കൊതിയൂറും കൂട്ടുകറി ഉണ്ടാക്കാം

വെജിറ്റെറിയന്‍ വിഭവങ്ങളില്‍ ഒരു പ്രത്യേക സ്വാദ് ഉള്ള ഒന്നാണ് കൂട്ടുകറി…മധുരമുള്ള ഈ കറി മിക്കവര്‍ക്കും വളരെ ഇഷ്ട്ടമുള്ള ഒന്നാണ് …സദ്യയില്‍ ഒരു പ്രധാന വിഭവം കൂടിയാണ് കൂട്ടുകറി …രണ്ടു മൂന്നു പച്ചക്കറികള്‍ ഒരുമിച്ചു ചേര്‍ത്താണ് കൂട്ടുകറി ഉണ്ടാക്കുന്നത് …അതുകൊണ്ടാണ് ഇതിനു കൂട്ടുകറി എന്ന പേര് വന്നതും ..ഇത് വളരെ എളുപ്പത്തില്‍ നമുക്ക് ഉണ്ടാക്കാവുന്നതാണ്..നമുക്ക് നോക്കാം കൂട്ടുകറി എങ്ങിനെയാണ് ഉണ്ടാക്കുന്നത് എന്ന്…ഇതിന്റെ ചേരുവകള്‍ എന്തൊക്കെയാണെന്നും ആദ്യം നോക്കാം

ചേരുവകള്‍

1.കടല – അമ്പതു ഗ്രാം

2.ചേന – ഇരുനൂറു ഗ്രാം

3.നേന്ത്രക്കായ – ഇരുനൂറു ഗ്രാം

4..മുളകുപൊടി – ഒരു ടീസ്പൂണ്‍

5.മഞ്ഞള്‍ പൊടി – കാല്‍ ടീസ്പുണ്‍

6.കുരുമുളകുപൊടി – ഒരു ടീസ്പൂണ്‍

7.നാളികേരം ചിരവിയത് – ഒരു കപ്പ്

8.ശര്‍ക്കര ഒരു ഉണ്ട

9.ജീരകം – കാല്‍ ടീസ്പൂണ്‍

10. ചുവന്നുള്ളി – നാലെണ്ണം

11. വറ്റല്‍ മുളക് – മൂന്നെണ്ണം

12.വെളിച്ചെണ്ണ – നാല് ടിസ്പൂണ്‍

ഉപ്പ്, കറിവേപ്പില എന്നിവ പാകത്തിന്

ഇനി ഇതുണ്ടാക്കേണ്ട വിധം പറയാം

ആദ്യം തന്നെ കടല വെള്ളത്തിലിട്ടു കുതിര്‍ത്തു എടുക്കുക

അതിനു ശേഷം തേങ്ങയും ജീരകവും ചുവന്നുള്ളിയും നന്നായിട്ടൊന്നു അരച്ച് എടുക്കാം

അല്പം തേങ്ങ എടുത്തു ഒന്ന് ബ്രൌണ്‍ നിറം ആകും വരെ വറുത്തു വയ്ക്കണം

ശര്‍ക്കര നന്നായി ചുരണ്ടി എടുത്തു വയ്ക്കുക

അതിനു ശേഷം നേന്ത്രക്കായ ചെറുതായി നുറുക്കി എടുക്കാം
ചേനയും കഴുകി വൃത്തിയാക്കി ചെറുതായി നുറുക്കി എടുക്കാം ഇനി ഒരു പാത്രത്തില്‍ കായയും ചേനയും കടലയും ഇട്ടു അതിലേയ്ക്ക് മുളക് പൊടിയും , മഞ്ഞള്‍ പൊടിയും, കുരുമുളക് പൊടിയും ആവശ്യത്തിനു ഉപ്പും വെള്ളവും ചേര്‍ത്ത് വേവിക്കുക. ഇനി ഇതിലേയ്ക്ക് തേങ്ങ അരപ്പ് ചേര്‍ത്ത് ഇളക്കാം അതിനു ശേഷം ശര്‍ക്കര ചേര്‍ത്ത് ഇളക്കാം …ഇനി വെള്ളം ഉണ്ടെങ്കില്‍ ശെരിക്കും വറ്റിക്കാം …അതിനു ശേഷം വറുത്തു വച്ച തേങ്ങ ഇതിലേയ്ക്ക് ചേര്‍ത്ത് ഇളക്കാം നന്നായി മിക്സ് ചെയ്തു ഇറക്കി വയ്ക്കാം

അതിനു ശേഷം ഒരു ചീനച്ചട്ടി വച്ച് എണ്ണ ഒഴിച്ച് ചൂടാകുമ്പോള്‍ കടുക് പൊട്ടിക്കാം …അതിനുശേഷം വറ്റല്‍ മുളകും ,കറിവേപ്പിലയും ഇട്ടു മൂത്ത് കഴിയുമ്പോള്‍ ഇത് കറിയില്‍ ചേര്‍ത്ത് നന്നായി ഇളക്കി യോജിപ്പിച്ച് എടുക്കാം

രുചികരമായ കൂട്ടു കറി തയ്യാര്‍

ഇതുണ്ടാക്കാന്‍ വളരെ എളുപ്പമാണ് എല്ലാവരും ഉണ്ടാക്കി നോക്കണം തീര്‍ച്ചയായും ഇഷ്ട്ടപ്പെടും

ഈ റസിപ്പി നിങ്ങള്‍ക്ക് ഇഷ്ട്ടമായെങ്കില്‍ ഈ പോസ്റ്റ്‌ ഷെയര്‍ ചെയ്യുക …പുതിയ പോസ്റ്റുകള്‍ നിങ്ങളുടെ ടൈം ലൈനില്‍ ലഭിക്കാന്‍ ഈ പേജ് ലൈക് ചെയ്യുക

കുമ്പളങ്ങ മോര് കറി ഉണ്ടാക്കാം