കൂട്ടുകറി

ഓണസദ്യയിൽ ഒഴിച്ചുകൂടാനാവാത്ത വിഭവം, കൂട്ടുകറി

ഇതിനു വേണ്ട ചേരുവകൾ

കായ -ഒരു കപ്പ്

ചേന -ഒരു കപ്പ്

കുമ്പളങ്ങ -ഒരു കപ്പ്

കടല- ഒരു കപ്പ്

തേങ്ങ -1

ഉഴുന്നുപരിപ്പ് -4 ടീസ്പൂൺ

ജീരകം -ഒരു ടീസ്പൂൺ

കുരുമുളക് -രണ്ട് ടീസ്പൂൺ

മുളകുപൊടി -രണ്ട് ടീസ്പൂൺ

മഞ്ഞൾപ്പൊടി -ഒരു ടീസ്പൂൺ

വെളിച്ചെണ്ണ -2 ടേബിൾ സ്പൂൺ

കറിവേപ്പില

ഉപ്പ്

തയ്യാറാക്കുന്ന വിധം

ആദ്യം കഷണങ്ങൾ വേവിച്ചെടുക്കണം, അതിനായി ഒരു ഉരുളി അടുപ്പിൽ വെച്ച് അതിലേക്ക് മുറിച്ചെടുത്ത പച്ചക്കറികൾ ചേർത്തു കൊടുക്കാം, വേവാൻ ആവശ്യത്തിന് വെള്ളവും, മുളകുപൊടി മഞ്ഞൾപൊടി, കുരുമുളകുപൊടി, ആവശ്യത്തിനുള്ള ഉപ്പ് കറിവേപ്പില എന്നിവ ചേർത്ത് മിക്സ് ചെയ്തു വേവിച്ചെടുക്കാം, മുക്കാൽ വേവാകുമ്പോൾ വേവിച്ചു വച്ച കടല ചേർത്തു കൊടുക്കാം, മറ്റൊരു ഉരുളി അടുപ്പിലേക്ക് വെച്ച് അല്പം വെളിച്ചെണ്ണ ഒഴിച്ച് ചൂടാക്കുക, ഇതിലേക്കു ഉഴുന്നുപരിപ്പ്, ജീരകം എന്നിവ ചേർത്ത് നന്നായി റോസ്റ്റ് ചെയ്തതിനുശേഷം തേങ്ങ ചിരവിയത് ചേർത്ത് കൊടുക്കാം , നല്ല ബ്രൗൺ നിറം ആകുന്നതു വരെ വറുത്തു എടുക്കണം. കാൽ ഭാഗം തേങ്ങ മാറ്റിവയ്ക്കാൻ മറക്കരുത്, ഇത് അൽപം കറിവേപ്പിലയും, ജീരകവും ചേർത്ത് നന്നായി അരച്ചെടുക്കുക. വെന്ത കഷണങ്ങളിലേക്ക് അല്പം ശർക്കര ചേർത്ത് കൊടുക്കാം, കൂടെ തന്നെ അരച്ച തേങ്ങയും കൂടി ചേർക്കാം എല്ലാംകൂടി യോജിപ്പിച്ച് നല്ലതുപോലെ തിളപ്പിച്ച് വറ്റിച്ചെടുക്കുക, അവസാനമായി വറുത്തെടുത്ത തേങ്ങ കൂടി ചേർത്ത് മിക്സ് ചെയ്താൽ സദ്യക്ക് വിളമ്പാനുള്ള കിടിലൻ കൂട്ടുകറി റെഡിയായി.

ഈ വീഡിയോ നിങ്ങൾക്ക് ഇഷ്ടമായെങ്കിൽ ഫ്രെണ്ട്സിനും ഫാമിലിക്കും ഷെയർ ചെയ്തു കൊടുക്കുമല്ലോ ഒപ്പം ഇതുപോലെയുള്ള റെസിപ്പി കൾക്കായി ഞങ്ങളുടെ ഫേസ്ബുക്ക് പേജ് ഫോളോ ചെയ്യുക കൂടെ ഈ ചാനൽ സബ്സ്ക്രൈബ് ചെയ്യുക
Sree’s Veg Menu