ഫിഷ്‌ ടൊമാറ്റോ റോസ്റ്റ്

ആവശ്യമുള്ള സാധനങ്ങൾ

മീൻ ( മുള്ളില്ലാത്തത് ) – 250 gm

സവാള – 1 എണ്ണം

തക്കാളി – 2 എണ്ണം

വെളുത്തുള്ളി 6 അല്ലി

ഇഞ്ചി 1 ഇഞ്ച് കഷണം

കറിവേപ്പില 1 ഇതൾ

മഞ്ഞൾപൊടി – 1 നുള്ള്

കാശ്മീരി മുളക്പൊടി 1 ടേബിൾസ്പൂൺ

കടുക് – ½ ടീസ്പൂൺ

എണ്ണ – 3 ടേബിൾസ്പൂൺ

ഉപ്പ് – ആവശ്യത്തിന്

തയാറാക്കുന്ന വിധം :

മീൻ കഴുകി വൃത്തിയാക്കി ചെറിയ കഷണങ്ങളാക്കുക ( ½ ഇഞ്ച് വലുപ്പത്തിൽ )

തക്കാളി, സവാള, ഇഞ്ചി, വെളുത്തുള്ളി, എന്നിവ ചെറുതായി അരിയുക.

ഒരു നോൺസ്റ്റിക് പാനിൽ 3 ടേബിൾസ്പൂൺ എണ്ണ ചുടാക്കി കടുക് പൊട്ടിച്ചശേഷം തക്കാളി, സവാള, ഇഞ്ചി, വെളുത്തുള്ളി എന്നിവ ഉപ്പ് ചേർത്ത് വഴറ്റുക.

ഇത് ഗോൾഡൻ നിറമാകുമ്പോൾ തീ കുറച്ച്, മുളക്പൊടിയും, മഞ്ഞൾപൊടിയും ചേർത്ത് 1 മിനിറ്റ് ഇളക്കുക.

ഇതിലേയ്ക്ക് തക്കാളി, മീൻ, കറിവേപ്പില എന്നിവ ചേർത്ത് നന്നായി ഇളക്കി 10 മിനിറ്റ് നേരം അടച്ച് വച്ച് ചെറു തീയിൽ വേവിക്കുക.

പിന്നിട് 1-2 മിനിറ്റ് തുറന്ന് വച്ച് വെള്ളം വറ്റിച്ച് തീ അണക്കുക ( ഇടവിട്ട് ഇളക്കികൊടുക്കുക ) ഉപ്പ് പാകത്തിന് നോക്കി ചേർക്കുക.