നമ്മളെല്ലാവരും ബ്രെഡ് കടകളില്‍ നിന്നും വാങ്ങുകയാണ് ചെയ്യുക. വിശക്കുമ്പോള്‍ പെട്ടന്ന് എടുത്തു കഴിക്കാന്‍ പറ്റുന്ന ഒന്നാണ് ബ്രെഡ് …പനി വരുമ്പോള്‍ ഒക്കെ കഴിക്കാവുന്ന കട്ടി കുറഞ്ഞ ആഹാരം കൂടിയാണ് ഇത് …ബ്രെഡ് ഇഷ്ട്ടമുള്ളവരും അല്ലാത്തവരും ഉണ്ടാകും …ബ്രെഡ് തനിയെ കഴിക്കുന്നതിനേക്കാള്‍ നമുക്കിഷ്ട്ടം അതില്‍ ജാം പുരട്ടി കഴിച്ചാല്‍ കൂടുതല്‍ രുചിയായിരിക്കും .. …ഇന്ന് നമുക്ക് ഈ ബ്രെഡ് വീട്ടില്‍ ഉണ്ടാക്കുന്നത് പഠിക്കാം …ആദ്യം തന്നെ ബ്രെഡ് ഉണ്ടാക്കുന്നത് എങ്ങിനെയാണെന്ന് നോക്കാം ഇതിനാവശ്യമായി വേണ്ടത്
മൈദാ -ഒരു കപ്പ്
ഇൻസ്റ്റെന്റ്‌ യീസ്റ്റ്-1/2 ടേബിൾസ്പൂൺ
പഞ്ചസാര -1 സ്പൂൺ
ഉപ്പ്‌ അൽപം
പാൽപൊടി-2 സ്പൂൺ
മുട്ട -1
ബട്ടര്‍ – 50 ഗ്രാം
വെളളം കുഴക്കാൻ ആവശ്യത്തിന്
ഇതുണ്ടാക്കേണ്ടത് എങ്ങിനെയാണെന്ന് പറയാം
ആദ്യം തന്നെ ഒരു മൈദാ നന്നായി അരിച്ചു എടുക്കാം
യീസ്റ്റ് കുറച്ചു ചൂട് വെള്ളത്തില്‍ കലക്കി വയ്ക്കാം
…എന്നിട്ട് ഒരു പാത്രത്തില്‍ മൈദയും ,പഞ്ചസാരയും അല്പം ഉപ്പും , പാല്‍പൊടിയും ,ചേര്‍ത്ത് നന്നായി മിക്സ് ചെയ്യാം ഇതിലേയ്ക്ക് മുട്ട നന്നായി അടിച്ചു എടുത്തു ചേര്‍ക്കാം …ഇനി കലക്കി വച്ചിരിക്കുന്ന യീസ്റ്റും ചേര്‍ക്കുക ..ഇതിലേയ്ക്ക് കുറേശെ ആയി വെള്ളം ഒഴിച്ച് കുഴച്ചു എടുക്കാം ആവശ്യത്തിനു മാത്രം വെള്ളം ഒഴിച്ച് നന്നായി നല്ല സോഫ്റ്റ്‌ ആകുന്നവരെ കുഴക്കുക… വെള്ളം ഒരുപാട് വേണ്ട ചപ്പാത്തി മാവിന്‍റെ പരുവത്തില്‍ കുഴച്ചു എടുക്കുക ഇത് ഒരു മണിക്കൂര്‍ മാറ്റിവയ്ക്കാം
അപ്പോള്‍ ഇത് മാവ് ഡബിള്‍ ആയിട്ടുണ്ടാകും ഇനി ഇതെടുത്തു ഒന്ന് നീളത്തില്‍ പരത്തിയിട്ട് രണ്ടു സൈഡും ഉള്ളിലേയ്ക്ക് ഉരുട്ടി എടുത്തു റോള്‍ ആക്കുക ഇത് ഒരു ബ്രെഡ് പാനില്‍ മൂന്നാല് മണിക്കൂര്‍ വയ്ക്കുക
ഇപ്പോഴും മാവ് പൊങ്ങിയിട്ടുണ്ടാകും ഇത് ഓവനില്‍ 210 ഡിഗ്രിയിൽ 10,12 മിനുറ്റും 170 ഇൽ 20 മിനുറ്റും ബേക്ക് ചെയ്യുക …ബ്രൌണ്‍ കളര്‍ ആകുമ്പോള്‍ എടുത്തു പുറമേ ബട്ടര്‍ തടവുക
ഇനി ഇത് ആവശ്യം പോലെ മുറിച്ചു എടുക്കാം
നല്ല സോഫ്റ്റ്‌ ബ്രെഡ് റെഡി
ഇനി ഇത് ജാം പുരട്ടിയോ ,ചിക്കന്‍ സ്റ്റ്യൂ ന്‍റെ കൂടെയോ ഒക്കെ കഴിക്കാം
മാവ് കുഴയ്ക്കുമ്പോള്‍ കൂടെ പൈനാപ്പിള്‍ എസന്‍സ് അല്ലങ്കില്‍ നമുക്കിഷ്ട്ടമുള്ള എസന്‍സ് കൂടി ആഡ് ചെയ്‌താല്‍ വിരട്ടി ആയിട്ട് ഉണ്ടാക്കാന്‍ പറ്റും …എല്ലാവരും വീടുകളില്‍ ഇത് ഉണ്ടാക്കി നോക്കുക …വളരെ എളുപ്പമാണ് ഇതുണ്ടാക്കാന്‍ ..തീര്‍ച്ചയായും നിങ്ങള്‍ക്ക് ഇഷ്ട്ടപ്പെടും
ഈ പോസ്റ്റ്‌ ഇഷ്ടമായെങ്കില്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്യൂ. നിങ്ങള്‍ ഈ പേജ് ഇതുവരെ ലൈക്ക് ചെയ്തില്ലായെങ്കില്‍ ഉടന്‍തന്നെ ലൈക് ചെയ്യൂ. ദിവസവും പുതിയ പോസ്റ്റുകള്‍ നിങ്ങളുടെ ടൈംലൈനില്‍ ലഭിക്കും.
