പലതരത്തിലുള്ള പലഹാരങ്ങള്‍ നമ്മള്‍ ഉണ്ടാക്കാറുണ്ട് …വളരെ ഈസിയായി തയ്യാറാക്കാന്‍ കഴിയുന്ന പലഹാരങ്ങള്‍ ആണ് എല്ലാവര്‍ക്കും ഉണ്ടാക്കാന്‍ ഇഷ്ട്ടം …പഴങ്ങള്‍ ഉപയോഗിച്ച് നമ്മള്‍ പലതരത്തില്‍ പലഹാരം ഉണ്ടാക്കാറുണ്ട് …വാഴപ്പഴങ്ങളില്‍ ഏറ്റവും ആരോഗ്യഗുണങ്ങള്‍ ഉള്ള ഒന്നാണ് ഏത്തപ്പഴം ,അഥവാ നേന്ത്രപ്പഴം ..ചില കുട്ടികള്‍ക്ക് ഏത്തപ്പഴം കൊടുത്താല്‍ കഴിക്കാന്‍ ബുദ്ധിമുട്ടാണ് ..ഏത്തപ്പഴം കൊണ്ട് എന്തെങ്കിലും ഒക്കെ പലഹാരങ്ങള്‍ ഉണ്ടാക്കി കൊടുത്തു നോക്കൂ കുട്ടികള്‍ രുചിയോടെ കഴിക്കുന്നത്‌ കാണാം ..ഇപ്പൊ നമുക്ക് കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ട്ടപ്പെടുന്ന ഏത്തപ്പഴം വിളയിച്ചത് ഉണ്ടാക്കാം …ഇതെങ്ങിനെ തയ്യാറാക്കാം എന്ന് നമുക്ക് നോക്കാം ഇതിനാവശ്യമുള്ള സാധനങ്ങള്‍
1) ഏത്തക്ക പഴുത്തത് – മൂന്നെണ്ണം
2) പഞ്ചസാര – 3 ടേബിള്‍ ടിസ്പൂണ്‍
3) നെയ്യ് – ഒന്നര ടിസ്പൂണ്‍
4) ഏലക്കായ പൊടിച്ചത് – നാല് ടിസ്പൂണ്‍
5) തേങ്ങപ്പാല്‍ (തലപ്പാല്‍) – മൂന്നു ടേബിള്‍ ടിസ്പൂണ്‍
6) ഉണക്ക മുന്തിരി – ആവശ്യത്തിനു
7) കശുവണ്ടി – ആവശ്യത്തിനു
ഇത് ഉണ്ടാക്കുന്നവിധം പറയാം
ആദ്യം തന്നെ ഏത്തക്കായ പുഴുങ്ങി തൊലി കളഞ്ഞു കഷണങ്ങള്‍ ആക്കിയെടുക്കുക
. അടുത്തതായി ഒരു ചട്ടിയില്‍ നെയ്യ് ഒഴിച്ച് ചൂടാക്കി ഉണക്ക മുന്തിരിയും, കശുവണ്ടിയും വറുത്തെടുത്ത് മാറ്റി മാറ്റിവയ്ക്കാം അതിനുശേഷം ഈ നെയ്യിലെയ്ക്ക് ഏത്തക്കായ കഷണങ്ങള്‍ ഇട്ടു ഒന്ന് വഴറ്റുക അതിനു ശേഷം ഇതിലേയ്ക്ക് തേങ്ങപ്പാല്‍ ഒഴിച്ച് വറ്റിക്കുക . ഇനി ഇതിലേയ്ക്ക് പഞ്ചസാര ചേര്‍ത്ത് ബ്രൌണ്‍ നിറമാകുന്നത് വരെ ഇളക്കുക ( പഞ്ചസാര ഉരുകി ചേരണം അതുവരെ ഇളക്കുക ). നല്ല ബ്രൌണ്‍ നിറമായാല്‍ വറുത്ത് വെച്ചിരിക്കുന്ന കശുവണ്ടിയും ഉണക്ക മുന്തിരിയും ഏലക്ക പൊടിച്ചതും ചേര്‍ത്ത് നന്നായി ഇളക്കി വാങ്ങി വയ്ക്കാം .
ഏത്തക്കായ വിളയിച്ചത് റെഡി
ഇത് നമുക്ക് വളരെ എളുപ്പത്തില്‍ തയ്യാറാക്കാം ..കുട്ടികളൊക്കെ സ്കൂള്‍ വിട്ടു വരുമ്പോള്‍ ഒരു വെറൈറ്റി പലഹാരമായിട്ടു ഇത് കൊടുക്കാം …അണ്ടിപ്പരിപ്പും മുന്തിരിയും ഒക്കെ ചേര്‍ത്തിരിക്കുന്നത് കൊണ്ട് കുട്ടികള്‍ക്ക് ഇത് വളരെ ഇഷ്ട്ടപ്പെടും ..എല്ലാവരും ഇതുണ്ടാക്കി നോക്കണം …ഏത്തപ്പഴം കൂടുതല്‍ പഴുത്തു പോയാലും അത് കളയേണ്ട ആവശ്യമില്ല ഇതുപോലെ വിളയിച്ചു നമുക്ക് കഴിക്കാവുന്നതാണ് …കുട്ടികള്‍ക്ക് ടിഫിന്‍ ആയിട്ടും ഇത് കൊടുത്ത് വിടാവുന്നതാണ് …മുതിര്‍ന്നവര്‍ക്കും ഇത് ഏറെ ഇഷ്ട്ടപ്പെടുന്ന ഒന്നാണ് ..ഏത്തപ്പഴം വളരെ ആരോഗ്യഗുണങ്ങള്‍ അടങ്ങിയിട്ടുള്ള ഒന്നുകൂടിയാണ്
ഈ പോസ്റ്റ്‌ നിങ്ങള്‍ക്ക് ഇഷ്ട്ടപ്പെട്ടെങ്കില്‍ ഇത് ഷെയര്‍ ചെയ്യാതെ പോകരുത് …പുതിയ പോസ്റ്റുകള്‍ നിങ്ങളുടെ ടൈം ലൈനില്‍ ലഭിക്കുവാനായി ഈ പേജ് ലൈക് ചെയ്താല്‍ മതി
