അവിയല്‍ ഉണ്ടാക്കാം

1.ബീന്‍സ് , ഉരുളക്കിഴങ്ങ് , ചേന, ക്യാരറ്റ് , പച്ച ഏത്തക്ക, മുരിങ്ങക്ക,  ഇവയെല്ലാം ഒരിഞ്ചു നീളത്തില്‍ അരിഞ്ഞത് – അരകിലോ

പച്ചമുളക് രണ്ടായി പിളര്‍ന്നത് – അഞ്ച്

2.മുളകുപൊടി – അര ടീസ്പൂണ്‍

മഞ്ഞള്‍പൊടി – കാല്‍ ടീസ്പൂണ്‍

3.അരപ്പ്

തിരുമ്മിയ തേങ്ങ – ഒന്ന്

ജീരകം – കാല്‍ ടീസ്പൂണ്‍

പച്ചമുളക് -നാല്

കറിവേപ്പില -ഒരു തണ്ട്

ചുമന്നുള്ളി – ആറല്ലി(ഇവയെല്ലാം തരുതരുപ്പായി അരച്ചെടുക്കുക )

4.പുളിക്കുവേണ്ടി

പച്ചമാങ്ങ,വാളന്‍പുളി,തൈര് ഇവയില്‍  ഒന്ന് ചേര്‍ക്കാം

5.വെളിച്ചെണ്ണ -രണ്ടു ടീസ്പൂണ്‍

6.ഉപ്പ് -ആവശ്യതിന്

തയാറാക്കുന്ന വിധം

പച്ചക്കറികള്‍ മുളകുപൊടിയും,മഞ്ഞള്‍പൊടിയും,ചേര്‍ത്ത് വെള്ളത്തില്‍ വേവിക്കുക. മുക്കാല്‍ വേവാകുമ്പോള്‍ പുളിയും ഉപ്പും ചേര്‍ത്ത് ഇളക്കുക.വെന്ത ശേഷം വെള്ളം വറ്റിച്ചു അരപ്പ് ചേര്‍ക്കുക .തീ അണച്ച ശേഷം വെളിച്ചെണ്ണ ചേര്‍ത്ത് വാങ്ങുക.