ബ്രേക്ക്ഫാസ്റ്റ്ന് കഴിക്കാൻ തക്കാളിയും, സവാളയും ചേർത്ത് ഹെൽത്തി ദോശ തയ്യാറാക്കാം.
ഇത് തയ്യാറാക്കാനായി ഒരു ബൗളിലേക്ക് ഒരു കപ്പ് ഗോതമ്പുപൊടിയും, അരക്കപ്പ് അരിപ്പൊടിയും ചേർത്ത് കൊടുക്കുക, ആവശ്യത്തിന് വെള്ളം ഒഴിച്ച് ഒരു വിസ്ക്ക് ഉപയോഗിച്ച് തരികൾ ഇല്ലാതെ മിക്സ് ചെയ്തെടുക്കുക. ദോശ മാവിന്റെ പരുവം ആയാൽ മാറ്റിവയ്ക്കാം. ഇനി മസാല തയ്യാറാക്കണം അതിനായി ഒരു പാൻ അടുപ്പിൽ വച്ച് എണ്ണയൊഴിച്ച് ചൂടാക്കുക, ഇതിലേക്ക് കടുക് , ജീരകം എന്നിവ അര ടീസ്പൂൺ വീതം, ഒരു ടീസ്പൂൺ ഉഴുന്നുപരിപ്പ് ,അര ടീസ്പൂൺ കടലപ്പരിപ്പ് അല്പം കായം എന്നിവയും കൂടി ചേർത്ത് റോസ്റ്റ് ചെയ്യുക ശേഷം ഒരു സവാള പൊടിയായി അരിഞ്ഞതും, രണ്ട് പച്ചമുളക് വട്ടത്തിൽ അരിഞ്ഞതും, കൂടി ചേർത്ത് നന്നായി വഴറ്റാം അടുത്തതായി ഒരു തക്കാളി ചെറുതായി അരിഞ്ഞതും രണ്ട് ടേബിൾസ്പൂൺ ക്യാരറ്റ് ഗ്രേറ്റ് ചെയ്തതും ചേർത്ത് 2 മിനിറ്റ് ഓളം വീണ്ടും വഴറ്റി കൊടുക്കുക, ശേഷം ചൂടാറാൻ വെക്കാം. ചൂടാറിയതിനു ശേഷം തയ്യാറാക്കി വച്ചിരിക്കുന്ന ബാറ്ററി ലേക്ക് ഈ മസാല ചേർത്തുകൊടുക്കാം, കൂടെ മല്ലിയിലയും ആവശ്യത്തിന് ഉപ്പും ചേർക്കണം നല്ലതുപോലെ മിക്സ് ചെയ്ത് കഴിഞ്ഞാൽ ചെറിയ ദോശകൾ ചുട്ടെടുക്കാം.
ഇനി ചമ്മന്തി റെഡിയാക്കാം അതിനായി ഒരു കപ്പ് തേങ്ങ ചുരണ്ടിയത് ഒരു മിക്സി ജാറിലേക്ക് ചേർത്തുകൊടുക്കാം, കൂടെ രണ്ട് ടേബിൾസ്പൂൺ കടലപ്പരിപ്പും, അൽപ്പം പുളിയും മൂന്ന് പച്ചമുളകും ആവശ്യത്തിന് ഉപ്പും കുറച്ച് വെള്ളവും ചേർത്ത് നന്നായി അരച്ചെടുക്കുക ഇത് ദോശയുടെ കൂടെ കഴിക്കാം.
വിശദമായ റെസിപ്പിക്കായി ഈ വീഡിയോ മുഴുവൻ കാണുക ,ഡെയിലി അപ്പ്‌ഡേറ്റ്സ് കിട്ടാൻ ഈ പേജ് ഫോളോ ചെയ്യുക, ഈ റെസിപ്പി ഇഷ്ടമായിട്ടുണ്ടെങ്കിൽ , ഫ്രണ്ട്സിനും,ഫാമിലിക്കും ഷെയർ ചെയ്തു കൊടുക്കുക ഒപ്പം ഇതുപോലുള്ള വിഡിയോകൾക്കായി ഈ ചാനൽ സബ്സ്ക്രൈബ് ചെയ്യുക Hebbars Kitchen
