അടിപൊളി സോയബീന്‍ ഫ്രൈ ഉണ്ടാക്കാം

പാവങ്ങളുടെ മട്ടന്‍ എന്നാണു ഞങ്ങള്‍ ഇവിടെ സോയബീനെ പറയുന്നത് ..വേവിച്ചു കഴിഞ്ഞാല്‍ ഇറച്ചി അല്ലാന്നു ആരും പറയില്ല…ഉരുളക്കിഴങ്ങ് ഒക്കെയിട്ട് വറുത്തരച്ചു വച്ചാലും ഇത് ഉഗ്രന്‍ ടേസ്റ്റ് ആണ് ..പലപ്പോഴും ഇറച്ചി ചോറുണ്ണാന്‍ ഇറച്ചി വേണമെന്ന് പറഞ്ഞു നിര്‍ബന്ധം പിടിക്കുന്ന മൂന്നു വയസ്സുകാരനെ സോയ കൊടുത്താ ഞങ്ങള്‍ ആശ്വസിപ്പിക്കുക ..വളരെ രുചികരമാണ് സോയ …ഇന്ന് നമുക്ക് സോയ കൊണ്ട് ഉഗ്രന്‍ സോയ ഫ്രൈ ഉണ്ടാക്കുന്നത് എങ്ങിനെയാണെന്ന് നോക്കാം ..മുതിര്‍ന്നവര്‍ക്കും,കുട്ടികള്‍ക്കും ഒരുപോലെ നല്ലതാണ് ഈ സോയ ..ഇതിനാവശ്യമുള്ള ചേരുവകള്‍ എന്തൊക്കെയാണെന്ന് നോക്കാം

സോയ – 3 കപ്പ്.

ചുവന്നുള്ളി – ഒന്നരക്കപ്പ്.

തേങ്ങ – അരക്കപ്പ്.

ഇഞ്ചി വെളുത്തുള്ളി . അരച്ചത് ഒന്നര ടേബിൾസ്പൂൺ.

മഞ്ഞൾപ്പൊടി- അര ടീസ്പൂൺ.

കുരുമുളക് പൊടി- മുക്കാൽ ടീസ്പൂൺ.

മസാലപ്പൊടി- 3 നുള്ള്.

കറിവേപ്പില- 1 തണ്ട്.

വെളിച്ചെണ്ണ- 8 ടേബിൾസ്പൂൺ.

ഉപ്പ് ആവശ്യത്തിന്.

സോയ ഫ്രൈ ഉണ്ടാക്കുന്നത് എങ്ങിനെയാണെന്ന് നോക്കാം
ആദ്യം തന്നെ സോയ നന്നായി കഴുകി നുറുക്കി എടുക്കാം ഇനി ഇതിലേയ്ക്ക് വെള്ളം തിളപ്പിച്ച്‌ ഒഴിക്കാം …ചൂടാറിയ ശേഷം വെള്ളം നന്നായി ഞെക്കി പിഴിഞ്ഞ് കളഞ്ഞു എടുക്കാം ( ഇതിലെ വെള്ളം ശെരിക്കും കളയണം )

തേങ്ങ പിഴിഞ്ഞ് പാലെടുക്കാം…ഉള്ളി നീളത്തില്‍ അരിഞ്ഞു എടുക്കാം

അടുത്തതായി ഒരു ചീനച്ചട്ടിയില്‍ ആവശ്യത്തിനു വെളിച്ചെണ്ണ ഒഴിച്ച് ചൂടാകുമ്പോള്‍ അരിഞ്ഞെടുത്ത ഉള്ളിയും ഇഞ്ചി വെളുത്തുള്ളി അരച്ചതും ചേര്‍ത്ത് നന്നായി വഴറ്റുക ശേഷം ഇതിലേയ്ക്ക് കറിവേപ്പില ഇടാം നന്നായി ഇളക്കിയിട്ട് ഇതിലേയ്ക്ക് മുളക് പൊടിയും ,മല്ലിപ്പൊടിയും,മഞ്ഞള്‍പൊടിയും,കുരുമുളക് പൊടി ,എന്നിവ ചേര്‍ത്ത് ഇളക്കി ഇതിലേയ്ക്ക് സോയ ചേര്‍ക്കാം ശേഷം നന്നായി ഇളക്കി യോജിപ്പിക്കാം ഇനി ഇതിലേയ്ക്ക് തേങ്ങ പിഴിഞ്ഞ പാല്‍ എടുത്തു ഒഴിക്കാം ആവശ്യത്തിനു ഉപ്പും ചേര്‍ത്ത് ഇളക്കി ഇതൊന്നു നന്നായി വേവിച്ചു വറ്റിക്കാം ( തേങ്ങാപ്പാല്‍ കുറവാണെങ്കില്‍ ആവശ്യത്തിനു കുറച്ചു വെള്ളവും ചേര്‍ക്കാം ) വെന്തതിനു ശേഷം തീ കുറച്ചു ഇടാം ഇനി ഇതിലേയ്ക്ക് മസാലപ്പൊടി ചേര്‍ക്കാം കുറേശെ വെളിച്ചെണ്ണ ഒഴിച്ച് ഇളക്കി ഇത് ബ്രൌണ്‍ നിറം ആകുന്നവരെ ഫ്രൈ ചെയ്തു എടുക്കാം

സോയ ഫ്രൈ റെഡി
ഇതുണ്ടാക്കാന്‍ എളുപ്പമാണ്…കുട്ടികള്‍ക്കൊക്കെ ഇതുണ്ടാക്കി കൊടുത്താല്‍ വളരെ ഇഷ്ട്ടപ്പെടും…എല്ലാവരും ഉണ്ടാക്കി നോക്കണം…അഭിപ്രായങ്ങള്‍ അറിയിക്കണം

ഈ പോസ്റ്റ്‌ നിങ്ങള്‍ക്ക് ഇഷ്ട്ടമായെങ്കില്‍ ഇത് ഷെയര്‍ ചെയ്യുക …പുതിയ പോസ്റ്റുകള്‍ നിങ്ങളുടെ ടൈം ലൈനില്‍ ലഭിക്കാന്‍ ഈ പേജ് ലൈക് ചെയ്യുക

മുന്തിരി വൈന്‍ വീട്ടിലുണ്ടാക്കാം