ ഇഷ്ട്ടം എന്താണെന്ന് ചോദിച്ചാല്‍ എല്ലാ കുട്ടികളും പറയുക ചോക്ലേറ്റ് എന്നാകും …മറ്റെന്തു കിട്ടിയാലും ചോക്ലേറ്റ് കിട്ടുന്ന സന്തോഷം ഉണ്ടാകില്ല അവര്‍ക്ക് .ചോക്ലേറ്റ് കൊടുത്താല്‍ പകരം നമുക്ക് ഒരു ഉമ്മ കിട്ടിയിരിക്കും …നമ്മള്‍ ചോക്ലേറ്റ് വാങ്ങാത്ത ഒരു ദിവസം പോലും ഉണ്ടാകില്ല. കുട്ടികള്‍ ഒക്കെ ഉള്ള വീടുകളില്‍ ഇത് സ്റ്റോക്ക് ഉണ്ടാകും . ഈ ചോക്ലേറ്റ് നമുക്ക് ഉണ്ടാക്കാന്‍ കഴിയുന്നതാണെന്ന് അറിയാമോ ? വളരെ എളുപ്പത്തില്‍ ഒരു ബുദ്ധിമുട്ടും ഇല്ലാതെ ഉണ്ടാക്കാന്‍ കഴിയുന്ന ഒന്നാണ് ചോക്ലേറ്റ് …കടകളില്‍ നിന്നും വാങ്ങുന്ന ചോക്ലേറ്റിന്റെ അതെ സ്വാദില്‍ നമുക്കിത് ഉണ്ടാക്കാം …ഇതിനാവശ്യമുള്ള സാധനങ്ങള്‍ എന്തൊക്കെയാണെന്ന് നോക്കാം
ചേരുവകള്‍
പഞ്ചസാര – 1 കപ്പ്
പാല്‍പ്പൊടി – 1 കപ്പ്
വെള്ളം – 1/2 കപ്പ്
കൊക്കോ പൗഡര്‍ – 8 ടീസ്പൂണ്‍
നെയ്യ് – 2 ടീസ്പൂണ്‍
കാഷ്യൂനട്‌സ് – 1/2 കപ്പ് ( ഇത് തരിയായി പൊടിച്ചു എടുക്കാം )
ഇത് തയ്യാറാക്കേണ്ട വിധം പറയാം
ആദ്യം തന്നെ നമുക്ക് പാല്‍പ്പൊടിയും കൊക്കോ പൗഡറും കൂടി നന്നായി യോജിപ്പിക്കാം…അതിനു ശേഷം ഇതൊന്നു അരിച്ചെടുക്കാം കട്ടകള്‍ ഒന്നും ഇല്ലാതിരിക്കാനാണ് …അതിനു ശേഷം ഒരു പാത്രത്തില്‍ വെള്ളം ചൂടാക്കിയ ശേഷം അതിലേയ്ക്ക് പഞ്ചസാര ചേര്‍ത്ത് നല്ലപോലെ ഇളക്കി ഇത് നൂല്‍ പരുവം ആകുന്നതു വരെ ഇളക്കി പാനിയാക്കാം …അതിനു ശേഷം തീ ഓഫ് ചെയ്തിട്ട് ഇതിലേയ്ക്ക് നെയ്യ് ചേര്‍ക്കാം
ഒന്ന് ഇളക്കിയിട്ട് കാഷ്യൂനട്‌സു ചേര്‍ക്കാം അതിനുശേഷം പാല്‍പ്പൊടി -കൊക്കോ പൗഡര്‍ മിശ്രിതവും ചേര്‍ത്ത് നന്നായി ഇളക്കി യോജിപ്പിക്കാം ( നല്ലപോലെ മിക്സ് ആക്കാന്‍ ശ്രദ്ധിക്കണേ ) അതിനു ശേഷം നമുക്ക് ഇതിനെ ഏകദേശം ഒരിഞ്ചു കനമുള്ള പരന്ന പാത്രത്തില്‍ എണ്ണമയം പുരട്ടിയിട്ട്‌ അതിലേയ്ക്ക് മാറ്റാം. ഇനി ഇത് പകുതി സെറ്റായ ശേഷം ഇഷ്ടമുള്ള രൂപത്തില്‍ നമുക്ക് കട്ട് ചെയ്തു എടുക്കാം ചെറിയ കത്തിയോ എന്തെങ്കിലും ഉപയോഗിച്ച് ചതുരത്തിലോ വട്ടത്തിലോ ഒക്കെ കട്ട് ചെയ്തു എടുക്കാം ( കടകളില്‍ പല ഷേയ്പ്പില്‍ ഉള്ള അച്ചുകള്‍ വാങ്ങാന്‍ കിട്ടും അതുപയോഗിച്ചു കട്ട് ചെയ്തു എടുത്താല്‍ കൂടുതല്‍ മനോഹരം ആകും ) ഇനി ഇത് തണുക്കാന്‍ ആയിട്ട് ഫ്രിഡ്ജില്‍ വയ്ക്കാം ..തണുത്തു കഴിയുമ്പോള്‍ ഉപയോഗിക്കാം
നമ്മുടെ ചോക്ലേറ്റ് റെഡി
ഇത് കുട്ടികള്‍ക്ക് വളരെ ഇഷ്ട്ടപ്പെടുന്നതാണ് ..നമ്മള്‍ ഇത് വീട്ടില്‍ ഉണ്ടാക്കി കൊടുക്കുമ്പോള്‍ കുട്ടികള്‍ക്ക് കൌതുകവും സന്തോഷവും ആകും …ജന്മദിനങ്ങളില്‍ ഒക്കെ ഇതുണ്ടാക്കി സ്പെഷ്യല്‍ ഗിഫ്റ്റ് ആയിട്ട് കുട്ടികള്‍ക്ക് കൊടുക്കാവുന്നതാണ് …തീര്‍ച്ചയായും ഇഷ്ട്ടപ്പെടും
ഈ പോസ്റ്റ്‌ ഇഷ്ടമായെങ്കില്‍ ഒരു കമന്റ്‌ എങ്കിലും എഴുതൂ ചേട്ടന്മാരെ, വെറുതെ അങ്ങ് പോയലെങ്ങിനെ? താഴെ കാണുന്ന ഷെയര്‍ ബട്ടനിലൂടെ നിങ്ങളുടെ കൂട്ടുകാര്‍ക്കും സജ്ജെസ്റ്റ് ചെയ്യൂ !!
