ചേരുവകകള്
********************
കടലപരിപ്പ് – 500 ഗ്രാം
മൈദാമാവ് – ഒരു കിലോ
നെയ്യ് – 350 ഗ്രാം
പഞ്ചസാര – 750 ഗ്രാം
നല്ലെണ്ണ – 500 ഗ്രാം
ഏലക്കായ് – 25 ഗ്രാം
ഫുഡ്കളര് – ഒരുനുള്ള്
വെള്ളം – പാകത്തിന്
ഉണ്ടാക്കുന്ന വിധം
വീഡിയോ കാണുവാൻ ഇവിടെ അമർത്തുക
കടലപ്പരിപ്പ് കുക്കറില് നന്നായിവേവിച്ച് വെള്ളം മുഴുവന് ഊറ്റിക്കളഞ്ഞ് ആറിയ ശേഷം മിക്സിയില് മയമായി അരച്ചെടുക്കുക. (തരി ഒട്ടുംവരാതെ പ്രത്യേകംശ്രദ്ധിക്കണം) . അതിനുശേഷം എടുത്തു വെച്ചിരിക്കുന്ന പഞ്ചസാര നന്നായി പൊടിച്ച് കടലപ്പരിപ്പ് അരച്ചുവെച്ചിരിക്കുന്നതിന്റെ കൂടെ എലാക്കായ് പൊടിച്ചു വെച്ചിരിക്കുന്നതും ചേര്ത്ത് നന്നായി ഇളക്കിയോജിപ്പിക്കുക.
ഉരുട്ടിഎടുക്കുന്നപാകത്തിനേക്കാള് ജലാംശം കൂടുതല്തോന്നുന്നുണ്ടെങ്കില് അടുപ്പില്വെച്ച് അത് ജലാംശം ഒന്നുവറ്റിക്കുക.. ( എന്നാല് ഒട്ടുംതന്നെ പാവാകുകയും അരുത്, പെട്ടന്ന്അടുപ്പില്നിന്നും മാറ്റണം) അതിനുശേഷം അതിനെ ചെറു ഉരുളകളാക്കി മാറ്റിവെക്കുക. അതിനുശേഷം എടുത്തുവെച്ചിരിക്കുന്ന മൈദാമാവ് നല്ലെണ്ണയും വെള്ളവും സമാസമം ചേര്ത്ത് ഫുഡ്കളറും ചേര്ത്ത് നന്നായി കുഴച്ച് (ഉരുളകളാക്കാന് പാകത്തിന്) നേരത്തെ തയാറാക്കിവേച്ചിരിക്കുന്ന കടലപ്പരിപ്പ് ഉരുളകളുടെ അതെ വലിപ്പത്തില് ഉരുട്ടി വെക്കുക. മൈദ ഉരുളയെടുത്ത് കൈകൊണ്ട് അല്പം പരത്തി അതിനുള്ളില് കടലപ്പരിപ്പ് ഉരുളയെ വെച്ച്നന്നായിപൊതിയുക.
അതിനുശേഷം മൈദാപ്പൊടിയോ, അരിപ്പൊടിയോ തടവി ചപ്പാത്തി പരത്തുന്നതുപോലെ നന്നായി പരത്തിയെടുത്ത് ദോശക്കല്ലില് നെയ്യ് പുരട്ടി തിരിച്ചും മറിച്ചും ഇട്ടെടുക്കുക. ഓരോബോളിയും ദോശക്കല്ലില് നിന്നും വാങ്ങിയാലുടനെ ഓരോന്നിന്റെയും പുറത്ത് . നെയ്പുരട്ടുക.
സ്വാദിഷ്ടമായ ബോളിറെഡി.