ഇന്ന് നമുക്ക് വെജിറ്റബിള്‍ അച്ചാര്‍ ഉണ്ടാക്കാം .. വെളുത്തുള്ളി, പാവക്ക , മാങ്ങ എന്നിവയാണ് ഉണ്ടാക്കുന്നത് ..വളരെ എളുപ്പത്തില്‍ നമുക്ക് വീട്ടില്‍ ഉണ്ടാക്കുന്നവയാണ് ഇത് ..ആടും വെളുത്തുള്ളി അച്ചാര്‍ ഉണ്ടാക്കാം..ഇതിനാവശ്യമുള്ള സാധനങ്ങള്‍
വെളുത്തുള്ളി അച്ചാർ
ആവശ്യമുള്ള സാധനങ്ങൾ:
വെളുത്തുള്ളി തൊലി നീക്കി നെടുകെ കീറിയത്
പച്ചമുളക് അരിഞ്ഞത്
കറിവേപ്പില
മുളകുപൊടി
കടുക്, ഉലുവ
കായം
നല്ലെണ്ണ
ഉപ്പ്
വിനാഗിരി
നല്ലെണ്ണ ചൂടാക്കി കടുക് പൊട്ടിക്കുക. കടുക് പൊട്ടിത്തുടങ്ങുമ്പോൾ ഉലുവ ഇടുക. രണ്ടും മൂത്തു കഴിയുമ്പോൾ വെളുത്തുള്ളി, പച്ചമുളക് കറിവേപ്പില ഇവ ചേർത്ത് വഴറ്റുക. ഇതു വെന്തു കഴിയുമ്പോൾ ഉപ്പ്, മുളകുപൊടി ഇവ ചേർത്തു നന്നായി കുഴയ്ക്കുക. വിനാഗിരി ചേർത്ത് നന്നായി ഇളക്കി തിളപ്പിക്കുക. ആറിക്കഴിയുമ്പോൾ കുപ്പികളിലാക്കി മുകളിൽ അല്പം നല്ലെണ്ണ തൂവി അടച്ചു സൂക്ഷിക്കാം.
പാവക്ക അച്ചാര്‍
പാവക്ക-250 ഗ്രാം
കാശ്മീരി മുളകുപൊടി- രണ്ട് ടേബിള്‍ സ്പൂണ്‍
മഞ്ഞള്‍പൊടി- അര ടീസ്പൂണ്‍
ഇഞ്ചി ചതച്ചത്- ഒന്നര ടീസ്പൂണ്‍
വെള്ളിത്തുള്ളി ചതച്ചത്- ഒന്നര ടീസ്പൂണ്‍
ഉലുവ, കായം എന്നിവ വറുത്തു പൊടിച്ചത്- ഓരോ ടീസ്പൂണ്‍ വീതം
നല്ലെണ്ണ – ആറു ടേബിള്‍ സ്പൂണ്‍
വറ്റല്‍ മുളക്- രണ്ടെണ്ണം
വിനീഗര്‍- മൂന്ന് ടേബിള്‍ സ്പൂണ്‍
കറിവേപ്പില,
ഉപ്പ്,
കടുക് എന്നിവ ആവശ്യത്തിന്
തയ്യാറാക്കുന്ന വിധം
പാവക്ക കഴുകി വെള്ളം ഒട്ടും ഇല്ലാതെ നന്നായി തുടച്ചെടുക്കുക
അല്പം നീളത്തില്‍ കനം കുറച്ച് അരിയുക. പാവക്കയില്‍ ഉപ്പ് പുരട്ടിയതിനു ശേഷം ഒരു പാന്‍ ചൂടാക്കി അതില്‍ നിരത്തിവെച്ച് ചെറു തീയില്‍ ജലാംശം കളയുക.
ശേഷം രണ്ടു ടേബിള്‍ സ്പൂണ്‍ നല്ലെണ്ണ ഒഴിച്ച് വറുത്തു കോരുക അധികം മൊരിഞ്ഞു പോകരുത്.
ബാക്കി നല്ലെണ്ണ ഒഴിച്ച് കടുക് പൊട്ടിച്ചതിനു ശേഷം കറിവേപ്പില , വറ്റല്‍മുളക്, ഇഞ്ചി, വെളുത്തുള്ളി എന്നിവ ഇട്ടുനന്നായി മൂപ്പിക്കുക. അതിനുശേഷം മഞ്ഞള്‍ പൊടിയും മുളകുപൊടിയും ഇട്ടു പച്ച മണം മാറുമ്പോള്‍ വറുത്ത് വച്ച പാവക്കയും വിനീഗറും ചേര്‍ത്തിളക്കുക. അതിനോടപ്പം ഉലുവാപൊടി, കായപൊടി ഉപ്പ് എന്നിവ ചേര്‍ത്ത് ഇളക്കി ചെറുതീയില്‍ വയ്ക്കുക .
എണ്ണ തെളിഞ്ഞു വരുമ്പോള്‍ തീ ഓഫ് ചെയ്യുക. തണുത്തതിന് ശേഷം ഈര്‍പ്പം ഇല്ലാത്ത കുപ്പിയിലാക്കി രണ്ടു ദിവസത്തിന് ശേഷം ഉപയോഗിക്കാന്‍ എടുക്കാം
കടുമാങ്ങ അച്ചാര്‍
ആവശ്യമുള്ള സാധനങ്ങള്‍
കടുമാങ്ങ – കാല്‍ കിലോ
നല്ലെണ്ണ – 2 ടേബിള്‍ സ്പൂണ്‍
പച്ചമുളക് – 2
വെളുത്തുള്ളി – 6
ഇഞ്ചി – ഒരു ചെറിയ കഷണം
പിരിയന്‍ മുളക്‌പൊടി – ഒരു ടേബിള്‍ സ്പൂണ്‍
മഞ്ഞള്‍പ്പൊടി – കാല്‍ ടി സ്പൂണ്‍
ഉലുവ – ഒരു നുള്ള്
കായം – ഒരു നുള്ള്
ഉപ്പ് – ആവശ്യത്തിന്
വിനാഗിരി – ആവശ്യത്തിന്
കറി വേപ്പില – രണ്ടു തണ്ട്
ഉണ്ടാക്കുന്ന വിധം
മാങ്ങ ചെറുതായി മുറിച്ച് ഉപ്പ് പുരട്ടി ഒരു രാത്രി മുഴുവന്‍ വെക്കുക. ഉപ്പ് നന്നായി പിടിക്കുന്നതിന് വേണ്ടിയാണിത്. അടുത്ത ദിവസം പാനില്‍ എണ്ണ ചൂടാക്കി അതിലേക്ക് ഉലുവ വഴറ്റുക.
പിന്നീട് ഇതിലേക്ക് വെളുത്തുള്ളി, ഇഞ്ചി ,പച്ചമുളക്, കറിവേപ്പില എന്നിവ ചേര്‍ത്ത് വഴറ്റുക. ഇവ നന്നായി വഴറ്റിയാല്‍ അതിലേക്ക് മഞ്ഞള്‍ പൊടി, കായം, മുളകുപൊടി എന്നിവ ചേര്‍ത്ത് ഇളക്കുക.
ഇതിലേക്ക് മാങ്ങ ചേര്‍ത്ത് നന്നായി ഇളക്കുക. തീ കുറക്കാന്‍ മറക്കരുത്. പിന്നീട് അടുപ്പില്‍ നിന്ന് വാങ്ങി വെച്ച് ആവശ്യത്തിന് വിനാഗിരി ചേര്‍ത്ത് ഇളക്കുക. അച്ചാര്‍ തണുത്തതിന് ശേഷം വായു കടക്കാത്ത പാത്രത്തിലേക്ക് മാറ്റിവെക്കാം.
നല്ലെണ്ണ ചൂടാക്കി ഒഴിച്ചാല്‍ ഏറെ നാള്‍ അച്ചാര്‍ കേടാകാതെ സൂക്ഷിക്കാം.
എല്ലാവരും ഉണ്ടാക്കി നോക്കണം ..ഇഷ്ട്ടമായാല്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്തു കൊടുക്കുക..ഇതുപോലുള്ള റെസിപ്പികള്‍ നിങ്ങളുടെ ടൈം ലൈനില്‍ ലഭിക്കാന്‍ ഈ പേജ് ലൈക്ക് ചെയ്യുക.
