ഇന്ന് നമുക്ക് കല്ലുംമക്കായ മസാലയും , കക്ക ഇറച്ചി തോരനും ഉണ്ടാക്കാം .. ആദ്യം നമുക്ക് കല്ലുമ്മക്കായ മസാല ഉണ്ടാക്കാം
കല്ലുമ്മകായ. -250gm
സവാള -3
തക്കാളി -2
പച്ചമുളക് -2
ഇഞ്ചി -വെള്ളുതുള്ളി അരിഞത്-1.5 റ്റീസ്പൂൺ
കറിവേപ്പില -1 തണ്ട്
തേങ്ങാ കൊത്ത് -3 റ്റീസ്പൂൺ
മഞൾപൊടി-1/4 റ്റീസ്പൂൺ
മുളക്പൊടി-1/4റ്റീസ്പൂൺ
കുരുമുളക്പൊടി- 2 റ്റീസ്പൂൺ
മല്ലിപൊടി – 1/2 റ്റീസ്പൂൺ
ഗരം മസാല -1/4 റ്റീസ്പൂൺ
ഉപ്പ്,കടുക്,എണ്ണ -പാകത്തിനു
നാരങ്ങാ നീരു -1 /4 റ്റീസ്പൂൺ
കല്ലുമ്മകായ വൃത്തിയാക്കി ലെശം മഞൾപൊടി,ഉപ്പ് ഇവ ചേർത്ത് വേവിച്ച് വക്കുക.
പാനിൽ എണ്ണ ചൂടാക്കി കടുക്,കറിവേപ്പില ഇവ ചേർത്ത് മൂപ്പിച്ച് സവാള ,പച്ചമുളക് ഇവ ചെറുതായി അരിഞത് ചേർത്ത് വഴറ്റുക.
വഴന്റ് വരുമ്പോൾ ഇഞ്ചി വെള്ളുതുള്ളി ഇവ അരിഞത് ചേർത്ത് നന്നായി വഴറ്റി ,ഗോൾഡൻ നിറം ആയി വരുമ്പോൾ ചെറുതായി അരിഞ തക്കാളി ചേർത്ത് വഴറ്റുക.
തക്കാളി വഴന്നു ഉടഞ്ഞ് വരുമ്പോൾ ,കല്ലുമ്മകായ വേവിച്ചത്,ചേർത്ത് ഇളക്കുക.
ശെഷം,മഞൾപൊടി,മുളക്പൊടി,മല്ലിപൊടി,കുരുമുളക്പൊടി, തേങ്ങാ കൊത് ,പാകത്തിനു ഉപ്പ് ,ഇവ ചേർത്ത് നന്നായി ഇളക്കി വഴറ്റി പച്ചമണം മാറി വരുമ്പോൾ ഗരം മസാല ,നാരങ്ങാ നീരു കൂടി ചേർത്ത് ഇളക്കി കുറച്ച് വെള്ളവും ചേർത്ത് അടച്ച് വച്ച് ഗ്രേവി ഒന്ന് കുറുകി എണ്ണ തെളിയുന്ന പരുവം ആകുമ്പോൾ തീ ഓഫ് ചെയ്യാം.
കുറച്ചു കറിവേപ്പില കൂടെ മേലെ വിതറാം. നല്ല രുചികരമായ കല്ലുമ്മകായ മസാല കറി തയ്യാർ.
ഇനി കക്ക ഇറച്ചി തോരന് ഉണ്ടാക്കാം
കക്കാ ഇറച്ചി – 500gm
ചെറിയ ഉള്ളി – 5 എണ്ണം
പച്ചമുളക് – 5 എണ്ണം
ഇഞ്ചി – ചെറിയ കഷണം
വെള്ളുള്ളി – 3 അല്ലി
ഉണക്ക മൃളക് – രണ്ട്
കുരുമുളക് – ഒരു ടേബിൾ സ്പൂൺ
ജീരകം കാൽ – ടീ സ്പൂൺ (പെരുംജീരകമല്ല)
മഞ്ഞ പൊടി – ഒരു ടീസ്പൂൺ
മല്ലിപൊടി – ഒരു ടീസ്പൂൺ
തേങ്ങാ – അര മുറി
കക്ക ഉ,പ്പും മഞ്ഞ പൊടിയും ഇട്ട് വെന്ത് വെക്കുക (വെന്തകക്കയാണെങ്കിൽ വേവിക്കണ്ട) ഒരു പാനിൽ രണ്ട് ടേബിൾ സ്പൂൺ വെളിച്ചെണ്ണ ഒഴിച്ച് കടുക് പൊട്ടിച്ച് ഉണക്കമുളകും മുറിച്ച് ഇടുക,
മുകളിൽ പറഞ്ഞിരിക്കുന്ന ഉള്ളി, ഇഞ്ചി, പച്ചമുളക് വെളളുള്ളി ചതച്ച് ഇടുക ഇല്ലെങ്കിൽ നീളത്തിൽ അരിഞ്ഞ് ഇട്ടാലും മതി ഇത് മൂക്കണ്ട. തേങ്ങാതിരുങ്ങിയത്,മഞ്ഞപൊടി, കുരുമുളക് പൊടിയും, മല്ലിപൊടി, ജീരകമോ ജീരക പൊടിയോ ഒന്ന് മിക്സിയിൽ ചതയ്ക്കുക,
ഈ ചതച്ച തേങ്ങാ കൂട്ട് എണ്ണയിൽ ഇട്ട് ഒന്ന് ഇളക്കുക പച്ച മണം പോയതിനു ശേഷം വെന്ത കക്ക ഇട്ട് ഇളക്കുക കുറച്ച് ഉപ്പ് വേണമെങ്കിൽ ഇടുക കറിവേപ്പില ഇട്ടിട്ട് അടച്ചു വെയ്ക്കുക 5 മിനിട്ട് കഴിഞ്ഞതിനു ശേഷം നല്ല ചൂടു ചോറുമായി കഴിക്കാം.
ഈ റെസിപ്പി നിങ്ങള്ക്ക് ഇഷ്ട്ടമായെങ്കില് നിങ്ങളുടെ കൂട്ടുകാര്ക്കും ഷെയര് ചെയ്യുക. കൂടുതല് റെസിപ്പികള് ടൈം ലൈനില് ലഭിക്കാന് ഈ പേജ് ലൈക്ക് ചെയ്യുക.
