ഇന്ന് നമുക്ക് കേരള സ്റ്റയില് പെപ്പര് ചിക്കന് ഉണ്ടാക്കാം .. ഇതിനാവശ്യമായ സാധനങ്ങള്
കോഴിയിറച്ചി – ഒരു കിലോ
കുരുമുളക് തരു തരിപ്പായി ചതച്ച് എടുത്തത്(പൊടിക്കരുത് ) – രണ്ടു ടേബിള്സ്പൂണ്
നാരങ്ങ നീര് – രണ്ട് ടി സ്പൂണ്
സവാള – മൂന്നെണ്ണം ,നീളത്തില് കനം കുറച്ച് അരിഞ്ഞത്
തക്കാളി – ഒരെണ്ണം ,നീളത്തില് അരിഞ്ഞത്
പച്ചമുളക് – രണ്ടെണ്ണം , നീളത്തില് അരിഞ്ഞത്
ഇഞ്ചി – ഒരു ചെറിയ കഷണം ചതച്ചെടുത്തത്
വെളുത്തുള്ളി – അഞ്ച്അല്ലി ചതച്ചെടുത്തത്
കറിവേപ്പില – രണ്ട് തണ്ട്
മഞ്ഞള്പ്പൊടി – അര ടി സ്പൂണ്
ഗരംമസാല / ചിക്കന് മസാല – ഒരു ടി സ്പൂണ്
മല്ലി പൊടി – രണ്ട് ടി സ്പൂണ്
പെരുംജീരകം പൊടിച്ചത് – കാല് ടി സ്പൂണ്
എണ്ണ – 4 ടേബിള്സ്പൂണ്
ഉപ്പ് – ആവശ്യത്തിന്
തയ്യാറാക്കുന്ന വിധം
ആദ്യം കോഴിയിറച്ചി ചെറിയ കഷണങ്ങള് ആക്കി നന്നായി കഴുകി വൃത്തിയാക്കി എടുക്കുക
ഈ കഷണങ്ങളിലേക്ക് ചതച്ച് എടുത്ത കുരുമുളകും ,മഞ്ഞള്പ്പൊടിയും നാരങ്ങ നീര് ചേര്ത്ത് നന്നായി തേച്ചു പിടുപ്പിക്കുക .അര മണിക്കൂര് ഇത് റെഫ്രിജരെട്ടറില് വെക്കുക .
ഒരു പാനില് എണ്ണ ചൂടാകി ഇഞ്ചിയും വെളുത്തുള്ളിയും വഴറ്റുക .കറിവേപ്പില ചേര്ക്കുക .ഇതിലേക്ക് അരിഞ്ഞെടുത്ത സവാള കൂടി ചേര്ത്ത് വഴറ്റുക .
കുറച്ച് ഉപ്പ് ചേര്ത്താല് സവാള പെട്ടന്ന് വഴന്നു കിട്ടും.
സവാളയുടെ നിറം ബ്രൌണ് നിറമായി മാറി തുടങ്ങുമ്പോള് തീ കുറച്ചു ഗരംമസാലയും മല്ലിപൊടിയും പെരുംജീരകവും ചേര്ത്ത് വഴറ്റുക .
പച്ചമണം മാറുമ്പോള് മാറ്റി വെച്ചിരിക്കുന്ന കോഴിയിറച്ചി ചേര്ക്കുക .
തക്കാളിയും പച്ചമുളകും ചേര്ക്കുക .
നന്നായി കുറച്ചു നേരം ഇളക്കുക .മസാല ചിക്കന് കഷണങ്ങളില് നന്നായി ആവരണം ചെയ്തന്നു ഉറപ്പായ ശേഷം അര കപ്പ് വെള്ളം ചേര്ത്ത് അടച്ച് വെച്ച് വേവിക്കുക .ഇടക്ക് ഇളക്കാന് മറക്കരുത് .വെള്ളം ആവശ്യത്തിന് ഉണ്ടന്ന് ഉറപ്പുവരുത്തുക .
ഇറച്ചി നന്നായി വെന്തു കഴിയുമ്പോള് അടപ്പ് മാറ്റി കുറച്ചു നേരം കൂടി ഇളക്കി വേവിക്കുക .അടിക്കു പിടിച്ചു കരിയാന് ഇടയാവരുത് .
ചാറു കുറുകുമ്പോള് തീ അണക്കുക .
സ്വാദിഷ്ടമായ ഈ പെപ്പര് ചിക്കന് , ചപ്പാത്തി, ചോറ് ഇവയുടെ കൂടെ എല്ലാം വളരെ നല്ല കോമ്പിനേഷന് ആണ്.
ഈ റെസിപ്പി നിങ്ങളും ഉണ്ടാക്കി നോക്കുക. ഇഷ്ട്ടമായാല് നിങ്ങളുടെ കൂട്ടുകാര്ക്കും ഷെയര് ചെയ്യുക. കൂടുതല് റെസിപ്പികള് ടൈം ലൈനില് ലഭിക്കാന് ഈ പേജ് ലൈക്ക് ചെയ്യുക.
