അമ്മിണി കൊഴുക്കട്ട ഉണ്ടാക്കാം

പലഹാരങ്ങള്‍ എല്ലാവര്‍ക്കും ഇഷ്ട്ടപെടുന്നല്ലോ അല്ലെ ? അരി പലഹാരങ്ങള്‍ക്ക് ഒരു പ്രത്യേക സ്വാദ് ആണ് .ആരോഗ്യത്തിനു നല്ലതുമാണ് ..കുട്ടികള്‍ക്കൊക്കെ അരികൊണ്ട് പലഹാരങ്ങള്‍ കൊടുത്തു ശീലിപ്പിക്കണം …ആവിയില്‍ വേവിച്ച പലഹാരങ്ങള്‍ എല്ലാവര്‍ക്കും വളരെ നല്ലതാണ് …ഇന്ന് കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ട്ടപ്പെടുന്ന കൊഴുക്കട്ട ഉണ്ടാക്കാം വെറും കൊഴുക്കട്ട അല്ല അമ്മിണി കൊഴുക്കട്ട ..വളരെ ടേസ്റ്റിയാണിത്‌ …എന്നും ഒരേ രീതിയില്‍ ഉള്ള പലഹാരം എല്ലാവര്‍ക്കും മടുപ്പ് ഉളവാക്കും …കുട്ടികള്‍ക്കൊക്കെ എന്നും വെറൈറ്റി ആണ് ഇഷ്ട്ടം …നമുക്ക് നോക്കാം അമ്മിണി കൊഴുക്കട്ട എങ്ങിനെ ഉണ്ടാക്കാമെന്ന് ഇതിനാവശ്യമുള്ള സാധനങ്ങള്‍

അരിപൊടി ഒരു കപ്പു

വെള്ളം രണ്ടു കപ്പു

എള്ളെണ്ണ 2 ടീസ്പൂണ്‍

ഉപ്പു അവശ്യത്തിനു

മുളക് പൊടി അര ടീസ്പൂണ്‍

കടുക് 1 ടീസ്പൂണ്‍

ഉഴുന്ന് പരിപ്പ് 1 ടീസ്പൂണ്‍

വറ്റല്‍ മുളക് 2 എണ്ണം

കറിവേപ്പില ഒരു പിടി

തേങ്ങ ചിരവിയത് 1 ടേബിള്‍സ്പൂണ്‍

കായം ഒരു നുള്ള്

ഇനി ഇതുണ്ടാക്കുന്ന വിധം പറയാം ആദ്യം തന്നെ ഒരു പാനില്‍ വെള്ളവും ആവശ്യത്തിനു ഉപ്പും ,ഒരു ടിസ്പൂണ്‍ എള്ളെണ്ണയുംചേര്‍ത്ത് ഒന്ന് തിളപ്പിച്ച്‌ എടുക്കണം അതിനു ശേഷം അരിപ്പൊടി കുറേശെയായി ചേര്‍ത്ത് അല്പം ബലമുള്ള ഒരു തവി ഉപയോഗിച്ച് കുഴയ്ക്കുക ( നന്നായി കുഴയണം ) ഇത് അടുപ്പില്‍ നിന്നും ഇറക്കി മുളക് പൊടി കൂടി ചേര്‍ത്ത് വീണ്ടും നന്നായി കുഴയ്ക്കുക …അതിനുശേഷം ഇത് തനുക്കാനായി വയ്ക്കുക …ഇത് നന്നായി തണുത്ത ശേഷം കയ്യില്‍ അല്പം enna തടവി ഈമാവിനെ കൈകൊണ്ടു ഒന്നുകൂടി യോജിപ്പിച്ച് എടുത്ത് ചെറിയ ഉരുളകള്‍ ആക്കുക ( ഒരു ചെറിയ നെല്ലിക്കയുടെ വലുപ്പം മതിയാകും ) എല്ലാം ഇതുപോലെ ഉരുളകള്‍ ആക്കി എടുത്ത ശേഷം ഇത് ഒരു ഇഡിലി തട്ടില്‍ നിരത്തി ആവിയില്‍ വച്ച് വേവിച്ചു എടുക്കുക പത്തു പന്ത്രണ്ടു മിനിറ്റ് വേവിച്ചാല്‍ മതിയാകും കൂടുതല്‍ വേവിച്ചാല്‍ ഇത് ഹാര്‍ഡ് ആയിപ്പോകും

ഇനി അടുത്തതായി ഒരു പാനില്‍ എണ്ണ ഒഴിച്ച് കടുകിട്ട് പൊട്ടിക്കുക ഇതില്‍ ഉഴുന്ന് പരിപ്പും , വറ്റല്‍ മുളകും,കറിവേപ്പിലയും കായപൊടിയും ഇട്ടു മൂപ്പിക്കുക അതിനു ശേഷം വേവിച്ചു വച്ചിരിക്കുന്ന ഉരുളകള്‍ ഇതിലേയ്ക്ക് ചേര്‍ക്കുക ഇതിലേയ്ക്ക് തേങ്ങയും ചേര്‍ക്കുക നന്നായി ഇളക്കി ചേര്‍ത്ത് ഇറക്കി വയ്ക്കാം
ഇനി ചൂടോടു കൂടി ഉപയോഗിക്കാം ( ചെറു ചൂടോട് കൂടി ഇല്ലെങ്കില്‍ വായ പൊള്ളും )

അമ്മിണി കൊഴുക്കട്ട റെഡി

എല്ലാവരും ഉണ്ടാക്കി നോക്കണം ഇത് നല്ല എളുപ്പമാണ് ഉണ്ടാക്കാന്‍ നിങ്ങള്‍ക്ക് തീര്‍ച്ചയായും ഇഷ്ട്ടപ്പെടും

ഈ പോസ്റ്റ്‌ നിങ്ങള്‍ക്ക് ഇഷ്ട്ടപ്പെട്ടെങ്കില്‍ ഷെയര്‍ ചെയ്യുക