ഹായ് കൂട്ടുകാരെ…പോസ്റ്റ് ചെയ്യുന്ന കുറിപ്പുകള് എല്ലാവരും ഉണ്ടാക്കി നോക്കുന്നണ്ടല്ലോ അല്ലെ…ഇന്ന് നമുക്ക് ഒരുഗ്രന് മീന് കറി വയ്ക്കാം വെറും മീന് കറിയല്ല കരിമീന് മപ്പാസ് ..മീന് ഇഷ്ട്ടപ്പെടുന്നവര്ക്കിടയിലെ ഒരു താരമാണ് കരിമീന് വളരെ സ്വദിഷ്ട്ടമായതുമാണ് ഇത് .വളരെ എളുപ്പതില്ത്തന്നെ നമുക്ക് മപ്പാസ് തയ്യാറാക്കാവുന്നതാണ് അതിനാവശ്യമുള്ള സാധനങ്ങള്
1 കരിമീന് – അര കിലോഗ്രാം
2 ഇഞ്ചി(നന്നായി അരിഞ്ഞത്)- അര ടേബിള് സ്പൂണ്
വെളുത്തുള്ളി(നന്നായി ചതച്ചത്) – അഞ്ച് അല്ലികള്
സവാള( അരിഞ്ഞത്) – ഒന്നര കപ്പ്
ചെറിയ ചുമന്നുള്ളി(അരിഞ്ഞത്)- ഒരി ടീസ്പൂണ്
കടുക് – അര ടീസ്പൂണ്
3 പച്ചുമുളക്( നെടുകെ പിളര്ന്നത്) – അഞ്ചെണ്ണം
മല്ലിപ്പൊടി – ഒന്നര ടേബിള്സ്പൂണ്
4 തേങ്ങാപ്പാല്(വെള്ളം ചേര്ക്കാതെ) – രണ്ട് കപ്പ് ( മിക്സിയില് ഒന്ന് കറക്കിയിട്ട് പിഴിഞ്ഞാല് പാല് എല്ലാം ഇങ്ങു പോരും )
5 ഗരം മസാല – ഒരു നുള്ള്
6 വിനാഗിരി – ഒരു ടീസ്പൂണ്
7 കറിവേപ്പില – ആവശ്യത്തിന്
8 വെളിച്ചെണ്ണ – ആവശ്യത്തിന്
9 ഉപ്പ് – ആവശ്യത്തിന്
ഇനി ഇത് തയ്യാറാക്കുന്ന വിധം നോക്കാം
ആദ്യം കരീമീന് നന്നായി വെട്ടിക്കഴുകി ( മീന് വെട്ടാന് അറിയാലോ അല്ലെ ) വൃത്തിയാക്കി വെള്ളം വാര്ത്തുവെയ്ക്കുക.
അതിനുശേഷം ചുവട് കട്ടിയുള്ള പാത്രത്തില് ആവശ്യത്തിന് വെളിച്ചെണ്ണയൊഴിച്ച് ചൂടാകുമ്പോള് രണ്ടാമത്തെ ചേരുവകള് ( കടുക് പൊട്ടിച്ചിട്ട് തുടങ്ങുക ) ചേര്ത്ത് നന്നായി ചുവക്കെ മൂപ്പിക്കുക. ഇവ നന്നായി ചുമന്ന് കഴിഞ്ഞാല് അതിലേയ്ക്ക് മൂന്നാമത്തെ ചേരുവ കൂടി ചേര്ത്ത് വീണ്ടും ഇളക്കുക പച്ചമണം മാറുന്നവരെ വഴറ്റുക ഇപ്പോള് കുറച്ചു കറിവേപ്പില കൂടി ചേര്ത്ത് കൊടുക്കാം
ഇനി ഇത് മൂന്ന് മിനിറ്റോളം വീണ്ടും ചൂടാക്കണം. രണ്ട് ചേരുവകളും നന്നായി മൂത്തുകഴിഞ്ഞാല് വെള്ളം ചേര്ക്കാതെ പിഴിഞ്ഞെടുത്ത തേങ്ങാപ്പാല് ഒഴിക്കുക. ( വെള്ളം ചേര്ത്താല് സ്വാദ് കുറയും ഇതില് പിശുക്ക് കാണിക്കരുത് ) ഇതിനൊപ്പം ഉപ്പും വിനാഗിരിയും ചേര്ത്തിളക്കുക.
ഇവ തിളച്ചുകഴിയുമ്പോള് മുറിച്ചുവച്ച കരിമീന് കഷണങ്ങള് ചേര്ക്കുക. തീ കുറച്ച് പതിനഞ്ച് മനിറ്റോളം അടച്ചുവച്ച് വേവിയ്ക്കുക. മീന് നന്നായി തിളച്ചു കഴിഞ്ഞ് ഒരു നുള്ള് ഗരം മസാല ചേര്ക്കുക. വീണ്ടും ഒന്ന് തിളപ്പിച്ച് പെട്ടന്ന് തീയില് നിന്നും മാറ്റുക.
ഇതിലേക്ക് ഒരു കതിര് കറിവേപ്പില വീണ്ടും ചേര്ക്കാം. ഇനി കരിമീന് കിട്ടിയില്ലെങ്കില് വിഷമിക്കണ്ട പകരം മറ്റ് കട്ടിയുള്ള മീന് കഷണങ്ങള് ചേര്ത്തും ഇത്തരത്തില് കറി തയ്യാറാക്കാം.
ഇത് തയ്യാറാക്കാന് വളരെ എളുപ്പമാണ് എല്ലാവരും ഉണ്ടാക്കണം അഭിപ്രായം അറിയിക്കണം ..വീണ്ടും മറ്റൊരു വിഭവവുമായി വരാം ലൈക് ചെയ്തിട്ട് കറിവച്ചാല് സ്വാദ് കൂടുമെന്നാ !!
ഈ പോസ്റ്റ് ഇഷ്ടമായെങ്കില് നിങ്ങളുടെ കൂട്ടുകാര്ക്കും ഷെയര് ചെയ്യൂ. നിങ്ങള് ഈ പേജ് ഇതുവരെ ലൈക്ക് ചെയ്തില്ലായെങ്കില് ഉടന്തന്നെ ലൈക് ചെയ്യൂ. ദിവസവും പുതിയ പോസ്റ്റുകള് നിങ്ങളുടെ ടൈംലൈനില് ലഭിക്കും.
