താറാവ് റോസ്റ്റ് ഉണ്ടാക്കാം

ചേരുവകള്‍
താറാവ് – കഷണങ്ങളാക്കിയത്
ഇഞ്ചി (അരിഞ്ഞത്) -3 ടേബിള്‍ സ്പൂണ്‍
വെളുത്തുള്ളി അരിഞ്ഞത് – 12
പച്ചമുളക് നുറുക്കിയത് – 6
കറിവേപ്പില -12
വിനാഗിരി -3 ടേബിള്‍ സ്പൂണ്‍
കുരുമുളക് ചതച്ചത് – 2 ടേബിള്‍ സ്പൂണ്‍
ഉപ്പ് -ആവശ്യത്തിന്
വെള്ളം – പാകത്തിന്
വെളിച്ചെണ്ണ – 1/2 കപ്പ്
സവാള (അരിഞ്ഞത്) – 4
മസാലക്ക്
ഏലക്ക -6
ഗ്രാമ്പൂ -5
കറുവപ്പട്ട -2

തയ്യാറാക്കുന്ന വിധം
ചെറിയ ഉരുളിയില്‍ മസാലകളിട്ട് ചൂടാക്കിയ ശേഷം നന്നായി പൊടിക്കുക. ഒരു ഉരുളിയില്‍ മസാലപ്പൊടി ചേര്‍ത്ത താറാവിറച്ചി കഷണങ്ങളിടുക. എണ്ണയും സവാളയും ഒഴികെയുള്ള എല്ലാ ചേരുവയും ചേര്‍ത്ത് ചെറുതീയില്‍ വേവിക്കുക. കഷണങ്ങള്‍ വെന്ത് കുറുകി വരുമ്പോള്‍ വാങ്ങി വെക്കുക.
ശേഷം മറ്റൊരു വലിയ ഉരുളിയില്‍ എണ്ണ ചൂടാക്കി സവാള വഴറ്റി കോരിമാറ്റുക. അതേ എണ്ണയില്‍ തന്നെ താറാവ് കഷണങ്ങള്‍ വറുത്തുകോരി നേരത്തെ വാങ്ങിവെച്ച ചാറും ചേര്‍ത്ത് 2 മിനിറ്റ് കൂടി വേവിക്കുക. ചാറി കുറുകി വരുമ്പോള്‍ വാങ്ങി വെക്കാം. താറാവ് റോസ്റ്റ് റെഡി.