വറുത്തരക്കാതെ തയ്യാറാക്കിയ തനി നാടൻ സാമ്പാർ
സാമ്പാർ തയ്യാറാക്കാനായി ഒരു പ്രഷർ കുക്കറിലേക്ക് കഴുകിയെടുത്ത അരക്കപ്പ് പരിപ്പും, ഒരു പിടിയോളം ചുവന്നുള്ളിയും, രണ്ട് പച്ചമുളകും, കൊത്തമരയ്ക്ക അഞ്ചെണ്ണം നടുവേ മുറിച്ചതും, ഒന്നര കപ്പ് വെള്ളവും, അല്പം വെളിച്ചെണ്ണയും ചേർത്ത് നന്നായി വേവിച്ചെടുക്കുക, ഇതിലേക്ക് ഒരു ക്യാരറ്റ് ,ഒരു ഉരുളക്കിഴങ്ങ്, ഒരു വഴുതനങ്ങ, അഞ്ചോ ആറോ കഷ്ണം മുരിങ്ങക്കായ, കുറച്ചു ചേന മത്തങ്ങ, പടവലങ്ങ എന്നിവ മീഡിയം സൈസിൽ കട്ട് ചെയ്തത് എന്നിവ വെന്ത് വന്ന പരിപ്പിലേക്ക് ചേർത്തു കൊടുക്കാം, കൂടെ ഉപ്പും, അല്പം മഞ്ഞൾ പൊടിയും, ഒരു ചെറിയ കഷണം കായം എന്നിവയും രണ്ട് കപ്പ് ചൂട് വെള്ളവും ചേർത്തു മിക്സ് ചെയ്ത് അല്പം കറിവേപ്പിലയും ചേർത്ത് 15 മിനിറ്റ് വരെ നന്നായി തിളപ്പിച്ച് വേവിച്ചെടുക്കുക, ഇതിലേക്ക് നാരങ്ങാ വലിപ്പത്തിലുള്ള പുളി വെള്ളത്തിലിട്ട് കുതിർത്ത് പിഴിഞ്ഞെടുത്തത് ഒഴിച്ചു കൊടുക്കാം, ഇത് രണ്ടു മിനിറ്റ് വരെ തിളപ്പിക്കുക, ശേഷം ഇതിലേക്ക് വഴറ്റിയെടുത്ത വെണ്ടക്കയും ,തക്കാളിയും ചേർക്കാം . അടുത്തതായി പൊടികൾ ചൂടാക്കി എടുക്കാം, അതിനായി രണ്ടര ടീസ്പൂൺ മല്ലിപ്പൊടി, മൂന്ന് ടീസ്പൂൺ മുളകുപൊടി, അര ടീസ്പൂൺ കുരുമുളകുപൊടി, കാൽ ടീസ്പൂൺ ഉലുവപ്പൊടി എന്നിവ ഒരു പ്ലേറ്റിൽ എടുത്ത് വയ്ക്കുക, ഒരു പാനിലേക്ക് അല്പം എണ്ണ ഒഴിച്ച് ചൂടാക്കി കടുകിട്ട് പൊട്ടിക്കാം, ശേഷം വറ്റൽ മുളകും, ചെറിയ ഉള്ളി പൊടിയായി അരിഞ്ഞതും, അല്പം കറിവേപ്പിലയും ചേർത്ത് വഴറ്റുക ,ഇതിലേക്ക് പൊടികൾ ചേർത്ത് നന്നായി ചൂടാക്കി എടുക്കാം, ശേഷം സാമ്പാറിലേക്ക് ഇത് ചേർത്ത് മിക്സ് ചെയ്യുക, ഒരു കഷണം ശർക്കര കൂടി ചേർത്ത് നല്ലതുപോലെ തിളപ്പിച്ചാൽ രുചികരമായ സാമ്പാർ റെഡി.
ഈ വീഡിയോ നിങ്ങൾക്ക് ഇഷ്ടമായെങ്കിൽ ഫ്രെണ്ട്സിനും ഫാമിലിക്കും ഷെയർ ചെയ്തു കൊടുക്കുമല്ലോ ഒപ്പം ഇതുപോലെയുള്ള റെസിപ്പി കൾക്കായി ഞങ്ങളുടെ ഫേസ്ബുക്ക് പേജ് ഫോളോ ചെയ്യുക കൂടെ ഈ ചാനൽ സബ്സ്ക്രൈബ് ചെയ്യുക Chinnu’s Cherrypicks
