ഹലോ കൂട്ടുകാരെ ,,പ്രാതലിനു ഒരു ഉത്തരേന്ത്യന്‍ ഭക്ഷണം ആയാലോ …സ്ഥിരം പ്രാതല്‍ വിഭവങ്ങളില്‍ നിന്നും ഒരു ദിവസം ഒന്ന് മാറ്റിപ്പിടിക്കാം അല്ലെ …ഇന്ന് നമുക്ക് ആലൂ ഗോപി ബട്ടൂര ഉണ്ടാക്കാം …ഇത് കഴിച്ചിട്ടുള്ളവര്‍ക്ക് അറിയാം വളരെ ടേസ്റ്റിയാണ് …അപ്പോള്‍ നമുക്ക് ഉണ്ടാക്കാം ആലൂ ഗോപി ബട്ടൂര ,ഇതിനാവശ്യമുള്ള സാധനങ്ങള്‍
ഉരുളക്കിഴങ്ങ് ( ആലൂ ) – കാല്‍ക്കിലോ
ക്വാളിഫ്ളവര്‍ ( ഗോപി )- അരക്കിലോ
വെളിച്ചെണ്ണ – അര ലിറ്റര്‍
ഉരുളക്കിഴങ്ങ് തൊലികളഞ്ഞ് കഴുകി വൃത്തിയാക്കി ചെറുതായി നുറുക്കുക ഒരെണ്ണം ഒരു പത്തു പതിനാറു കഷണം ആക്കാം
ഇനി ക്വാളിഫ്ളവര്‍ നടുവിലെ വലിയ തണ്ട് ഒഴിച്ച് ബാക്കി എല്ലാം ചെറിയ കഷണങ്ങളാക്കുക ഇതും കഴുകി മാറ്റിവയ്ക്കുക
ഇനി ഒരു ചീനച്ചട്ടി അടുപ്പതുവച്ചു വെളിച്ചെണ്ണ ഒഴിച്ച് തിളയ്ക്കുമ്പോള്‍ ഉരുളക്കിഴങ്ങ് ഇട്ടു നല്ല ഗോള്‍ഡന്‍ ബ്രൌണ്‍ നിറമാകുന്നതു വരെ ഡീപ്പ് ഫ്രൈ ആയി പൊരിചെടുക്കാം ശേഷം ക്വാളിഫ്ളവറും ഇങ്ങിനെ പൊരിച്ചെടുക്കുക എന്നിട്ട് ഇത് രണ്ടും മാറ്റി വയ്ക്കുക
ഇനി അടുത്തതായി വേണ്ട സാധനങ്ങള്‍
പച്ചമുളക് – പത്തെണ്ണം നീളത്തില്‍ അരിഞ്ഞത്
ഇഞ്ചി – ചെറിയ കഷണം കനം കുറച്ചു നീളത്തില്‍ അരിഞ്ഞത്
25 ഗ്രാം ഇഞ്ചിയും 25 ഗ്രാം വെളുത്ത ഉള്ളിയും പേസ്റ്റാക്കിയത് ( രണ്ടും സപ്രേറ്റ്ആക്കി പേസ്റ്റാക്കണം)
മുളക് പൊടി ഒരു ടേബിള്‍ സ്പൂണ്‍.
മഞ്ഞള്‍ പൊടി ഒരു ടീ സ്പൂണ്‍.
ഒരു നുള്ള് ഗരം മസാല.
രണ്ട് സവാള വളരെ നേര്‍മ്മയായി അരിഞ്ഞത്
ഉപ്പ് പാകത്തിന്
ഇനി അടുത്തതായി ചെയ്യേണ്ടത് ഉരുളക്കിഴങ്ങ് പൊരിക്കാന്‍ എടുത്ത വെളിച്ചെണ്ണയില്‍ കുറച്ചു എടുത്തു ഇതൊക്കെ ഒന്ന് വഴറ്റി എടുക്കണം
ആദ്യം ഇഞ്ചി പേസ്റ്റ് ഇടുക അതിന്റെ പച്ച മണം മാറിയാല്‍ വെളുത്തുള്ളി പേസ്റ്റ് ഇടുക ഒന്ന് വഴറ്റുക ശീഷം അഞ്ചു പച്ചമുളക് ചേര്‍ക്കുക ഒന്ന് വാടിയ ശേഷം സവാള ചേര്‍ക്കുക എല്ലാം ഒന്ന് ബൌന്‍ നിറമാകും വരെ വഴറ്റുക ഇനി ഇതിലേക്ക് മഞ്ഞള്‍പ്പൊടി ഇടുക ഒന്ന് ഇളക്കിയിട്ട് മുളക് പൊടിയും ആവശ്യത്തിനു ഉപ്പും ചേര്‍ക്കാം നന്നായി വഴട്ടിയിട്ടു വറുത്തു വച്ചിരിക്കുന്ന ഉരുളക്കിഴങ്ങും ക്വാളിഫ്ളവര്‍ കൂടി ചേര്‍ത്ത് നന്നായി മിക്സ് ചെയ്യുക ഇറക്കാന്‍ നേരം ബാക്കിയുള്ള പച്ചമുളകും ഇഞ്ചിയും കൂടി ചേര്‍ക്കാം …ഇനി ഇത് വാങ്ങി പാത്രത്തിലേക്ക് മാറ്റുക
അടുത്തതായി നമുക്ക് ബട്ടൂര ഉണ്ടാക്കാം ഇതിനാവശ്യമായത്
കാല്‍ക്കിലോ മൈദാ
ഒരു കോഴിമുട്ട
ചൂട് വെള്ളം
മൈദാ യില്‍ മുട്ടയും ചൂടുവെള്ളവും ആവശ്യത്തിനു ഉപ്പും ചേര്‍ത്ത് നന്നായി കുഴച്ചു മാവാക്കുക …ഇതില്‍ കുറച്ചു എണ്ണ തേച്ചു നനഞ്ഞ തുണികൊണ്ട് മൂടി വയ്ക്കുക ഇത് അരമണിക്കൂര്‍ നേരം വയ്ക്കുക
അതിനുശേഷം എടുത്തു ഉരുളകളാക്കി വലിയ പത്തിരിയുടെ വലിപ്പത്തില്‍ പരത്തുക ഉരുളക്കിഴങ്ങ് പൊരിച്ച വെളിച്ചെണ്ണയില്‍ തന്നെ ഇതും പൊരിച്ചെടുക്കുക…( പൂരിക്ക് ആട്ടയാണെങ്കില്‍ ഇതിന് മൈദയാണ് ഉപയോഗികുക, പൂരിയേക്കാള്‍ വലുതായി പരത്തുകയും വേണം)
ഇപ്പോള്‍ ആലൂ ഗോപി ബട്ടൂര റെഡിയായിക്കഴിഞ്ഞു ഇനി ഇത് രണ്ടും കൂടി കഴിക്കാം …നല്ല സ്വാദിഷ്ടമായ ഒന്നാണിത് … വായിക്കുമ്പോള്‍ എളുപ്പമാല്ലന്നു തോന്നും പക്ഷെ ഉണ്ടാക്കുമ്പോള്‍ എളുപ്പമാ ഒരു ലൈക് അടിച്ചിട്ട് തുടക്കിയാല്‍ സൂപ്പര്‍ ആകും …എല്ലാവരും ഉണ്ടാക്കി നോക്കുക …
ഈ പോസ്റ്റ്‌ ഇഷ്ട്ടമായെങ്കില്‍ മറ്റു കൂട്ടുകാര്‍ക്ക് കൂടി ചെയര്‍ ചെയ്യൂ ദിവസവും പുതിയ പോസ്റ്റുകള്‍ നിങ്ങളുടെ ടൈംലൈനില്‍ ലഭിക്കുവാനായി ഈ പേജ് ലൈക് ചെയ്യൂ
