ഈന്തപ്പഴം പായസം

ഈന്തപ്പഴം ആരോഗ്യവശങ്ങള്‍ ഏറെയുള്ളൊരു ഭക്ഷണവസ്തുവാണെന്ന കാര്യം എല്ലാവര്‍ക്കും അറിയുന്നതായിരിക്കും. എന്നാല്‍ ഇതിന്റെ ആരോഗ്യവശങ്ങള്‍ എന്തൊക്കെയുണ്ടെന്നതിനെപ്പറ്റി വലിയ നിശ്ചയമൊന്നും കാണില്ല. ധാരാളം അസുഖങ്ങള്‍ക്കുള്ളൊരു പരിഹാരമാര്‍ഗം കൂടിയാണ് ഈന്തപ്പഴം. കെളസ്‌ട്രോള്‍ തീരെയില്ലാത്ത ഒരു ഭക്ഷണപദാര്‍ത്ഥം. പ്രമേഹരോഗികള്‍ക്കു പോലും ദിവസവും ഒന്നോ രണ്ടോ ഈന്തപ്പഴം കഴിയ്ക്കാമെന്നാണ് പറയുക.

ചേരുവകള്‍

ഈന്തപ്പഴം – 20 എണ്ണം

പാല്‍ – അര ലിറ്റര്‍

പഞ്ചസാര – 3 ടേബിള്‍സ്പൂണ്‍

ചൊവ്വരി– 2ടേബിള്‍സ്പൂണ്‍

ഏലയ്ക്കാ പൊടിച്ചത് – ഒരു ടീസ്പൂണ്‍

വെള്ളം – ഒരു ഗ്ലാസ്‌

കശുവണ്ടി – ഒരു ടേബിള്‍സ്പൂണ്‍

കിസ്മിസ്‌ – ഒരു ടേബിള്‍സ്പൂണ്‍

നെയ്യ് – രണ്ടു ടേബിള്‍സ്പൂണ്‍

dates – 20, the number

Milk – half a liter

Sugar – 3 tablespoons

sagoseed- 2 tablespoons

cardamon powder – a teaspoon

Water – a glass

Cashew – an tablespoons

raisin – an tablespoons

Ghee – two tablespoons

 

തയ്യാറാക്കുന്ന വിധം
…………………………………
ചൊവ്വരി നെയ്യിൽ വറുത്ത് വേവിച്ച് വെക്കുക.ഈന്തപ്പഴം കുരു കളഞ്ഞ് ചെറിയ കഷണങ്ങള്‍ ആയി നുറുക്കുക. ഒരു ഗ്ലാസ്‌ വെള്ളം തിളപ്പിച്ചത് ഇതിലേക്ക് ഒഴിക്കുക. ഇത് അടുപ്പില്‍ വച്ചു നന്നായി അലിയിപ്പിക്കുക. നല്ല കുറുകിവരുമ്പോള്‍ തീ കുറയ്ക്കുക. പാല്‍ ചേര്‍ത്ത് നന്നായി ഇളക്കുക. തിള വരുമ്പോള്‍ പഞ്ചസാരയും വേവിച്ച് വച്ച ചൊവ്വരിയും ചേര്‍ക്കുക. കുറുകുന്നത് വരെ ഇളക്കി കൊടുക്കുക. മധുരം ആവശ്യാനുസരണം കൂട്ടാം. വാങ്ങുന്നതിന് മുന്‍പ് ഏലയ്ക്കാപ്പൊടി ചേര്‍ത്ത് ഇളക്കുക. കശുവണ്ടിയും കിസ്മിസും നെയ്യില്‍ വറുത്ത് ചേര്‍ക്കുക. പായസം റെഡി