മിച്ചർ

മിക്ക മലയാളികള്‍ക്കും ഇഷ്ടമുള്ള ഒരു നാലുമണി സ്നാക്സ് ആണ് മിച്ചര്‍. അവ ഉണ്ടാക്കാന്‍ ആരും അങ്ങനെ മെനക്കെടാറില്ല. ബേക്കറികളില്‍ നിന്നും വാങ്ങുകയാണ് ചെയ്യാറ്. എന്നാല്‍ രുചികരമായ മിച്ചര്‍ വീട്ടില്‍ തന്നെ ഉണ്ടാക്കാം.

മിച്ചര്‍ ഉണ്ടാക്കാന്‍ ആവശ്യമുള്ള സാധനങ്ങള്‍:

  • കടലമാവ് – 1 കപ്പ്‌
  • അരിപ്പൊടി – 1/4 കപ്പ്‌
  • മുളകുപൊടി – 1 ടീസ്പൂണ്‍
  • കായപ്പൊടി – 1/2 ടീസ്പൂണ്‍
  • കളർ – 1 നുള്ള്
  • ഉപ്പ്

ഇവ എല്ലാം കൂടി കുഴച്ച് നൂലപ്പത്തിന്റെ അച്ചിലൂടെ പിഴിഞ്ഞ് ചൂടായ എണ്ണയിൽ വറുത്ത് കോരുക.

  • കടലമാവ് – 2 ടീസ്പൂണ്‍
  • കായപ്പൊടി – 1 നുള്ള്
  • ഉപ്പ്
  • കളർ – 1 നുള്ള്
  • വെള്ളം

ഇവ എല്ലാം കൂടി ഇഡഡലി മാവിന്റെ അയവിൽ യോജിപ്പിച്ച് അരിപ്പ കയിലിലൂടെ ചൂടായ എണ്ണയിൽ ഒഴിച്ച് വറുത്ത് കോരുക.

  • വെള്ളുള്ളി – 4 അല്ലി
  • കറിവേപ്പില – 1 പിടി
  • ഗ്രീൻബീസ് – 4 ടീസ്പൂണ്‍
  • പൊട്ടുകടല – 4 ടീസ്പൂണ്‍
  • കപ്പലണ്ടി – 4 ടീസ്പൂണ്‍

ഇവ എല്ലാം വെവ്വേറെ ചൂടായ എണ്ണയിൽ വറുത്ത് കോരുക. വെള്ളുള്ളി തൊലിയോട് കൂടി ചതച്ച് വറുക്കുക.ഒരു വലിയ പാത്രത്തിൽ എല്ലാം കൂടി ഇട്ട് 1/2 ടീസ്പൂണ്‍ മുളക്പൊടിയും 1/4 ടീസ്പൂണ്‍ കായപ്പൊടിയും ഇട്ടു നന്നായി യോജിപ്പിക്കുക. മിച്ചർ റെഡി.