അറിയാത്തവർക്ക് വേണ്ടി.
പാൽ തിളച്ച് പോകാതിരിക്കാൻ പാത്രത്തിന്റെ മുകൾഭാഗം എണ്ണ തേക്കുക.. അല്ലെങ്കിൽ ഒരു മരത്തടിയുടെ സ്പൂൺ ചിത്രത്തിൽ കാണുന്ന പോലെ വെക്കുക.നാരങ്ങ ഓരോന്ന് വീതം ന്യൂസ് പേപ്പറിൽ ചുരുട്ടി എടുത്ത് പ്ലാസ്റ്റിക്ക് കവറിൽ ഒരുമിച്ച് ഇട്ടു നല്ലപോലെ കെട്ടി ഫ്രിഡ്ജിൽ സൂക്ഷിച്ചാൽ കുറച്ചു നാൾ അധികം ഫ്രഷ് ആയിരിക്കും ? ഇ അറിവ് ഉപകാരപ്രദം എന്ന് തോന്നിയാൽ വീഡിയോ ഷെയർ ചെയ്യാം.
Tag: kichen tips
-
പാൽ തിളച്ചു പോകാതിരിക്കാൻ ഏറ്റവും സിമ്പിളായി ചെയ്യാൻ കഴിയുന്ന സിംപിൾ വിദ്യ കാണാം
-
പാചക വാതകം ലാഭിക്കാന് പാചകത്തില് ശ്രദ്ധിക്കേണ്ട കാര്യങ്ങള്
പാചകവാതകം ലാഭിക്കാനുള്ള ഏറ്റവും നല്ല വഴി പാചകം ചെയ്യാന് ഉപയോഗിക്കുന്ന പാത്രത്തില് ശ്രദ്ധിക്കുക എന്നതാണ്. കറികള് വയ്ക്കുമ്പോള് പരമാവധി സ്റ്റീല് പാത്രങ്ങളില് വയ്ക്കാന് ശ്രമിക്കുക. ഇതിന് ഒരു പരിധി വരെ ഇന്ധനത്തെ ലാഭിക്കാന് കഴിയും.
സ്റ്റീല് പാത്രങ്ങളില് പാചകം ചെയ്താല് പാത്രം പെട്ടെന്ന് ചൂടുപിടിക്കുകയും ചൂട് കുറച്ചധികം നേരം പാത്രത്തില് തന്നെ തങ്ങിനില്ക്കുന്നതു കൊണ്ട് തീ കുറച്ചുവച്ച് ഇന്ധനം ലാഭിക്കുകയും ചെയ്യാം. മണ്പാത്രങ്ങളില് പാചകം ചെയ്താലും ഈ പ്രയോജനം ലഭിക്കും.
ഇനി ശ്രദ്ധിക്കേണ്ടത് ആവശ്യമറിഞ്ഞ് പാത്രം ഉപയോഗിക്കുക എന്നതാണ്. തെര്മല് കുക്കര്, പ്രഷര് കുക്കര് എന്നിവ ഉപയോഗിക്കുന്നത് പാചകവാതകത്തിന്റെ ഉപയോഗം കുറയ്ക്കാന് സഹായിക്കുന്ന ഒന്നാണ്. പാചകം ചെയ്യുമ്പോള് പാത്രം അടച്ചുവച്ച് പാചകം ചെയ്യാന് പരമാവധി ശ്രമിക്കുക. ആവിയില് വിഭവം പെട്ടെന്ന് വെന്തു കിട്ടും.
ഇനി, പാചകത്തിന് ആവശ്യമായ സാധനസാമഗ്രികള് കൈ എത്തുന്നിടത്തു തന്നെ വയ്ക്കുക, എന്നിട്ട് വേണം പാചകം തുടങ്ങാന്. ഗ്യാസ് ഓണ് ചെയ്ത ശേഷം പാചകത്തിന് ആവശ്യമായ സാധനങ്ങള് എടുക്കാന് പോകരുത്. അതുപോലെതന്നെ, ഒരേ വേവുള്ള സാധനങ്ങള് ഒരുമിച്ച് വേവിക്കാന് ശ്രദ്ധിക്കുക.
അതുപോലെ തന്നെ പാചകത്തിനായി വെള്ളമെടുക്കുമ്പോള് വേകാന് ആവശ്യമായ വെള്ളം മാത്രം എടുക്കുക, അതിന്റെ കണക്ക് അറിഞ്ഞു വയ്ക്കുക. ധാന്യങ്ങള് വെള്ളത്തിലിട്ട് കുതിര്ത്ത ശേഷം മാത്രം വേവിക്കുക. ഇങ്ങനെ ചെയ്താല് ഇവ വേഗം വെന്തുകിട്ടും. ഇത്തരത്തിലും ഇന്ധനം ലാഭിക്കാം. പാചകം തുടങ്ങുമ്പോള് ഒഴികെ മറ്റു സമയത്ത് ചെറിയ തീയില് അടച്ചുവച്ച് പാചകം ചെയ്യുന്നതാണ് നല്ലത്.
ഇനി, ഫ്രിഡ്ജില് വച്ചിരുന്ന സാധനം പുറത്തെടുത്ത് ചൂടാക്കി കഴിക്കുമ്പോള് അതിന്റെ തണുപ്പ് പോയ ശേഷം ചൂടാക്കിയെടുക്കുക. ചൂടാക്കുന്നതിന് ഒരു മണിക്കൂര് മുമ്പെങ്കിലും ഇതെടുത്ത് പുറത്തു വയ്ക്കുക. അപ്പോള് തണുപ്പ് നന്നായി പോയിക്കിട്ടും. തണുപ്പോടുകൂടി ചൂടാക്കിയാല് അത് ആരോഗ്യപ്രശ്നങ്ങളും ഉണ്ടാക്കാറുണ്ട്.
ഫ്രിഡ്ജിന്റെ ഫ്രീസറില് വച്ചിരിക്കുന്ന സാധനമാണെങ്കില്, കഷണങ്ങളാക്കി വൃത്തിയാക്കിയ മത്സ്യ-മാംസവിഭവങ്ങളാണ് നമ്മള് സാധാരണയായി ഫ്രീസറില് വയ്ക്കാറ്, ഇത് രണ്ട് മണിക്കൂര് മുമ്പെങ്കിലും എടുത്ത് പുറത്തുവയ്ക്കണം. എങ്കില് മാത്രമേ ഐസൊക്കെ വിട്ട് തണുപ്പൊക്കെ നന്നായി മാറിക്കിട്ടൂ. എന്നിട്ട് മാത്രമേ ഇത് ഉപയോഗിച്ച് പാചകം ചെയ്യാവൂ.
ഇറച്ചി പെട്ടെന്ന് പാചകം ചെയ്യേണ്ടി വരുന്ന അവസരത്തില് ഇറച്ചിയ്ക്ക് മുകളിലായി കുറച്ച് കല്ലുപ്പ് വിതറിക്കൊടുത്താല് മതി ഇറച്ചിക്കഷണങ്ങള് പെട്ടെന്ന് വിട്ടു കിട്ടും. എന്നിട്ട് ഈ പാത്രം വെള്ളം നിറച്ച മറ്റൊരു പാത്രത്തില് ഇറക്കിവയ്ക്കുക. തണുപ്പ് പെട്ടെന്ന് പോയിക്കിട്ടും.
എല്ലാവരും ഒരുമിച്ചിരുന്ന് ഭക്ഷണം കഴിക്കാന് ശ്രമിക്കുക. അങ്ങനെയാണെങ്കില് ഓരോരുത്തര്ക്കും വേണ്ടി ഭക്ഷണം ചൂടാക്കേണ്ടി വരില്ല. അങ്ങനെയും പാചകവാതകം ലാഭിക്കാം. ഗ്യാസ് അടുപ്പിന് എന്തെങ്കിലും തരത്തിലുള്ള കേടുണ്ടെങ്കില് അത് എത്രയും പെട്ടെന്ന് പരിഹരിക്കുക.
ഇനി അടുപ്പിന്റെ കാര്യം, തീ കത്തുന്നത് ഓറഞ്ചോ മഞ്ഞയോ നിറത്തിലാണെങ്കില് അടുപ്പിന്റെ ബര്ണറില് കരിയോ പുകയോ പൊടിയോ ഒക്കെ അടിഞ്ഞുകൂടി ബ്ലോക്കായ അവസ്ഥ ആയിരിക്കും. ഇത് ഇന്ധനനഷ്ടത്തിന് കാരണമായേക്കാം. അതുകൊണ്ടുതന്നെ എത്രയും പെട്ടെന്ന് സര്വീസ് ചെയ്യിക്കുക.
ഈ പോസ്റ്റ് നിങ്ങള്ക്ക് ഉപകാരപ്പെട്ടെങ്കില് ഇത് നിങ്ങളുടെ കൂട്ടുകാര്ക്കും ഷെയര് ചെയ്യുക.
-
അടുക്കളയില് ചെയ്യാവുന്ന ചില പൊടിക്കൈകള്
പഴങ്ങള് മുറിച്ച് വെച്ച് അല്പസമയം കഴിഞ്ഞ് നോക്കിയാല് മുറിച്ച് വെച്ച ഭാഗത്തെ നിറത്തിന് മാറ്റം വന്നതായി കാണാം. എന്നാല് എന്താണ് ഇതിന് കാരണം എന്ന് നിങ്ങള്ക്കറിയാമോ? പലപ്പോഴും ഇത്തരം പ്രശ്നങ്ങള് കാരണം മുറിച്ച് വെച്ച പഴം ബാക്കി കളയുകയാണ് നമ്മളില് പലരും ചെയ്യുന്നത്.
കഴിയ്ക്കുമ്പോള് രുചിവ്യത്യാസം ഉണ്ടാവില്ലെങ്കിലും പലപ്പോഴും ഇത്തരത്തിലുള്ള ബ്രൗണ് നിറം നമുക്ക് മനസ്സിന്റെ സംതൃപ്തി ഇല്ലാതാക്കും. എന്നാല് ഇനി ഇത്തരം പ്രശ്നങ്ങള്ക്ക് വിട നല്കാം. മുറിച്ചു വെച്ച പഴങ്ങള്ക്ക് ഇനി നിറം മങ്ങാതിരിയ്ക്കാന് ചെയ്യേണ്ട ചില കാര്യങ്ങള് എന്തൊക്കെയെന്ന് നോക്കാം.
പഴങ്ങള് മുറിയ്ക്കുമ്പോള് ഇനി വെള്ളത്തിലിട്ട് മുറിയ്ക്കാന് ശ്രമിക്കുക. വെള്ളത്തിലിട്ട് മുറിയ്ക്കുമ്പോള് അതിലെ ഓക്സിഡേഷന് ഒഴിവാകുന്നു. ഇത് പഴത്തെ ഫ്രഷ് ആയി തന്നെ നിലനിര്ത്തുന്നു. അതുകൊണ്ട് ഇനി പഴങ്ങള് മുറിയ്ക്കുമ്പോള് വെള്ളം നിറച്ച പാത്രത്തില് ഇട്ട് മുറിയക്കാന് ശ്രമിക്കുക.
സോഡ വാട്ടറില് മുറിച്ച് വെച്ച പഴങ്ങള് മുക്കിയാലും ഇത്തരത്തിലുള്ള പ്രശ്നങ്ങള് ഒഴിവാക്കാം. മുറിച്ച് വെച്ച പഴങ്ങളിലെ കറയെ ഇല്ലാതാക്കാന് സോഡ വാട്ടറിന് കഴിയും.
വിഭങ്ങള് തയ്യാറാക്കാനുള്ള പച്ചക്കറികള് പ്രത്യേകിച്ച് ബീന്സും മറ്റും താഴ്ന്ന തീ ജ്വാലയില് മാത്രമെ വേവിക്കാവു.. സമയം കൂടുതല് എടുക്കുമെങ്കിലും പച്ചക്കറികളിലെ പോഷകവും നിറവും നഷ്ടപ്പെടാതിരിക്കാന് ഇത് സഹായിക്കും.
കറികള് ഉണ്ടാക്കുമ്പോള് ഒരേ സമയം അധികം വെള്ളം ഒഴിച്ച് പച്ചക്കറികള് വേവിക്കരുത്. ചാറില്ലാത്ത കൂട്ടാനാണെങ്കില് വേവിക്കുമ്പോള് വെള്ളം തളിച്ചാല് മതിയാകും. നേരെ മറിച്ച് ചാറുള്ള കറികളാണെങ്കില് ഓരോ അഞ്ച് അല്ലെങ്കില് പത്ത് മിനുട്ടിനുള്ളില് വെള്ളം ചേര്ക്കുക. അധികം വെള്ളം ചേര്ത്താല് ചാറിന്റെ സ്വാദ് നഷ്ടമാകും.
അലൂമിനിയം പാത്രത്തില് പാകം ചെയ്ത ഭക്ഷണങ്ങള് സ്വാദിഷ്ഠമായിരിക്കുമെന്ന് കേട്ടിട്ടുണ്ടോ? ഭക്ഷണം തയ്യാറാക്കാന് നോണ് സ്റ്റിക്, സ്റ്റീല് പാത്രങ്ങള്ക്ക് പകരം അലൂമീനിയം പാത്രങ്ങള് ഉപയോഗിക്കുക.
ആവശ്യമുള്ളപ്പോള് മാത്രം പച്ചക്കറി അരിയുക പച്ചക്കറികള് അരിഞ്ഞ് സൂക്ഷിക്കുന്നത് നല്ല ആശയമാണന്ന് പലരും കരുതാറുണ്ട്. സമയം ലാഭിക്കാന് ഇത് സഹായിച്ചേക്കാം. എന്നാല് പച്ചക്കറികളിലെ നനവ് നഷ്ടപ്പെടുന്നതിനാല് പുതുമ ദീര്ഘ നേരം നിലനില്ക്കില്ല.
വെളുത്തുള്ളി തണുത്ത വെള്ളത്തില് അല്പനേരം ഇട്ടു വയ്ക്കുക. പിന്നീട് തൊലി കളഞ്ഞെടുക്കാം.
ഇവ ഒരു കോട്ടന് തുണിയിലോ പരുപരുത്ത തുണിയിലോ പൊതിയുക. ഇത് തുണിയോടു ചേര്ത്ത് കൈ കൊണ്ട് നല്ലപോലെ തിരുമ്മുക. തൊലി കളയാന് എളുപ്പമാണ്.നിങ്ങളും പരീക്ഷിച്ചു നോക്കൂ. ഉപയോഗപ്രദമായി തോന്നുന്നുവെങ്കില് നിങ്ങളുടെ കൂട്ടുകാര്ക്കും ഷെയര് ചെയ്തു നല്കൂ. നിങ്ങള് ഈ പേജ് ഇതുവരെ ലൈക്ക് ചെയ്തില്ലായെങ്കില് ഉടന്തന്നെ ലൈക് ചെയ്യൂ. ദിവസവും ഇതുപോലുള്ള മികച്ച ടിപ്സ് നിങ്ങളുടെ ടൈംലൈനില് ലഭിക്കും.