fbpx

മീൻ മസാല പാസ്ത അതുപോലെ നിങ്ങളും ഉണ്ടാക്കി നോക്കൂ

മീൻ മസാല പാസ്ത

പാസ്തയും മീനും ചേരുമ്പോൾ ഒരു നല്ല കോമ്പിനേഷനാണ്.. ഇതിലേക്ക് ഏതു മീൻ വേണമെങ്കിലും നമുക്ക് ഉപയോഗിക്കാം.. അതും വളരെ എളുപ്പത്തിൽ നമുക്ക് ചെയ്തെടുക്കാം.

ആദ്യം തന്നെ നമുക്ക് പാസ്ത വേവിച്ചെടുക്കാം.
പാസ്ത കുറച്ചധികം വെള്ളം വെച്ച് ഉപ്പ് ചേർത്ത് വേവിച്ചെടുക്കണം. അഞ്ച് കപ്പ് പാസ്തയാണ് ഞാനിവിടെ എടുത്തിട്ടുള്ളത്.

ഇനി മീൻ മസാല ഉണ്ടാക്കാം.
ഇതിനായി ഒരു പാൻ അടുപ്പത്ത് വെച്ച് അതിലേക്ക് മൂന്ന് ടേബിൾ സ്പൂൺ ഓയിൽ ഒഴിച്ച് കൊടുക്കുക, ശേഷം ഒരു സവാള അരിഞ്ഞതും ഒരു പച്ചമുളക് അരിഞ്ഞതും ഇട്ടു കൊടുക്കാം. ഇത് നന്നായി വാടി വരുമ്പോൾ ഒരു ടേബിൾസ്പൂൺ ഇഞ്ചി വെളുത്തുള്ളി ചതച്ചത് ചേർത്ത് കൊടുക്കാം. ഇതിലേക്ക് ഒരു തക്കാളി അരിഞ്ഞതും ചേർത്തു കൊടുക്കാം. നന്നായി വാടി വരുമ്പോൾ നമുക്ക് ഇതിലേക്ക് മസാലപ്പൊടികൾ ചേർത്ത് കൊടുക്കാം. കുരുമുളകുപൊടി-2 ടീസ്പൂൺ, ഗരംമസാലപ്പൊടി അര ടീസ്പൂൺ, മഞ്ഞൾപൊടി കാൽ ടീസ്പൂൺ, കാശ്മീരി മുളകുപൊടി അര ടീസ്പൂൺ, പെരുംജീരകപ്പൊടി കാൽ ടീസ്പൂൺ… ഇതൊക്കെ ചേർത്ത് നന്നായി മസാല മിക്സ് ചെയ്യുക.. ചൂടായി വരുമ്പോൾ ഇതിലേക്ക് മീൻ വേവിച്ചത് ചേർത്തു കൊടുക്കാം. ( ദശ കട്ടിയുള്ള ഏതു മീൻ വേണമെങ്കിൽ വീട്ടിലേക്ക് ഉപയോഗിക്കാം..

മീൻ പൊരിച്ച മുള്ള് മാറ്റി ഉപയോഗിക്കാം, അതുപോലെ കുറച്ചു മഞ്ഞളും ഉപ്പും ചേർത്ത് വേവിച്ച് മുള്ള് മാറ്റിയെടുക്കാം) ഇനി ഈ മീൻ ചേർത്തതിനുശേഷം മസാല നന്നായി മിക്സ് ചെയ്തു കുറച്ചുനേരം മൂടിവെച്ച് വേവിക്കുക.. ഇ മസാലയ്ക്ക് ആവശ്യമായ ഉപ്പുചേർത്ത് കൊടുക്കാൻ മറക്കരുത്. ഇനി നമുക്ക് വേവിച്ച് ഊറ്റിവെച്ച പാസ്ത ചേർത്തു കൊടുക്കാം.. പാസ്തയും മസാലയും നന്നായി മിക്സ് ചെയ്തു, ഇതിലേക്ക് നമുക്ക് ഒരു ടേബിൾസ്പൂൺ ടൊമാറ്റോ സോസ് ഒരു ടേബിൾ സ്പൂൺ സോയാസോസും ചേർത്തു കൊടുക്കാം. ഇനി നമുക്ക് ഒന്നും മൂടിവെച്ച് വേവിക്കാം.. ഒരു ഒത്തിരി ഇഷ്ടമാണെങ്കിൽ നമുക്ക് കുറച്ച് ഇടിച്ച മുളക് ചേർത്തു കൊടുക്കാം. അവസാനമായിട്ട് ഇതിലേക്ക് ക്യാപ്സികം അരിഞ്ഞതും, കുറച്ചു മല്ലിയില അരിഞ്ഞതും ചേർത്തു കൊടുക്കാം.. നമ്മുടെ അടിപൊളി ടേസ്റ്റി ഫിഷ് ചില്ലി മസാല പാസ്ത റെഡിയായിട്ടുണ്ട്.

ഇത് കുട്ടികൾ മുതൽ മുതിർന്നവർ വരെയുള്ള എല്ലാവർക്കും വളരെയധികം ഇഷ്ടമാകും. തയ്യാറാക്കുന്നത് എങ്ങനെയെന്നു താഴെ കൊടുത്തിരിക്കുന്ന വീഡിയോയില്‍ വിശദമായി കാണിച്ചു തരുന്നുണ്ട്. വീഡിയോ നോക്കി അതുപോലെ നിങ്ങളും മീൻ മസാല പാസ്ത ഉണ്ടാക്കി നോക്കൂ. മറ്റുള്ളവര്‍ക്കു കൂടി ഈ പോസ്റ്റ്‌ എത്തിച്ചു കൊടുക്കാൻ മറക്കരുത്. ഇതുപോലുള്ള വ്യത്യസ്തമായ രുചിക്കൂട്ടുകളും കിച്ചൺ ടിപ്സുകളും ദിവസവും നിങ്ങളുടെ ഫേസ്ബുക്കിൽ ലഭിക്കുന്നതിന്, തട്ടുകട ഫെയിസ്ബുക്ക് പേജ് ഫോള്ളോ ചെയ്ത ശേഷം Following എന്ന ബട്ടണിൽ ക്ലിക്ക് ചെയ്ത് See First എന്നതും സെലക്ട് ചെയ്യുക. കൂടുതല്‍ വീഡിയോകള്‍ക്കായി Jiya’s Hot Pan ചാനല്‍ Subscribe ചെയ്യാനും ബെൽ ഐക്കൺ ക്ലിക്ക് ചെയ്തു നോട്ടിഫിക്കേഷൻ ഇനേബിൾ ചെയ്യാനും മറക്കരുത്.